Wïlöölö 43:23 - Wëël Jwøk

²³ Ni løk gø jïge, «Cïbu cwïnynyu piny; käru lwäyö; Jwøu na näk Jwø wääu beeye na cïp kwär manøgøøni jïïu ni dwøk gwetu yïth opïri mou. Aani gwetu alwøra.» Køøre Cimien akäl wøk baŋge.

Wïlöölö 43:23 Iomraidhean Croise

Wïlöölö 42:24

Køøre ena aa kur keere buutge ni jwöŋe. Ni duu baŋge ni cääne ki geni. Ni lwør Cimien ni twöc gø nyïmge.

Wïlöölö 42:28

Ni kööe jï nyïïmenni, «Gwel 'moa aduui jïra. Nutö cøøn ennø dho opïr mara.» Kanyøgø cwïnyge apädhö ni tïm dëëtge ni kwanynyi, ni cäänge yïthakicge keerge ni köge, «?Agïnaŋø na tïïc Jwøki dëëtø en?»

Wïlöölö 42:36

Ni kö wääge ma Jeekap jïge, «Uuni nyïïa athöörru buuta. Jocep aløny ni tøør, ni Cimien tøør thuwø. 'Ba kawaane ennø, u manynya man källu Benjamen. Gïïögø bëët na tägö dëëra beege gïï mo leth.»

Wïlöölö 43:14

Beerra man ö Jwøki na en teeki jïre ni døøc yi nyenøce mo met ki uuni kiper nee owääu ma Cimien jääŋŋe ki uuni ki Benjamen na aciel. 'Ba ni näk wääta othøw, aano tïmö naa bëëdö ka bëët ränynyö jaak.»

Wïlöölö 43:22

Ni waano kuunnö ki gwel møøk thuwø, nee wa ŋëëwa ki cam. Kucwa këët nø ŋata dwøk gwel mowa yïth opïri mowa.»

1 Luup Nyeye 12:18

Køøre Jwïëc Wuuö Jwøk aput ci bäät dhaanhø aciel røk jøøgø mo nyeŋŋe Amacay, ni beeye ŋato tïmö na kwääc jø leny moa näk pïëradäk, ni kööe, «Wui, Deebit o Jeci, waana moï, ni waana aciel ki ïïni bëët. Bëët-mëër kiree en bäätï ki jø wø køny ïïni. Jwøk marï ena buutï ki man køny ïïni.» Kanyøgø Deebit jøøgø aput pänhnhö ni tïïc geni na kwääri bäät jø lwaa leny moe.

1 Luup Nyeye 12:19

'Ba jø møøk thuwø ki røk jø tuuŋ Maneeca gena ci baŋ Deebit ni dwätge ki gø, ni beeye kanya aac Deebiti ki jø Pilitin nee ge këëtge ki nyeya ma Cøøl. 'Ba ka adïëri møn, Deebit ki jiye jø Pilitin kärge kønyø, kiper kwääri mo jø Pilitin, kanya cäänge bääte, Deebit ariemge, kiper gena köö, ni «Kanymør ø nääe nääö ni dwätge ki nyenynye ma Cøøl.»

Edhera 4:17

Køøre aløk nyeya ki yi wëëlö ni kööe, na «A määtha ïïni, ï na kwäärö ma Reum, u ki Cimcay ŋat wø göör luup akwöma piny, ki jø wø tïïu ki geni na aciel mo wø bëëdö Cameria ki moa en yïth mïëri møga moa en paac mana cwøl ni Løø Naam Upareeti Løøga.

Luk 10:5

'Ba øtø mano wäro dønynyu yie, wäru wø kwøŋu köö, ni ‹Bëët-mëër bëëde ødi.›

Luk 24:36

'Ba kanya pootge ni ge cara gïïögø, Jecu ki dëëre acuŋŋö dïge, ni kööe jïge, ni «Bëët-mëër bëëde bäätu.»

Jøøn 14:27

Bëët-mëër wø wëëga uuni, ni bëët-mëër mara wø cïba cïbö jïïu. Ni man wø cïba jïïu en, ba caal mana doo cïp pinynyi jïïu. Kär cwïnynyu wëëgu ränynyö, ni ba lwäyu.

Jøøn 20:19

'Ba dïcäŋögø na tïm pinynyi na wïthïënhö ki täk tïïc, ni dhøk odhuule mo øda en bääŋi yie ocïëgö kiper mana lwäärge ki jø Juuth, Jecu aöö ni cuŋŋe dïge, ni kööe jïge, ni «Bëët-mëër bëëde bäätu.»

Jøøn 20:21

'Ba Jecu acäŋ köö jïge, ni «Bëët-mëër bëëde bäätu. Kaa mana ö Wuue na jääŋ aani, u jääŋŋa jääŋŋö thuwø.»

Jøøn 20:26

'Ba na tïme na køør nïne abära, bääge acäŋ dwät yi øtø, ni Tøma ena dïge, no odhuuth øtø ocïëgö. 'Ba Jecu aöö ni cuŋŋe dïge, ni kööe, ni «Bëët-mëër bëëde bäätu.»

Pïëmme 19:20

Køøre jaal manøgø aköö, ni «Cïbu cwïnynyu piny. Ennø, gïno manynyu jaak tïïa tïïö jïïu. Uuni, u ba but bura kany.»

Pïëmme 6:23

'Ba Wuuö Jwøk aköö jï Gidien, ni «Bëëdï ni yiï met, kärï lwäyö; ïïni, ï ba thøw.»

1 Camiel 25:6

'Ba kanyo pïïyu, wär caannu jïre ni ïïna määth Deebiti ni kööe, ni ‹Met ec bëëde bäätï; bëëdï ki jööt dëël ki jø paarï, këël gïïa en jïrï bëët.