Wïlöölö 42:21 - Wëël Jwøk

²¹ Køøre gena cäänö yïthakicge keerge, ni köge, «Øøna bääyö dëër owääø, kiper can mare ajoodø, 'ba ïthø kärø ciiø ki kwac mare, ni beeye tiere ni tïme ni gïï mo leth tägö dëëtø en.»

Wïlöölö 42:21 Iomraidhean Croise

Wïlöölö 41:9

Køøre ŋata bëëdö na nyikeenø, ena köö jï Peerø, «Aani bääyö mara acaara dïcäŋi.

Wïlöölö 44:16

Ni kö Juuda, na «?Agïnaŋø noo caanwa këët jï kwääcwa? ?Waano loopwa ŋø? ?Rewa owaanywa gø nidïï? Kiper Jwøk bääyö mar laaŋe moï ee nø joot. 'Ba ennø waani bëët ki ŋata joot ogubayu cere waano tïmö na laak kwääcwa.»

Wïlöölö 45:3

Ni kö Jocepi jï uutwänni, ni «Aana Jocep.» Ni kööe, ni «?Wära poot kwøw møn?» 'Ba bäŋ gïn mo løk uutwänni jïre, kiper geni cwïnyge abwøk nyïme.

Wïlöölö 50:15

'Ba kanya neeni ya uutwää Jocepi ni wääge othøw, gena cäänö yïthakicge keerge ni köge, ni «Kanymør Jocep gïïa reyø bëët na tïïø dëëre coole coolø dëëtø ni männe ki øøni.»

2 Camiel 12:13

Køøre Deebit aköö jï Nathan, ni «Aana nø bääyö dëër Wuuö Jwøk møn.» 'Ba Nathan aköö jï Deebit, ni «Wuuö Jwøk thuwø bääyö marï anø wëënne. Ïïni, ï ba thøw.

1 Nyeye 17:18

Køøre nyijøøgø aköö jï Ilaaja, na «?Agïnaŋø ni en yïthakiyø ki ïïni, ï na nyikuŋ Jwøk en? ?Aŋø, ï ö baŋa niï tïïya raay 'moa nee wïïa para ki geni, niï tïïya wääda nee thøøe?»

Pwöc Leec Wïc 21:13

Ŋat wø dhïŋ ïthe ki jwøk dhaanhø mo can, eni ki dëëre ojwöŋi ni mare ba wïnynyi.

Pwöc Leec Wïc 28:17

Ŋat mo dëëre da kwör dhaanhø mo rem gø ee køny piny bëëdö ni bëënna böö këël aŋuun thøø mare; eni, kär dee ŋat køny gø.

Jeremaya 2:17

?Aŋø, ï na Icriel, gïnögø ba käla ï bäätï keerï ki køør mana weyï aani, a na Wuuö Jwøk, Jwøk marï, kanya bwødha ïïni øtjöö?

Jeremaya 2:19

Rääö marï otïmö ni pwöc jïrï, ni gaan wøk marï ïïno jwøe. 'Ba ennø, neenï døøc, ni ŋäyï gø, ni ki man weyï aani, a na Wuuö Jwøk, Jwøk marï, ni bëëdï niï ba lwär ki aani beeye gïn mo raac, mo duunnö ki räny cwïny.» Luummögø caana Wuuö Jwøki, eni na wïth jammi bëët.

Jeremaya 34:17

«Kiper manøgønø, mana caan Wuuö Jwøki beeye en: Uuni, mara käru wïnynyö, këël na gøøu luum laaŋe piny, ni ŋati man nø coki ki wati dee wiiø ni pät gø yi bëët laŋ. 'Ba ennø, luubö mano gøøa piny kiperu beeye en: Uuni, u wiia wiiø nou thøwu ri leny, ki täw mo leth, ki käc. Ni tïïa uuni na jiy mo tiet akwöm mo nyeye mo bäät piny bëët yïthge thäŋŋö ki gïno tägi dëëtu. Luummögø caana aani, a na Wuuö Jwøk.

Jeremaya 4:18

'Ba bëëtö maru ki tïïe mou beeye na käl gïïögø bäätu. Gïïo na leth yøø aöö ki køør rääö maru, ni jwørru ge ki yïth cwïnynyu.

Odheea 5:15

Køøre a aay ni døøa kar bëëtö mara, këël kanyo ŋäcge gïïa reyø na tïïcge, ni duuge ni manyge täärnyïma. Kanyo enge yïth gïï mo leth, aano manyge døc.

Kwään Jiy 32:23

«'Ba ni näk mo ba tïïyu, u bääyö dëër Wuuö Jwøk; 'ba wär ŋäyu ni raay mou keeru røma rou.

Mathiew 7:2

Kiper ŋøl mano ŋøllu, beeye noo ŋøl u wøk ki gø. Ni rumi man wø cïpu, beeye rumi mano duu baŋu.

Maak 9:48

ni beeye kany wø ba thøw twöŋi yie mo wø cam jiy, ni maac man wø waaŋ geni bëëdö ni ba 'näk.

Luk 16:28

Kiper jïra da nyïïmera abïïc, nee ge köömme. Kiper kanymør ge ööa kany thuwø na kar rääm en.›

Moa Tïïc Nyïïatwieli 19:18

Kanyøgø jøøa näk ojïëy mo thööth thuwø aö nyïm, ni ö gïïa reyø na wara tïïcge ni caange ge nyïm jiy bëët.

Jeemeth 2:13

Kiper ŋat wø ba køny can dhaanhø mør, wø ŋøla wøk ni bäŋ køny kipere. 'Ba ŋat wø kunyö, bäŋ kany mo ŋøli wøk ki gø.

1 Jøøn 1:9

'Ba ni näk mo ø bëëdö ni ø køpa raay moø, mare beer ni dwøre ba dak. Eni raay 'moø owiie, ni peny øøni yïth gïïa ba beyø bëët.

Pïëmme 1:7

Ni ö Adöni-Bëdhëk ni kööe, ni «Nyeye ma pïërabïriiø mo lweet ceŋge moa døøŋŋø ki lweet tietge moa døøŋŋø oŋøørø, ge wø kwänyö ki caammi moa no odhäthö tier tharabëëta mara; 'ba ki køør gïna tïïa dëëtge, Jwøk teeŋ gïnögø acoole dëëra thuwø ennø.» 'Ba Adöni-Bëdhëk aputge käl Jerucalem ni thøø kaace.