Wïlöölö 42:22 - Wëël Jwøk

²² Ni kö Rubenni jïge, «?Aŋø, kära caanø jïïu ni käru bääyö dëër nyilaal? 'Ba mara käru wïnynyö. Neennu, kawaane ennø, ajäl remme aö bäätø.»

Wïlöölö 42:22 Iomraidhean Croise

Wïlöölö 4:10

Ni kö Wuuö Jwøki, na «?Agïnaŋø na tïïyï enø? Dwør rem coku ajwöŋ baŋa ki tiet ŋøøm piny.

Wïlöölö 42:23

'Ba kucge ni luupge wïnyö jï Jocep, kiper da dïdwök luup buutge.

Wïlöölö 45:3

Ni kö Jocepi jï uutwänni, ni «Aana Jocep.» Ni kööe, ni «?Wära poot kwøw møn?» 'Ba bäŋ gïn mo løk uutwänni jïre, kiper geni cwïnyge abwøk nyïme.

Wïlöölö 50:15

'Ba kanya neeni ya uutwää Jocepi ni wääge othøw, gena cäänö yïthakicge keerge ni köge, ni «Kanymør Jocep gïïa reyø bëët na tïïø dëëre coole coolø dëëtø ni männe ki øøni.»

1 Nyeye 2:32

Ni ö Wuuö Jwøki ni dwøk kwör rem jiy moa køny piny wïïe, kiper eni jiy ariiø mo beerra bëëtö marge ki mare anääe ko opëëllö, ni beege Abinër o Nër, kwääy lwaa leny mar jø Icriel, ka Amaaca o Jether, kwääy lwaa leny mo jø tuuŋ Juuda, ni wära ma Deebit bäŋ gïn ŋääe kipere.

1 Nyeye 2:33

'Ba ennø, beerra man bëët kwör remø marge ni ena wï Jöap ki nyïïkwaaye na bäre bäre; 'ba Deebit ki nyïïkwaaye, ki jø dhi øde, ki jøw oläw kare bäät wälu mare, geno mooc Wuuö Jwøki ki bëët-mëër mo bëëdö na bäre bäre.»

2 Luup Nyeye 24:22

'Ba nyeya ma Jöac, Dhekaraya anääe ni wïïe käre caarø ki Jööda wää Dhekaraya na nyooth mëër mare jïgø. 'Ba kanya tïm Dhekaraya ni manynya thøø, ena köö, ni «Wuuö Jwøk ïïno neene ni cool kwör dëërï.»

Edhikiel 3:18

'Ba kany wø kööa jï ŋat raay, ni ‹Ï thøw møn kiper raay moï,› niï ba ci kuna köömmï gø ki man wec raay moe nee jwïëye piem, ŋat raay manøgø thøøa yïth raay moe, 'ba remø mare pëënynya pëënynyö ki ïïni.

Luk 23:41

'Ba ajäla marø møn beeye kare. Kiper gïna pïï dëëtø en beeye mana näk orømø ki gïïa tïïø. 'Ba ŋati en bäŋ gïn mo raac mo ee tïïö.»

Moa Tïïc Nyïïatwieli 28:4

'Ba na ö jøøa en kaagø na neenge thwöl ni lïërö cere, gena cäänö keerge, ni köge, ni «Nyenøgø dïnääy møn. Këël na bødhe ki naam, kär wec Jwøki nee kwøe.»

Wëëlö Mana Göör Pøølli Baŋ Jø Röm 2:15

ni manøgø, ge nyootha gø ni moa caan ciik Jwøki ogöör cwïnyge, ni cwïnyge wø cara gø thuwø ni da ciik Jwøk.

Mana Nyooth 13:10

Ni näk da ŋat mo dëëre da weny peec ri leny, eni put ka peec. 'Ba ni näk da ŋat mo dëëre da weny thøw opëëllö, eni di nääö ko opëëllö. Man nø, manynya jïëny gïï mo leth ki ŋäädhe mar jø Jwøk.

Mana Nyooth 16:9

Ni ö jiyi ni waaŋ geni ki jam maaagø na lïëth døc. Ni janyge nyeŋ Jwøk na en luum jap räny piny moøgø cere, ni kärge cwïnyge løø ki man jiemge eni.

1 Camiel 19:4

Køøre Jönathan acäänö ki luup mo beyø jï wänni ma Cøøl kiper Deebit, ni kööe jïgø, ni «Ï na nyeya, beerra man ba bääyï dëër ŋat tïïc marï ma Deebit, kiper eni kär bääyö dëërï; 'ba gïï wø tïïe beege gïï mo beyø jïrï.