Wïlöölö 43:11 - Wëël Jwøk

¹¹ Køøre wääge ma Icriel aköö jïge, «Ni näk ma enøgønø, tïïyu gïn. Lwötu ki gïï mo perge leth dï paac kany, teeŋ ka riie mo ŋwääi ni met, ki nyïïjenni mo beyø mo di camø, ki maar kïc mo thiinh, ni kïthu ge yïth opïri mou, ni kääru ge na muuce jï nyenøce.

Wïlöölö 43:11 Iomraidhean Croise

Wïlöölö 33:10

Ni kö Jeekapi, ni «Ba løny; ni näk mo yiï met ki aani, a kwaya ïïni ki man lwørï muuy mana cïba jïrï, kiper täärnyïmï ajooda ni waany ni nëëni kaaman wø neen täärnyïm Jwøk; ni pänhnhï aani ki met ec.

Wïlöölö 37:25

Køøre gena pï piny nee ge cämge. 'Ba na lwïthge, jø tuuŋ Icmiel mo dïgäthe ajootge ni öö ki yi Gelät ka athïrööle moge, ni ge käära dwøk ki mädhi ma teeŋi, ni kïtha Ijep.

Wïlöölö 43:10

Doo naa wa kär ruu kawaane ennø, doo naa waano nø jïtö ki kwör wäädhi ariiø.»

Wïlöölö 43:14

Beerra man ö Jwøki na en teeki jïre ni døøc yi nyenøce mo met ki uuni kiper nee owääu ma Cimien jääŋŋe ki uuni ki Benjamen na aciel. 'Ba ni näk wääta othøw, aano tïmö naa bëëdö ka bëët ränynyö jaak.»

Wïlöölö 43:15

Køøre geni muuce ki gwel mo thööth alwørge, ni kälge Benjamen, ni tïŋge ni cige Ijep, ni cuŋge nyïm Jocep.

Wïlöölö 43:25

Køøre geni muuce ajiiŋge kiper ööny Jocep ki waŋcäŋ, kiper awïnyge ni geni cämö ki cam waŋcäŋ kaace.

Wïlöölö 43:26

Kanya ö Jocepi paayø, geni muuce moa kälge jïre akälge baŋe paac, ni kuulge wïthge piny nyïme ni määthge gø.

1 Nyeye 10:15

ni moa jwäk baŋ jø gath, ki mo wø jwäk nyec Arabe, ki jiy moa no ocuumö yïth ŋøøp jø Icriel kär kwaan rege.

1 Nyeye 10:25

'Ba jiy bëët mo wø ööi ki yi cwiir cooth, ge käädö ki muuce, ni beege jammi moa näk tïïc ka gwet-bïrö, ki jammi moa näk tïïc ka warkey, ka abïïe, ki jap leny, ki teeŋ gïï wø ŋwääi ni wø tïïc kadø ni met, ko okwëënyi, ki gääŋŋe.

1 Nyeye 15:19

ni «Beerra man ö ïïni ki aani ni tudø ki luubö yïthakiyø, kaawat mana en yïthakic wära ki wäru. 'Ba ennø, aana jääk baŋï ki muuy, ni beeye gwel-bïrö ki warkey; ciï ni raanynyï luubö mana näk iï tuudö ki Baaca nyeny Icriel, kiper nee eni ö wøk paara.»

1 Nyeye 4:21

'Ba Cølöman abëëdö na nyeya, ni wïth juurre bëët ena cere ki mana täge ki Naam Upareeti, këël mana këët yi ŋööm jø Pilitin, ni pïïe waŋ keew ki jø Ijep. Ni ö wïth juurre moøgø ni cïpge ka ajwäk jï Cølöman ni tïnyge eni ki yïth nïr kwøw moe bëët.

2 Nyeye 16:8

Køøre, Eeyeth gwel-bïrö ki warkey moa joot Øt Wuuö Jwøk ki moa joot kwör kän moa en øt nyec, alwøre ni jääŋ ge baŋ nyeny Aciria na muuy.

2 Nyeye 20:12

'Ba kar kaaca, nyeny Babiløn ma Merödak-Baladan o Baladan ajääk baŋ nyeya ma Edhekaya ki weeli ki muuy, kiper ee wïnynyö ni nyeya ma Edhekaya otuu.

2 Nyeye 8:8

'Ba nyeya aköö jï Adhaël, ni «Kädï ki muuy ni ciï kuna røømmï ki nyikuŋ Jwøk, ni pëënynyï dwør Wuuö Jwøk ki eni man näk mo dëëra pïïa piny ki täw man en ni dëëra en.»

Acther 4:16

ni «Ciï ni cooŋï jø Juuth bëët moa en Cuca, ni wödu kipera. Ni bëëdu ki nïne adäk, ki wärre ki cääŋŋe moge, nou ba cämö wala maath. 'Ba aani ki jø tïïc 'moa moa näk nyïïakuue wa wödö thuwø kaawat mano tïïyu. Køøre nø, aano ci baŋ nyeya, këël ni näk maa gwäya ciik. Ni näk maa thøw, aano thøw.»

