Wïlöölö 44:16 - Wëël Jwøk

¹⁶ Ni kö Juuda, na «?Agïnaŋø noo caanwa këët jï kwääcwa? ?Waano loopwa ŋø? ?Rewa owaanywa gø nidïï? Kiper Jwøk bääyö mar laaŋe moï ee nø joot. 'Ba ennø waani bëët ki ŋata joot ogubayu cere waano tïmö na laak kwääcwa.»

Wïlöölö 44:16 Iomraidhean Croise

Wïlöölö 37:7

Kanya läga nëëni kere øøni nø, ø ena yi pwödhö ni ø töö ka acook abäy, ni ö acooŋa mara ni cuŋŋe, ni ö mou ni cooŋge rege lak mara ni kuulge wïthge piny nyïm acooŋ abäy mara.»

Wïlöölö 37:9

Køøre ena cäŋ lägö ki lääk mør, ni par gø jï uutwänni, ni kööe, «Aani nø, aana cäŋ lägö ki lääk mør. Kanya läga nëëni kere cäŋ ki dwääy ki ceer apaar kurciel wïthge ege kuul piny nyïma.»

Wïlöölö 44:17

'Ba Jocep aköö, «Manøgøøni ba doo løny jïra ki man tïïa gø. Ŋata joot ogubayu cere keere beeye noo tïïa na laŋŋa. 'Ba uuni bëët, cou baŋ wääu ki met ec.»

Wïlöölö 44:32

Aani na laŋŋï, aana tïmö na waaci mar nyilaal jï wära, ni kööa, ni ‹Ni näk eni ba duua baŋï, ajäla otïmö ni ena bääta nyïmï na bäre bäre.›

Wïlöölö 44:9

'Ba dï laagï bëët, ŋato jootï gø baŋe, wär eni thøøe, ni tïmwa ni waana laak kwääcwa.»

1 Nyeye 17:18

Køøre nyijøøgø aköö jï Ilaaja, na «?Agïnaŋø ni en yïthakiyø ki ïïni, ï na nyikuŋ Jwøk en? ?Aŋø, ï ö baŋa niï tïïya raay 'moa nee wïïa para ki geni, niï tïïya wääda nee thøøe?»

Edhera 9:10

«?'Ba ennø, ï na Jwøk marwa en, agïnaŋø noo caanwa køør gïn? Kiper waani ciik moï awecwa,

Edhera 9:15

Wui Wuuö Jwøk, Jwø Icriel, ïïni, ï beer; kiper waani, waana wec na mo dööŋ ni kwøw, kaawat man bëëde dïcäŋi en. Ennø, raay mowa ena nyïmï; ni bäŋ dhaanhø rewa mo maar cuŋŋö nyïmï ki køør raay mowa.»

Jööp 40:4

ni «Aani, aana dhaanhø jaak mo bäŋ kare. ?Olønye jïra nidïï ki man dwöga baŋï ki luubö? Aani dhaa miia miiø ki cera.

Pwöc Leec Wïc 17:15

Ŋat wø ŋun ŋat mo raac, ki ŋat wø ŋøl ŋat mo mare beer wøk, Wuuö Jwøk yie raac ki geni bëët.

Pwöc Leec Wïc 28:17

Ŋat mo dëëre da kwör dhaanhø mo rem gø ee køny piny bëëdö ni bëënna böö këël aŋuun thøø mare; eni, kär dee ŋat køny gø.

Aydheea 27:9

Kiper manøgønø, gïnögø otïmö na jöö man wëën bääyö mar Jeekap ki gø; ni gïno duu wëën raay manøgø beeye kanyo ö eni noo raany kïte mo gïn wø cïp olämme bääte ni tïïc ge kaamar tør mar kïn booya; ni beeye kanyo ö jenni moa näk ege tieŋø na no ocaa ri jwøa cwøl na Acara, ki gïï wø waaŋ gïï wø jïcge ŋwääi ni met bäätge noo tïmge ni bäŋgø mo cuŋŋi këët.

Aydheea 5:3

'Ba ennø, ŋata mëëra ki gø aköö, ni «U ni wø bëëdö yi Jerucalem ki jø Juuda, ŋøllu luubö man yïthakicwa ki pwöth jer omøki mara.

Daniel 9:7

«Wui Kwäärö Wuuö Jwøk, ïïni bee ï wää bëënynyö, 'ba waani marwa beeye lään wïc, kaawat man bëëde dïcäŋi en, ni bee wa jø Juuda ki jø wø bëëdö Jerucalem, ki jø Icriel bëët moa en kwör mo cärö ki moa en kwör mo bäyö yïth mïëri bëët moa riemï ge yïthge, kiper ageeme moa tïïcge dëërï.

Kwään Jiy 32:23

«'Ba ni näk mo ba tïïyu, u bääyö dëër Wuuö Jwøk; 'ba wär ŋäyu ni raay mou keeru røma rou.

Mathiew 7:2

Kiper ŋøl mano ŋøllu, beeye noo ŋøl u wøk ki gø. Ni rumi man wø cïpu, beeye rumi mano duu baŋu.

Luk 12:2

Bäŋ gïrpiny mo ouumö mo ba cäŋ nyoothø, wala gïrpiny mo okanø, mo ba cäŋ jootø.

Moa Tïïc Nyïïatwieli 2:37

'Ba na wïnyge luummögø, cwïnyge abwøk, ni köge jï Piter ki nyïïatwieli møga, «?Nyïïmëëkwa, agïnaŋø noo tïïcwa?»

Tiet Ciik 25:1

«'Ba ni näk mo da pïëm mo otägö yïthakic jiy keerge, ni cige baŋ løøk, dïŋut luup luubö marge dege ŋølø, ni ö ŋata mare beer ni ŋunni, ni ö ŋata mare raac ni jääli.

Jøcua 7:1

'Ba jø Icriel abääyö ki køør gïna tïïcge røk gïïa näk onø wëëk geni nee raanyge na bäre; kiper Akan o Karmi na näk nyikwaar Dhabdi o Dheera na käl ri jø tuuŋ Juuda, alwötö røk gïïa näk onø wëëk geni nee raanyge na bäre; ni put Wuuö Jwøki wëër døc ki jø Icriel.

Jøcua 7:18

'Ba Jøcua cwøw moa bëëdö po Dhabdi akäl kany mo cään na dhaanhø aciel aciel nø; ni ö Akanni o Karmi nyikwaar Dhenberi o Dheera, na käl ri jø tuuŋ Juuda, ni nyoodhi.

Pïëmme 1:7

Ni ö Adöni-Bëdhëk ni kööe, ni «Nyeye ma pïërabïriiø mo lweet ceŋge moa døøŋŋø ki lweet tietge moa døøŋŋø oŋøørø, ge wø kwänyö ki caammi moa no odhäthö tier tharabëëta mara; 'ba ki køør gïna tïïa dëëtge, Jwøk teeŋ gïnögø acoole dëëra thuwø ennø.» 'Ba Adöni-Bëdhëk aputge käl Jerucalem ni thøø kaace.