Wïlöölö 44:33 - Wëël Jwøk

³³ «'Ba kawaane ennø a kwaya ïïni, beerra man tïma ni aana laŋ kwääya na kar nyilaal, ni weyï eni nee aae ki uutwänni.

Wïlöölö 44:33 Iomraidhean Croise

Wïlöölö 44:10

Ni köö nyikeenø, «Beerra man tïme kaawat mana caannu enøgø; ŋato joot gïnögø baŋe otïmö na laŋŋa, 'ba u bëët bäŋ ajäla bäätu.»

Wïlöölö 44:32

Aani na laŋŋï, aana tïmö na waaci mar nyilaal jï wära, ni kööa, ni ‹Ni näk eni ba duua baŋï, ajäla otïmö ni ena bääta nyïmï na bäre bäre.›

Wïlöölö 44:34

?Kiper aano døøa baŋ wära nidïï ni näk nyilaal tøør buuta? Aana lwäyö kiper gïna raac mano neena noo tägi dëër wära.»

2 Camiel 24:17

'Ba kanya ö Deebiti na joot nyïïatwiel maal mana 'näk jiy, ena lämö jï Wuuö Jwøk ni kööe, ni «Ka adïëri møn, beeye aani na bääyö, na tïïc gïn mo raac. ?'Ba jiy moi ni caal rööm ii, agïnaŋø na baacge? Wui Wuuö Jwøk, beerra man tïm cerï ni ena dëëra ki jø dhi øt wära.»

Bwøth Wøk 32:32

'Ba ennø, ni näk løny, beerra man wëënnï bääyö marge; 'ba ni näk mo ba løny, akwaya ïïni nee nyeŋŋa raanynyï yi wëëlö mana näk nyeŋ jiyï iï göör yie.»

Wëëlö Mana Göör Pøølli Baŋ Jø Röm 9:3

Doo beer kee aani ki dëëra, aano cienø, ni ŋul aani wøk dëër Krictø kiper nyïïmera, na näk tuuŋwa na jø powa.

Ibaru 7:22

Ni beeye gïn na tïïc Jecu na waaci mar luubö mana beerra eni na tuut Jwøki ki jiy.

1 Jøøn 3:16

'Ba gïna ŋääø mëër, ŋääø kaper mana ö Jecu na cïp jwïëye kiperø. Ni øøni thuwø, jwïëyø døø cïbö kiper nyïïmëëe.