Wïlöölö 43:9 - Wëël Jwøk

⁹ Aani ki dëëra, aano tïmö na waaci kipere; ni tïm luumme ni ena bääta. Ni näk eni ba duua baŋï ni ba cïba gø jïrï, køøre ajäla oen bääta na bäre bäre.

Wïlöölö 43:9 Iomraidhean Croise

Wïlöölö 31:39

Ni kany wø dee diel mo wø cam cwienynyi camø, aani ki dëëra wø coola coolø, naa ba ö baŋï ki gøøni nee nyoodha jïrï. Ni këël diel mo okwalø ki dïcäŋ wala wäär, a wø pëënynyï pëënynyö kipere.

Wïlöölö 42:37

Køøre Ruben aköö jï wänni, «Beerra man cïpï Benjamen jïra. Ni näk mo eni ba duua baŋï, wär wääta karge riet 'nägï. Eni duua duuö jïrï møn.»

Wïlöölö 43:10

Doo naa wa kär ruu kawaane ennø, doo naa waano nø jïtö ki kwör wäädhi ariiø.»

Wïlöölö 9:5

Ka adïëri møn, kwör rem kwøw maru coola coolø dëët lääy bëët. Ni coola gø thuwø dëët jiy bëët. Kwör rem kwøw mar dhaanhø coola coolø dëër ŋati man nø.

2 Camiel 14:9

'Ba nyijø Tëköa manøgø aköö jï nyeya, «Wui nyeya, ni näk mo luummögø tïmö ni raac, ajäla mar luummögø puta tïmö ni ena bääta ki dhi øt wära; 'ba ï na nyeya këël ki nyec marï bäŋ ajäla bäätï.»

1 Nyeye 1:21

'Ba ï na nyeya, ni näk mo ŋato dööŋ karï ba caanï, kanyo näk mo ïïno thøw, ni läpï køør kwäyu, aani ki wääda ma Cølöman wa put ka tïïc kaamar jiy mo obääyö.»

Jööp 17:3

«Wui Jwøk, kööŋï ki man wïnynyï luubö mara! ?Aŋø, da ŋat mør këët nø mo cwaga aani?

Edhikiel 3:18

'Ba kany wø kööa jï ŋat raay, ni ‹Ï thøw møn kiper raay moï,› niï ba ci kuna köömmï gø ki man wec raay moe nee jwïëye piem, ŋat raay manøgø thøøa yïth raay moe, 'ba remø mare pëënynya pëënynyö ki ïïni.

Edhikiel 3:20

«'Ba maya thuwø, ni näk ŋat mo bëëte tiir, bëëtö mare na tiir wiie wiiø ni tïïe ki raay, ni cïpa nyïme ki gïn mo cwaanya tiere, eni thøw. Eni thøw yïth raay moe, ki køør mana kärï gø köömmö, ni ö japa beyø na tïïe ni ba par wïc ki geni; 'ba aani, remø mare pëënynya pëënynyö ki ïïni.

Edhikiel 33:6

'Ba ni näk mo ŋat koor manøgø opëëllö joode joodø ni öö, ni wec tuuŋ ki kooth ki man kööm jiy, ni öö opëëllö ni 'näge ki dhaanhø røk jøøgø, ŋatøca othøw yïth raay moe. 'Ba aani, rem ŋatøgø pëënynya pëënynyö bäät ŋat koor manøgø.›

Edhikiel 33:8

Ni näk mo aano köö jï ŋat raay, ni ‹Wui ï na ŋat raay, ï thøw møn,› ni kärï ci baŋe kuna köömmï gø nee uutjïëthe moe wiie, ŋat raay manøgø thøw yïth raay moe, 'ba aani remø mare pëënynya pëënynyö bäätï.

Luk 11:50

kiper nee kwöc nyïïkuk Jwøk bëët na nääŋŋi ki kanya täk pinynyi, nee cool ri beenhnhi en,

Ibaru 7:22

Ni beeye gïn na tïïc Jecu na waaci mar luubö mana beerra eni na tuut Jwøki ki jiy.