Wïlöölö 41:8 - Wëël Jwøk

⁸ 'Ba na tïme na aruunnø, lääk moi wï Peerø akierge døc. Køøre ena jäägö ni cwøl jiye moa nyeŋge reegø bëët mo Ijep ka ajuuk bëët, ni par lääk moe jïge. 'Ba bäŋ ŋat moo løny jïre ki man caan tier gø jï Peerø.

Wïlöölö 41:8 Iomraidhean Croise

Wïlöölö 40:6

'Ba na ö Jocepi baŋge ka aruunnø, gena joode ni cwïnyge opädhö.

Wïlöölö 40:8

Køøre gena köö jïre, «Waana lägö ki lääk, ni bäŋ dhaanhø mo caan tiet lääk jïwa.» Ni kö Jocepi jïge, «?Aŋø, løk lääk ba doo käla baŋ Jwøk? Beerra man parru läägu jïra.»

Wïlöölö 41:15

Køøre Peerø aköö jï Jocep, «Aani, aana lägö ki lääk, ni bäŋ dhaanhø aciel mo caan tiere jïra. 'Ba luubö mør awïnynya kiperï, ni ni näk da lääk mo iï wïnynyö, ni løny jïrï ki man caanï tiere.»

Wïlöölö 41:24

Ni ö jööth abäya näk obäp ni mwønyge abäya beyø na näk abïriiø. Køøre gïnögøøni acaana jï ajuuk, 'ba bäŋ dhaanhø aciel mo oløny jïre ki man caan tier gø jïra.»

Wïlöölö 41:7

Ni ö jöötha näk odwat ni mwønyge jöötha näk abïriiø na näk døøŋŋø ni beyø døc. Ni ö Peerø ni pääe ni joot gøøni ni beeye lääk.

Bwøth Wøk 7:11

Ni ö Peerø ni cwøl jøøa nyeŋge reegø ka ajuuk bëët, ni ö geni thuwø ni tïïcge jap ajuuk ni ŋwaalge ŋïï manøgø.

Bwøth Wøk 7:22

'Ba ajuuk mo jø Ijep gena tïïö ki jap ajuuk ni ŋwaalge ŋïï manøgø; ni ö Peerø ni bëëde ni cwïnye poot teek ni käre luumge wïnynyö, kaawat mana kwøŋi ya Wuuö Jwøki caan jï Modhe.

Bwøth Wøk 8:7

'Ba ajuuk atïïö ki jap ajuuk ni ŋwaalge teeŋ gïnögø, ni putge ogwäle wëëk ööny bäät ŋøøp Ijep.

Bwøth Wøk 9:11

'Ba kär løny jï ajuuk ki man cuŋge nyïm Modhe kiper børi moa no opäny wøk dëëtge, kiper børi moa no opäny wøk dëët jø Ijep bëët dagø dëët ajuuk thuwø.

Aydheea 19:3

Kanyøgønø jø Ijep cwïnyge obëëdö no opädhö, ni ö jammi moa näk ege cïp piny na dige tïïö, ni tïïa ge ni bäŋ tietge. 'Ba geno ci baŋ kït gïï wø lam moge, ki baŋ jwïëc jøøa no othøw, kuna pëënyge geni kiper køny, ni cige baŋ jøøa näk rege da juu mo cøøra jwïëc jøøa no othøw nee ge mooc ka acaara.

Aydheea 29:14

Kiper manøgønø, a cäŋa tïïö ki gïn mør mo ec thäŋŋö ki gø dëët jøøgø, ni beeye gïn mo rëëma ec mo ec thäŋŋö ki gø møn. Leec wïc mar jøøa wïthge leer wëëga ränynyö, ni ö jø wø laar tiet jammi joot ni tïmge ni tiet jammi ba kwanyge.»

Aydheea 8:19

Kanyo cään jiyi ki uuni, ni «Pëënynyu jøøa näk rege da juu mo cøøra jwïëc jiy moa no othøw, jø wø ŋuri ni muuŋö,» käru jïëy. ?Aŋø, jiy ba doo na ge pëënynya Jwøk marge? ?Aŋø, jøøa no othøw doo pëënynyö kiper bëët jøøa kwøw?

Daniel 1:20

'Ba jöör leec wïc bäre ki jöör ŋäc tiet luup moa ö nyeya na pëëny geni ki ge bëët, ajoode na ajuuk ki jø wø nyeŋge reegø ni wø pëënynye yi po nyec mare bäre ege kaalø kwöre apaar.

Daniel 4:18

«Manøgø beeye lääk mana jooda, a na nyeya ma Nabukedenecör. 'Ba ennø, ï na Belthacacör en, caan tier lääk jïra; kiper ki man bëëde cøøn en, ki røk jøøa nyeŋge reegø ya akwöm nyec mara, bäŋ ŋat moo løny jïre ki man caan tier lääk manøgø jïra. 'Ba ïïni, løny jïrï, kiper jwïëc juu mo ena kur keerge ena bäätï.»