Bwøth Wøk 3:8

Ennø, aana ö piny kuna käla ge wøk ceŋ jø Ijep, kiper nee ge käla wøk yi ŋöömmöce, ni kïtha geni yi ŋöömma beer na näk yie laac, ni beeye ŋöömma näk caak ki maar kïc päl yie, na näk po jø Keenan ki jø Këth ki jø Amör ki jø Përec ki jø Ëwi ki jø Jeebuc.

Pwöc Leec Wïc 17:18

Ŋat mo ba cädö, ree wø di cïbö na dïgïti, ni cïp ree waŋ luubö mar dhaanhø mør.

Pwöc Leec Wïc 18:16

Gïn wø cïp dhaanhe, jöör dhaanhø wø di jabø, ni dhaanhø wø käle nyïm jiy mo døøŋŋø.

Pwöc Leec Wïc 19:6

Jiy mo thööth ŋat mo kare dwøŋ wø mwøthge mwødhø, ni jiy bëët manynya nyawat ki ŋat mo cere jööt ki cïp jammi.

Pwöc Leec Wïc 21:14

Muuy mo cïp ni kuc, wëër wø di raanynyø, ni jammi mo cïp ka piny wëër mo teek wø di jooø.

Obeec Dudi 4:10

Wui coka, ni bee ï dhaagø-thiinh mara, a teeŋ met ec mo nyïëdi na jooda ki køør mëër marï! Wui, mëër marï ko opöödhö ki met ni kaala køøŋ nyïïomøki, ni ö maar wïïr marï ni ŋwääe ni met ni kaala teeŋ gïï wø ŋwääi ni met møga bëët.

Obeec Dudi 4:14

ki teeŋ jer wø tïïc na mäth wïïr ki booya ma abäga, ki jer wø ŋwääi ni met ni wø kïth yi kadø, ki jaath man wø tïïc na maar wïïr, ki teeŋ jenni møøk mo ŋwääö ni met, ki jer dwøk, ki teeŋ jenni møøk thuwø mo perge leth mo ŋwääö ni met.

Obeec Dudi 8:14

Wui, omëëya, laar ö baŋa, ni tïmï kaamar purra wala thwønh aŋer mo ena bäät kïte moa näk bäätge da jer wø ŋwääi ni met.

Jeremaya 8:22

?Aŋø, bäŋ jaath yi Gelät man wø rwøth ŋwellø ki gø? ?Aŋø, bäŋ rëëm ŋwellø kaace? ?Aperŋø nø ni bëët jø powa ni ŋwiili moge ba caŋŋi en?

Edhikiel 27:15

« ‹'Ba jø Didan thuwø gena gänhnhö baŋï. Mïëri mo thööth moa en bäät naama dwøŋ ge gänhnha baŋï. Lak lïëy moge, ki jera teek na cøl agathge ki ïïni.

Edhikiel 27:17

« ‹Jø Juuda ki jø ŋööm Icriel gena bëëdö ni ge gänhnha baŋï. Geni, beega käl kanya cwøl ni Minit, ki muunni mo odeelø, ki maar kïc, ki teeŋ mädhi møøk, ki riie, agathge ki ïïni.

Edhikiel 27:22

« ‹Dïgäthe mo Cïïba ki dïgäthe mo Raama gena gänhnhö baŋï, ni ö teeŋ jenni bëët mo wø jïcge ŋwääi ni met, ki nyeŋ kïte moa perge leth, ki warkey, ni gathge gø ki ïïni.

Ciik Kiper Dïlämme 20:24

'Ba ennø, anø caana jïïu ki man näk mo ŋöömö marge cøøa jïïu, ni beeye aani ki dëëra noo cïp gø jïïu nee ci jïïu, ni beeye ŋöömma näk caak ki maar kïc päl yie. Beeye aani na Wuuö Jwøk, Jwøk maru, na pää uuni ki wïth juurre.

Moa Tïïc Nyïïatwieli 21:14

'Ba na jootwa gø ni luumwa ba wïnynye, waana lïŋö, ni köwa, ni «Mana many Wuue, wëëk tïïc.»

Tiet Ciik 33:14

Ni ö cäŋŋi ni wëëk caammi mo beyø ciek na karge yïth ŋøøm moge; ni ö caammi moge ni ciekge ki dwäde moa näk karge.

1 Camiel 25:27

'Ba ennø, beerra man ö gïïa käla jïrï, ï na kwääya, ni cïba ge jï jiyï moø ni cäädhï ki ge yøø.

1 Camiel 9:7

'Ba Cøøl aköö jï ŋat tïïc mare, ni «Neenï, ni näk mo ø cøøa baŋ ŋatøgø, ?agïnaŋø noo cïbø jïre? Kiper dääpe yøø nø thöör yo opïr marø, ni bäŋ gïn cïbö jïre. ?A da gïn mør këët mo cïbø cïbö jïre?»