Wïlöölö 43:14 - Wëël Jwøk

¹⁴ Beerra man ö Jwøki na en teeki jïre ni døøc yi nyenøce mo met ki uuni kiper nee owääu ma Cimien jääŋŋe ki uuni ki Benjamen na aciel. 'Ba ni näk wääta othøw, aano tïmö naa bëëdö ka bëët ränynyö jaak.»

Wïlöölö 43:14 Iomraidhean Croise

Wïlöölö 17:1

'Ba kanya tïm Abrammi ni cwiiye pïërabïŋween ka abïŋween, Wuuö Jwøk ree anyoodhe jï Abram, ni kööe jïgø, ni «Aana Jwøa en teeki jïre; beerra man cäädhï nyïma, ni bëëdï ni bäŋ gïn mo jøøŋŋi ri bëëtö marï.

Wïlöölö 22:14

Køøre Eeberam nyeŋ kanyøgø aput cwøl ni «Wuuö Jwøk cïpö,» kaawat man poot caani dïcäŋi en, ni «Bäät kïdi manøgø, Wuuö Jwøk cïpö yie.»

Wïlöölö 28:3

'Ba Jwøk na en teeki jïre ïïno gwïëdhe, ni tïïc ïïni niï kännï ki nyïëdi ni nyaayï, ni tïmï ni ïïna lwaa wï jur.

Wïlöölö 35:11

Ni cäŋ Jwøki köö jï Jeekap, ni «Aana Jwøa en teeki jïre; nyöödï ni nyaayï piny, ni ö wï jur na näk lwaa wï jur ni tïme ni käla riï, ni ö nyeye ni öge wøk ki dëërï.

Wïlöölö 39:21

'Ba Wuuö Jwøk nutö buut Jocep ni nyooth mëëye mo ba jøøl jïgø, ni tïïc gø na nyïïawäädi ki ŋata en øt twöci cere.

Wïlöölö 42:24

Køøre ena aa kur keere buutge ni jwöŋe. Ni duu baŋge ni cääne ki geni. Ni lwør Cimien ni twöc gø nyïmge.

Wïlöölö 42:36

Ni kö wääge ma Jeekap jïge, «Uuni nyïïa athöörru buuta. Jocep aløny ni tøør, ni Cimien tøør thuwø. 'Ba kawaane ennø, u manynya man källu Benjamen. Gïïögø bëët na tägö dëëra beege gïï mo leth.»

Wïlöölö 43:13

Lwørru owääu thuwø ni ööu maal ni aayu, ni døøu baŋ nyenøce.

Wïlöölö 44:12

Ni ö nyikeenø ni määnye ni tägi ka jøøa døøŋŋø ni päth baŋ moa therø. Ni joot ogubayu yo opïr Benjamen.

Edhera 7:27

'Ba Edhera aköö, ni «Pwøc en jï Wuuö Jwøk, Jwø kwäcwa, na cïp luummögø cwïny nyeya, nee Øt Wuuö Jwøk ni en Jerucalem jïte ka ajiem,

Neemiya 1:11

Wui Kwäärö Wuuö Jwøk, a kwaya ïïni, beerra man cegï ïthï ki lam mara, a na dhaanhnhï en, ki lam mar jiyï mo wø bëëdö ni yïthge met ki man wøørge nyeŋŋï; ni wëëgï gïna many dhaanhnhï thur kare dïcäŋi ki køør mano nyoothï mëër jïre nyïm nyeya ma Arthëkcic.» 'Ba aani, a bëëdö ni aana kwääy mar nyeya.

Acther 4:16

ni «Ciï ni cooŋï jø Juuth bëët moa en Cuca, ni wödu kipera. Ni bëëdu ki nïne adäk, ki wärre ki cääŋŋe moge, nou ba cämö wala maath. 'Ba aani ki jø tïïc 'moa moa näk nyïïakuue wa wödö thuwø kaawat mano tïïyu. Køøre nø, aano ci baŋ nyeya, këël ni näk maa gwäya ciik. Ni näk maa thøw, aano thøw.»

Pwöc Leec Wïc 1:1

Moi beege pwöc leec wïc mo Cølöman o Deebit nyeny Icriel,

Pwöc Leec Wïc 16:7

Kany wø näk mo jïëth tïïe mo dhaanhø duua met ec jï Wuuö Jwøk, Wuuö Jwøk cïpö ki bëët-mëër, këël yïthakic dhaanhø ki nyïïmän moe.

Pwöc Leec Wïc 21:1

Acaare mo wø en cwïny nyeya ena cer Wuuö Jwøk, ni løny jï Wuuö Jwøk ki man bwøth geni ni caala man wø bwøth pïï ki jöörge.

Aydheea 49:13

Wui, maalø, kwöŋŋï ki met ec! Wui, ï na piny, yiï mïnne! Wui, u na kïte, jøllu kwöŋŋö mar met ec manøgø! Kiper Wuuö Jwøk cwïny jiye ocøme, ni päth cwïnye ki gïr jiye moa no ocaarø.

Luk 1:50

Ni ö mëërri mare ni wø ba jøøl ni bëëde bäät jø wø lwäär ki eni, ni ö ki ri beenhnhi nø, ni pööth ri beenhnhø maya.

Jøøn 19:22

'Ba aløk Paylati, ni «Mana gööra, anø gööra.»

Moa Tïïc Nyïïatwieli 21:14

'Ba na jootwa gø ni luumwa ba wïnynye, waana lïŋö, ni köwa, ni «Mana many Wuue, wëëk tïïc.»

Moa Tïïc Nyïïatwieli 7:10

ni piem gø yïth gïïa leth bëët na pïï dëëre, ni døøc wï gø mo leer nyïm Peerø nyeny Ijep, ni wëëk Peerø mëëyö ki gø, ni put gø tïïc na kwäärö bäät Ijep, ki bäät paare bäre.

1 Timöthi 1:16

'Ba aana køny, a na näk wïth jø raay, kiper nee Jecu Krictø nee cwïnye na näk ee cïp piny ki kare bäre, nee nyoodhe ki raa, nee tïme na jöö jï jø wø jïëy ni ŋäätha eni kiper kwøw mana näk adïëri mo bäŋ cuŋŋe.

1 Timöthi 1:2

A göönna baŋï, ï na Timöthi, ï na wääda ma adïëri ki køør ŋäädhe. Met ec ki bäth-ec ki bëët-mëër na en jï Jwøk na näk Wuuö ki Krictø Jecu na näk Kwääyø bëëde bäätï.

Tayta 1:4

A göönna baŋï, ï na Tayta, ï na wääda ma adïëri ki ri ŋäädhe mana nywaaø. Met ec ki bëët-mëër ni en jï Jwøk na näk Wuuö ki Krictø Jecu na näk Pïëmi marø, en bäätï.

2 Jøøn 1:3

'Ba met ec, ki køny, ki bëët-mëër man wø ööi ki baŋ Jwøk na näk Wuuö, ki baŋ Jecu Krictø na näk O Wuuö obëëdö ki øøni ki ra adïëri ki mëër.