Daniel 4:19

Kanyøgø Daniel, ni wø nyeŋŋe cwøl ni Belthacacör, amak apïte ki kany mo bäär mëëth, ni bëëde ni cwïnye pärö ki køør acaara mare. Ni luup nyeya ni kööe, ni «Belthacacör, lääk manøgø ki tier gïna cääne kipere, kär cwïnyï døøcge mo pärö.» Ni dwøgi ya Belthacacörri ni kööe, ni «Wui nyeya, doo beerra eni ki mana di lääki cäänö kiper jøøa män ki ïïni, ni tier gïna cään lääki kipere doo na poot cäänö kaper nyïïmän moï.

Daniel 4:5

aana lägö ki lääk, ni put aani tïïc naa lwäär. Kït gïïa jooda kanya bëëda naa ena bäät pëëm niine, ki gïïa nyooth ki yi wïïa, aana tïïcge naa lwäär.

Daniel 4:6

Kanyøgø aana jäägö ki dwøl nee jø Babiløn bëët moa nyeŋge reegø øømmi nee käl nyïma kiper nee tier gïna cään lääki kipere caange jïra.

Daniel 4:7

Køøre ajuuk, ki jøøa nyeŋge reegø, ka ajuuk mo jø Kaldia, ki jø adïëda, gena öö, ni lama lääk jïge; 'ba kär løny jïge ki man caange tier lääk jïra.

Daniel 5:11

Da dhaanhø yi po nyec marï mo jwïëc juu mo ena kur keerge ena bääte. Ki yïth nïne moa beet wäru, ŋatøgø ajoot na ŋat mo kwel wïc, ki leec ŋeth, ki leec wïc mo caala leec wïc mar juu ena bääte, ni ö nyeya ma Nabukedenecör ni beeye wäru, wäru ma nyeya, ni røøny gø na kwäärö bäät ajuuk, ki jøøa nyeŋge reegø, ka ajuuk mo jø Kaldia, ki jø adïëda.

Daniel 7:28

«Kar kaagø gïna nyooth athum. 'Ba a na Daniel en, acaara mara abëëdö ni tuuŋŋa cwïnya, ni ö täärnyïma ni needuk; 'ba luubö manøgø abëëdö ni yaa kan cwïnya.»

Daniel 8:27

'Ba a na Daniel, dëëra aput nidhooth piny, ni bëëda naa tuu ki nïne møøk. Køøre aana cäŋ ö maal ni døøa baŋ tïï nyeya, 'ba aani a bëëdö ni yia othäŋŋö jaak ki gïna nyooth, kiper tiere kär ci wïïa.

Ciik Kiper Dïlämme 19:31

« ‹Käru ci kun pëënynyu jøøa näk rege da juu mo cøøra jwïëc jiy moa no othøw, ki jøøa nyeŋge reegø ki jap ajuuk, kiper u tïmö nou ba waany ki køørge. Beeye aani na Wuuö Jwøk, Jwøk maru.

Ciik Kiper Dïlämme 20:6

« ‹Ni näk mo da dhaanhø mo ogaa baŋ jøøa näk rege da juu mo cøøra jwïëc jiy moa no othøw, ki jøøa nyeŋge reegø ki jap ajuuk, ni ci cwïnye køørge kaawat man wø tïïc dhaaŋ paaci mo rïïŋö køør käp, aani dëëtwa raŋwa raŋø ki ŋateca ni puta eni tïïc ni tøør yïthakic tuuŋge.

Abakuk 3:16

Gïïögø bëët awïnynya, ni tïm dëëra ni miel, ni tïm dhaa ni kwanynyi ki lwär, ni ö dëëra ni øc piny, ni tïm tieta ni nhønhnhi. 'Ba a puta bëëtö ni cwïnya yaa cïp piny naa koora cäŋ gïï mo leth mano tägi dëët jiy moo tuk waani.

Mathiew 2:1

'Ba kanya lwaarø ki Jecu yi Bethelem na en Judia yïth nïra bëët Eerati na nyeya, da jiy mo wø kwaana ceer ma aöö ki yïth mïëya en jï løø kur tuul-cäŋ, ni öge Jerucalem, ni pëëge,

Moa Tïïc Nyïïatwieli 17:18

'Ba jø møøk thuwø dëët jø acaara mo Epikurien ki jø acaara mo Ectöik arøømmø ki eni. Ni kö jø møøki, na «?Agïnaŋø ni wø caan ŋati na ŋat dïlweel en?» 'Ba møøk aköö, «Eni nëëni kee pwönynya jiy ki teeŋ juu møøk,» kiper na køp luumma nyään na met mar Jecu ki mar duun wøk ki yi thøø.

Moa Tïïc Nyïïatwieli 7:22

Ni ö Modhe ni pwönynyi ki gïïa ŋäc jø Ijepi bëët, ni tïme ni teek ki tïïc ki cäänö.

1 Körin 1:19

Kiper ogöörö, ni «Aani leec wïc mar jøøa wïthge leer, oraanynya. Ni ö riek waŋŋi mar jøøa nyeŋge reegø ni mäna gø ki thur kare.»

1 Camiel 6:2

Køøre jø Pilitin dïlämme mo juu moge ka ajuuk moge acwølge, ni köge, na «?Agïnaŋø noo tïïcwa ka acanduk mar Wuuö Jwøk? Caannu jöö jïwa mano dwøkwa gø kare na käl yie.»