Wïlöölö 42:9 - Wëël Jwøk

⁹ Ni ö Jocepi ni par wïïe ki lääk moe moa läge kiperge; ni kööe jïge, «Uuna ö kany ni uuna dïlëëwe, nou ööi kiper nee jäk mar paac neennu.»

Wïlöölö 42:9 Iomraidhean Croise

Wïlöölö 37:11

Ni ö uutwänni ni päŋ cwïnyge ki keec ki eni. 'Ba wänni luummögø akan cwïnye.

Wïlöölö 42:16

Jäägu ki dhaanhø aciel rou nee owääu käle. 'Ba jøw odööŋ rou bëëdö øt twöc, kiper nee gïru joot ki man näk maru adïëri wala patha adïëri. Aana kööŋ ŋëët Peerø ni ni näk gïna caannu patha adïëri, uuna dïlëëwe.»

Wïlöölö 42:34

Ni kälu owääu mana thiinh baŋa. Køør manøgøøni nø, u ŋääa ŋääö ni uuna jiy mo paa dïlëëwe, ni puta gø ŋäc ni uuna jiy mo marge adïëri. Køøre owääu päda pädö, ni tïmu nou gädhö yi ŋöömmi.› »

2 Camiel 10:3

jø Amön moa kwörge døøŋŋø aköö jï nyenyge ma Anun, na «?Aŋø, ki jïrï ni Deebit wøøra wäru, na jääŋ baŋï ki jiy mo cøm cwïnyï? ?Aŋø, Deebit jiye ba jääŋŋe baŋï kaper nee pääny raŋge ni marge lïëw nee tukge yi nyïme?»

Bwøth Wøk 32:35

Køøre Wuuö Jwøk gïï mo leth ajääŋŋe bäät jø Icriel kiper gïna tïïcge na wøørge gïna näk caala nyirøøa mana tieŋ Aranni.

Kwään Jiy 13:2

ni «Jäägï ki jiy mo liew ŋööm Keenan, ni beeye ŋöömmo cïba jï jø Icriel. Wär ge jääŋŋï na dhaanhø aciel ma dïbwödhi ri jø tuuŋ man nø røk wïth tuŋi mo jø Icriel.»

Luk 20:20

Kanyøgø nø, ena neetge døc, ni jääkge ki jiy ni cøøkge rege ni keda gena jiy mo marge adïëri, nee jïtge ki luubö mo makge gø ki gø ri gïïo care, nee kïthge nyïm kwääc paac, ŋat wø ŋøl luup, na en teeki cere.

Ibaru 11:31

Ni beeye ŋäädhe, na ö Reeyapi na näk kääbi na käre thøw na aciel ki jøøa wïthge teek, kiper na pänh jøøa liew paac ki mëër.

Jøcua 2:1

'Ba kanya en jø Icrielli Cëthim, Jøcua o Nun ajääk Jerikö ki jiy ariiø na dïlëëwe ki piny ni kuc, ni kööe, ni «Cou, ni liewu ŋööm Keenan këël Jerikö.» Ni ö jøøgø ni aacge ni pïïcge paanøgø po nyaan ma kääbi mo nyeŋŋe cwøl ni Reeyap, ni putge but kaace.

Jøcua 6:23

Køøre jaga näk wøpe na näk dïlëëwe, gena put ci yi øtø ni kälge Reeyap wøk, ki wänni ki menni ki nyïïmenni moa näk cwøw, ki jøøa en yi øtø bëët, ni beege tuuŋ Reeyap bëët; ni moocge geni ki kany jwömge rege yie deŋ twïër mana näk mar jø Icriel.

Pïëmme 1:24

Køøre dïlëëwe ajïtö ki dhaanhø mo oö wøk ki yi kiir, ni köge jïgø, «Nyie nyawat, nyooth dhi kiir jïwa. 'Ba waani, bäth ec marwa onyoothwa jïrï.»

1 Camiel 26:4

Deebit ajäägö ki dïlëëwe, ni ŋäc gø møn ni Cøøl ööa baŋe.