Wïlöölö 44:21 - Wëël Jwøk

²¹ «Køøre ïïna köö jï laaŋe moï, ni ‹Kälu eni baŋa kany kiper nee eni jooda.›

Wïlöölö 44:21 Iomraidhean Croise

Wïlöölö 42:15

'Ba Jocep akööŋ ri Peerø ni kööe, «U di päänynyö na ennø. Ni näk owääu mana thiinh ba ö kany, u ba doo aay kany.

Wïlöölö 42:20

Ni kälu owääu mana thiinh baŋa, kiper nee ŋäc ni maru adïëri; køøre u ba thøw.» Ni ö geni ni tïïcge mana caan jïge.

Wïlöölö 43:29

Ni ö Jocepi ni lwïthe ni joot coki ma Benjamen, na näk miige aciel ki gø, ni kööe, ni «?Man beeye owääu mana thiinh, ŋata gïre caannu jïra? Met ec mar Jwøk oen bäätï, wääda.»

Wïlöölö 44:22

Ni caanwa gø jï kwääcwa, ni ‹Nyilaal ba løny ki man aae buut wänni, kiper ni näk mo aay buut wänni, wänni thøw.›

Jeremaya 24:6

Ni neeta geni ki waŋ mo beer, ni duua geni yi ŋöömmi en, ni tïïa geni ni teek, ni ba nyaaa geni piny këët. 'Ba tietge okëëlla piny, ni ba cööda geni wøk këët.

Jeremaya 40:4

'Ba dïcäŋi ennø, ka adïëri møn, aani, ï päda pädö yïth tiimme moø ni en ceŋŋï yøø. Ni näk miï jiera man ciï Babiløn ki aani, ø aay na aciel, ni gwøa ïïni; 'ba ni näk miï jiera man ba ciï Babiløn ki aani, løny ki man bëëdï. Neenï, yi paac man bäre løny ki man jierï kanya manynyï jaak; løny jïrï ki man ciï kanya näk wøp ni iï caarø ni beer ki jïrï.»

Amøc 9:4

Këël ge doo maa ki tøŋ ni kïth geni paac mør, geno wëëga näk ki tøŋ kunöce. Ni raŋŋa jïge ki waŋ mo raac ni patha waŋ mo beer.»