Wïlöölö 43:29 - Wëël Jwøk

²⁹ Ni ö Jocepi ni lwïthe ni joot coki ma Benjamen, na näk miige aciel ki gø, ni kööe, ni «?Man beeye owääu mana thiinh, ŋata gïre caannu jïra? Met ec mar Jwøk oen bäätï, wääda.»

Wïlöölö 43:29 Iomraidhean Croise

Wïlöölö 35:24

ni wääte moa nywøle ki Reecal beege Jocep ki Benjamen;

Wïlöölö 42:11

Waana wäät dhaanhø aciel, ni waana jiy mo caana adïëri, ni waani na laaŋe moï, wa patha dïlëëwe.»

Wïlöölö 42:13

Ni løkge gø jïre, «Wa na laaŋe moï, waana uutwëëe apaar kurriiø. Ni waana wäät dhaanhø aciel mo ena yi ŋööm Keenan. Ni mana thiinh odööŋ buut wääwa, 'ba aciel tøørø.»

Wïlöölö 44:21

«Køøre ïïna köö jï laaŋe moï, ni ‹Kälu eni baŋa kany kiper nee eni jooda.›

Wïlöölö 45:8

Kiper manøgø nø, paa uuni na jääŋ aani kany, 'ba beeye Jwøk, ni bee eni na tïïc aani kaamar wää Peerø, ni näga kwäärö yi paare bäre, ni tïïc aani ni aana kwäärö bäät ŋööm Ijep bäre.

2 Luup Nyeye 29:11

'Ba ennø, u na jiya, käru bëëdö jaak, kiper Wuuö Jwøk uuna jiere nou cuŋŋu nyïme, nee eni tïnynyu, nou tïmu ni uuna jø tïïc moe ni wääŋu ki gïï wø jïcge ŋwääi ni met.»

Aydheea 30:19

Wui, u na jø Dhayan, ni wø bëëdö yi Jerucalem, u ba jwöŋi këët. Kiper ka adïëri møn, eni na Wuuö Jwøk mëër mare nyoodhe nyoodhø jïïu kany wø jwöŋu nyïme kiper køny; ni kany wø wïny oduuru maru jaak, pïëc maru pute ka løk.

Aydheea 33:2

Wui, Wuuö Jwøk, nyooth met ec marï jïwa, kiper wa bëëdö ni wa raŋŋa jïrï. Tïmï ni ïïna teek marwa cooth ka amöölla, ni bëëdï ni ïïna pïëmi marwa kanyo enwa yïth gïï mo leth.

Milkiya 1:9

«'Ba kawaane, u na dïlämme, ?aŋø ni ba kwayu Jwøk nø nee yie tïme ni bäth ki waani? ?Aŋø, ki køør teeŋ olämme mo wø cïpu yøø, løny jïre ki man pänh uuni ni yie met?» Gïnögø poot caana Wuuö Jwøki, eni na wïth jammi bëët.

Kwään Jiy 6:25

Wuuö Jwøk täärnyïme owëëk rieny bäätu, ni nyooth met ec mare jïïu;

Mathiew 9:2

Kanyøgøøni jiy akän baŋe ki ŋat mo obäp, mo opïël bäät pëëm. 'Ba kanya ö Jecu na neen ŋäädhe marge, ena köö jï ŋata näk obäp, ni «Mak cwïnyï, wääda, raay moï awec.»

Mathiew 9:22

'Ba kanya ö Jecu na løk ree ni neen gøøni, ena köö, «Nyaara, mak cwïnyï. Ŋäädhe marï dëërï awëëk jöönnö.» Ni put dëër nyijøøgø døø kare.

Maak 10:24

'Ba bääge yïthge athäŋŋö ki luupe. 'Ba Jecu acäŋ köö jïge, «Obwöre, døny buc Jwøk teee ki teek mo nyïëdi ki man døny yie.

1 Timöthi 1:2

A göönna baŋï, ï na Timöthi, ï na wääda ma adïëri ki køør ŋäädhe. Met ec ki bäth-ec ki bëët-mëër na en jï Jwøk na näk Wuuö ki Krictø Jecu na näk Kwääyø bëëde bäätï.

Ibaru 13:1

Bëëdu nou mëër ki dëëtu ki mëëc nyïïmëëe.

Jøcua 7:19

Køøre Jøcua aköö jï Akan, ni «Nyie wääda, akwaya ïïni ki man caanï adïëri marï nyïm Wuuö Jwøk na näk Jwø Icriel, ni wøørï eni, ni køpï raay moï jïre. Ennø, gïna näk iï tïïö caanï jïra. Kär gïna näk iï tïïö mooŋï ki aani.»