Wïlöölö 41:41 - Wëël Jwøk

⁴¹ Ni kö Peerø jï Jocep, «Ennø, ïïna tïïa na wïth jø Ijep bëët.»

Wïlöölö 41:41 Iomraidhean Croise

Wïlöölö 39:22

Ni ö ŋata en øt twöci cere ni tïïc Jocep na wïth jø twöc bëët, ni kany wø tïme ni da gïn mo di tïïö kaace beeye Jocep ni tïïc gø.

Wïlöölö 39:5

'Ba kanya tïïc eni na ŋat raŋ jape, ni cïp teek jïre bäät jap paare bëët, gwïëth Wuuö Jwøk aö bäät nyï Ijep manøgø ki køør Jocep, ni ö gwïëth Wuuö Jwøki ni en bäät japa en paare bëët ki moa en pwödhö.

Wïlöölö 41:44

Køøre Peerø aköö jï Jocep, «Aani aana Peerø. 'Ba bäŋ dhaanhø aciel yi Ijep bäre mo tïïö ki gïrpiny ma aciel ni näk mo ba caana ïïni.»

Wïlöölö 42:6

'Ba Jocep beeye ŋata näk kwäärö Ijep, ni bee eni na en ŋïëwi cere mo beel kiper jø mïëri bëët. Kanyøgø uutwänni aö baŋe ni kuulge wïthge piny nyïme ni määthge gø.

Wïlöölö 45:8

Kiper manøgø nø, paa uuni na jääŋ aani kany, 'ba beeye Jwøk, ni bee eni na tïïc aani kaamar wää Peerø, ni näga kwäärö yi paare bäre, ni tïïc aani ni aana kwäärö bäät ŋööm Ijep bäre.

Acther 10:3

Kiper Mördekay ŋat Juuth beeye na nyi nyïm nyeya ma Ayacewëëröc, ni kare dwøŋ yïthakic jø Juuth, ni bëëdö ni tuuŋge bëët yïthge met ki gø, ni beeye ŋata many bëënynyö mar jø poge, na cäänö kiper wï jur mare moo ööi køøre nee jïtge ki bëët-mëër.

Pwöc Leec Wïc 17:2

Ŋat tïïc mo jammi tïïe ka leec wïc, tïmö na kwääc nyilaal man wø känni ki lään wïc jï wänni, ni eni jïtö ki gïï wø dööŋ na moe kaamar wäädö aciel dï nyïïmëëe.

Pwöc Leec Wïc 22:29

?Dhaanhø mo rëëm tïïc ajootï? Eni wø bëëdö ni tïnynya nyeye, ni eni jiy jaak ba tïnynye.

Luup Dïpööy 4:14

Kiper dhaanhø løny ki man tïme na nyeya, këël mo eni käla øt twöc, wala eni nywöli ni can na o paac.

Daniel 2:48

Køøre nyeya kar Daniel aput tïïc ni dwøŋ, ni mooc gø ki muuce mo thööth, ni tïïc gø nee ŋööm Babiløn bäre kääre, ni ena kwäärö thuwø mar jø Babiløn bëët moa nyeŋge reegø.

Daniel 6:3

'Ba Daniel manøgø atägö ki man nëëne ni ena maal ki kwääri moøgø ki dïbwöthe, kiper dëëre da jwïëy mo ena kur keere, ni ö nyeya ni cïp luum gø piny ki man røøny gø bäät akwöm nyec mare bäre.

Mathiew 28:18

Ni ö Jecu baŋge ni kööe jïge, ni «Teek mar maal bäre ki mar piny bäre anø wëëk aani.

Moa Tïïc Nyïïatwieli 7:10

ni piem gø yïth gïïa leth bëët na pïï dëëre, ni døøc wï gø mo leer nyïm Peerø nyeny Ijep, ni wëëk Peerø mëëyö ki gø, ni put gø tïïc na kwäärö bäät Ijep, ki bäät paare bäre.