Wïlöölö 43:18 - Wëël Jwøk

¹⁸ 'Ba jøøgø gena lwäyö kiper na kïth geni po Jocep, ni köge, ni «Kanymør per gwel wän, na näk odwøk yïth opïri 'moø dïkwøŋ, ni beeye tiere na käl øøni kany; ni eni manynya man kïth luubö mør bäätø, nee ø tïïe ni øøna laaŋe moe, ni cam arëëni 'moø ni tïmge na moe.»

Wïlöölö 43:18 Iomraidhean Croise

Wïlöölö 42:21

Køøre gena cäänö yïthakicge keerge, ni köge, «Øøna bääyö dëër owääø, kiper can mare ajoodø, 'ba ïthø kärø ciiø ki kwac mare, ni beeye tiere ni tïme ni gïï mo leth tägö dëëtø en.»

Wïlöölö 42:27

Ba na ö dhaanhø acielli dïge na jap opïr mare kanya butge yie, ni mooya arëën mare ki cam, eni gwel moe ajoode dho opïr mare.

Wïlöölö 42:28

Ni kööe jï nyïïmenni, «Gwel 'moa aduui jïra. Nutö cøøn ennø dho opïr mara.» Kanyøgø cwïnyge apädhö ni tïm dëëtge ni kwanynyi, ni cäänge yïthakicge keerge ni köge, «?Agïnaŋø na tïïc Jwøki dëëtø en?»

Wïlöölö 42:35

'Ba kanya kønyge opïri moge, ŋati man nø gwel moe ajoode yo opïr mare, 'ba na neenge gwel, geni ki wääge bëët, gena put lwäyö døc.

Wïlöölö 43:17

Ni ö nyenøgø ni tïïc gïnögø kaa mana caani ya Jocepi jïre, ni kïth jøøgø po Jocep.

Wïlöölö 43:19

Køøre gena ci baŋ nyikeenø mar po Jocep, ni cäänge ki gø dhi øtø.

Wïlöölö 44:8

Neenï, gweta jootwa dhøk opïri mowa aduuwa baŋu ki yi ŋööm Keenan. ?Warkey a dewa gø kwalø nidïï yi øt kwääyï?

Jööp 15:21

Eni wø bëëdö ni wïnynya dööt jap wø käl lwär, ni kany wø jïte ki jwöm mo thiinh, dïtwïëte wø laara öö ni laar eni twier.

Jööp 30:14

Gena öö kede ge dunynyi ka kany mo otuc mo dwøŋ dëër øtø, ni putge rïŋ baŋa,

Aydheea 7:2

'Ba kanya caani jï dhi øt Deebit, ni køp, ni «Jø Aram twïër marge anø tïïcge yi ŋööm Ipariem,» nyeya ma Eeyeth ki jiye cwïnyge abwøk døc, ni tïme kaawat man wø ö jer lulli wø jäŋi ya jamø.

Daniel 6:4

'Ba kwääri moøgø ki dïbwöthe gena tägö ki man määnyge ki luubö mo kïthge bäät Daniel kiper bëëtö mare yi kwär mar akwöm nyec; 'ba geni bäŋ luubö mo ege joodø mo kïthge bäät gø, wala gïn mo obøth, kiper eni mare adïëri ni bäŋ tïïc mo ee taaø wala gïn mo obøth mo ojoodø baŋe.

Maak 6:16

'Ba na wïnynyi ya Eerati, ena köö, ni «Jøøn na wïïe ŋula wøk atïŋ maal ki yi thøø.»

Wëëlö Mana Göör Pøølli Baŋ Jø Röm 7:8

'Ba raay ajïtö ki jöö ri mana cem Jwøki, ni kïth cwïnya ki teeŋ par gïï mo thööth døc. Kiper kanya bäŋe ya ciik Jwøk, raay bëëdö no othøw.

Tiet Ciik 22:14

ni raany nyeŋ dhaaŋŋøgø baŋ jiy, ni lööe ki eni ki gïn mo wïc laay ki gø, ni kööe, ni ‹Dhaagø man anywøma, 'ba na cøøa baŋe na dhaagø, kära joodø na dhaagø mo dëër dïcwøø poot kuue,›

Tiet Ciik 22:17

'Ba ennø, ena löö ki nyaara ki gïn mo wïc laay ki gø, ni kööe ni nyaara käre joodø na dhaagø mo dëër dïcwøø poot kuue. 'Ba abïï man beeye mana nyooth thenhø mar nyaara, ki man näk mo dëër dïcwøø poot kuue kanya nywøm gø.› Køøre abïïnögø dege peerø nyïm jø døøk pääny.

Pïëmme 13:22

Kanyøgønø, Manöa aköö jï cïïe, ni «Ka adïëri møn, ø thøw ennø, kiper Jwøk anø neenø.»

Pïëmme 14:4

'Ba wänni ki menni kucge ni Wuuö Jwøk nut ri luummögø, ni da gïn mo manynye manynyø nee tïïe dëët jø Pilitin. Kiper kar kaaca, jø Icriel bëënna jø Pilitin.