Wïlöölö 41:34 - Wëël Jwøk

³⁴ Beerra man ö Peerø ni tïïc gïnögøøni, ni ö eni ni määnye ki jø tïïc mo raŋŋa ŋöömö bäre, ni lwötge ka acooŋa aciel dëët acooŋe abïïc moi nø røk caammi moo ciek ni thööth yi ŋööm Ijep yïth cwiiyø na abïriiø yøø.

Wïlöölö 41:34 Iomraidhean Croise

Wïlöölö 41:33

«Kiper manøgø nø, beerra man määny Peerø ki dhaanhø mo waŋe riek mo wïïe da acaara, ni tïïc gø na kwäärö bäät ŋööm Ijep.

Wïlöölö 41:35

Ni ö geni ni cooŋge caammi moo ciek yïth cwiiyø ni beyø no ööi yøø, ni kange ge yïth päänye moa en cer Peerø, ni gwøkge caammi moøgø.

Wïlöölö 47:24

'Ba kanyo tïme na kar kac, bïï thäŋi wär cïpu jï Peerø, ni dööŋ ŋweerge jïïu na köödhi kiper pwöth mou, kiper nee uuni ki tuuŋu ki nyïïu nou jïtu ki cam thuwø.»

Wïlöölö 47:26

Ba ciik mana cïp Jocepi kar kaaca yi ŋööm Ijep atïmö na ciik mo poot nut këël dïcäŋi en. Ni ciik manøgø beeye ni Peerø jïre doo da bïï thäŋi. 'Ba ŋøøp dïlämme keerge kär tïmö na mo Peerø.

2 Luup Nyeye 34:12

'Ba jø tïïc, tïïc atïïcge na kare ki jiy moa bwøth geni ki tïïc. 'Ba jøøa bwøth geni ki tïïc, ki røk jøøa käl dëër Mërari beege Jakath ki Øbadiya; 'ba ki røk jøøa käl dëër Kät beege Dhekaraya ki Meculam. 'Ba ge bëët beege jø tuuŋ Libay moa nyeŋge reegø ki pwöt jap dööti ma teeŋi.

Neemiya 11:9

'Ba Jool o Dhikri beeye ŋata bëëdö na wïth jøøgø yi pääny, ni ö Juuda wär Acenua ni bëëde ni ena ŋat wø caath køør kwäärö mar pääny.

Jööp 5:20

Eni ï gwøe gwøø ki thøø cer käc, ni gwøk ïïni ki thøø ri leny.

Pwöc Leec Wïc 22:3

Ŋat mo waŋe riek gïna raac wø di joodø ni kan ree, 'ba ŋat ma acaara mare thiinh wø pätha yi gø, ni jwør gïï mo leth.

Pwöc Leec Wïc 27:12

Ŋat mo waŋe riek, gïna raac wø di joodø ni kan ree, 'ba ŋat ma acaara mare thiinh wø pätha yi gø, ni jwør gïï mo leth.

Kwään Jiy 31:14

'Ba kanya ö Modhe na joot geni, ena wëër døc ki kwääc lwaae moa näk dïbwöthe mo ŋati man nø käära jiy ma kuma, ki moa näk ŋati man nø käära jiy ma dïpa, ni beege moa duuö ki baŋ leny bëët.

Luk 16:5

Kanyøgø nø, jø pïït mo kwäärö mare acøøre no oceele oceele, ni pëëny mana dïkwøŋ, na ‹?A jap kwääya adïï ni en bäätï?›