Wïlöölö 41:30 - Wëël Jwøk

³⁰ 'Ba ki køør cwiiyøgø, cwiiri abïriiø mo käc oööi, ni wïl wïth jiyi kede bäŋ cam mo päl mo ege kwøŋ joot Ijep. Ni ö käci ni raany ŋöömö bäre.

Wïlöölö 41:30 Iomraidhean Croise

Wïlöölö 41:21

'Ba na nø camge ge, atïmö ni nëëni kede kärge camø, kiper ge poot no odwat ni caala mana dïkwøŋ. Køøre aana päy.

Wïlöölö 41:27

Ni dhääa näk abïriiø na näk odwat døc na näk nëëni ni reyø na öö køørge beege cwiiri abïriiø mo käc, ni jööth abäya näk abïriiø na näk nyeŋge omat na näk owaaŋ cäŋŋi beege cwiiri abïriiø mo käc manøgø thuwø.

Wïlöölö 41:31

'Ba ki køør käc manøgø, päl cam mana dïkwøŋ otïmö na gïn mo wïc ba par ki gø këët, kiper käc manøgø dwøŋ døc.

Wïlöölö 41:51

Ni ö Jocepi ni cak nyeŋ kanynye ni Maneeca, kiper ena köö, ni «Jwøk aana tïïe ki man wïl wïïa ki gïïa jwøra, ni wëëk wïïa wïlö thuwø ki jø tuuŋwa.»

Wïlöölö 41:54

Ni ö cwiiya näk abïriiø na näk cwiic käc ni täkge, kaa mana caani ya Jocepi. Ni tïme ni da käc yïth mïëri bëët, 'ba cam dagø yi Ijep bäre.

Wïlöölö 41:56

Køøre na nyaac käci bäät piny bäre, Jocep odïï mo beel ajabe ni käl beel ni dwøk ge pwödhö jï jø Ijep, ni tïm käci ni päl døc yi Ijep.

Wïlöölö 47:13

'Ba kar kanyøgøøni ŋööm Ijep bäre atïmö ni bäŋ cam yie, kiper meel atïmö ni dwøŋ døc, ni tïm ŋööm Ijepi ki ŋööm Keenan no ogwäl ki cam kiper meel na päl.

2 Camiel 24:13

Kanyøgønø, Gaat aö baŋ Deebit ni caan luummögø jï Deebit, ni kööe jïgø, «?A luubö mane ni beer røk moi? ?Beerra man ö käci paarï ki cwiiri adäk? ?Wala beerra man ö nyïïmän moï ni ŋwiecge køøru ki dwäde adäk nou rïïŋö? ?Wala beerra man ö täwi mo leth døc ni ö bäätu yi ŋöömmu ki nïne adäk? Ennø, cädï ni jierï gïno døøa ki gø jï Jwøk na jääŋ aani.»

1 Nyeye 17:1

'Ba nyikuŋ Jwøk ma Ilaaja nyï Ticbi na en yïth ŋøøp Gelät, aköö jï Akap, ni «Ŋëët Wuuö Jwøk, Jwø Icriel na kwøw, ni wø tïnynya en, ka adïëri møn, ki yïth cwiiri moi ii, tïmö ni bäŋ thööy ki køth, ni näk mo ba caana aani ni køth pädhö.»

2 Nyeye 8:1

'Ba Ilaaca acäänö ki nyijøøa wääde tïŋ maal ki yi thøø ni kööe, ni «Ö maal ni aayï ki wäädï ki jiy mo bëëdö buutï yøø, ni ciï kany mo løny ki man bëëdï yie ni ïïna wëëllö; kiper Wuuö Jwøk kännö ki meel. 'Ba meel manøgø bëëdö ki cwiiri abïriiø.»

Pwöc Leec Wïc 31:7

Wëëk eni maath ni wïl wïïe ki can mare, nee ba cäde ki leth bëëtö mare.

Aydheea 65:16

'Ba ŋat wø gwëëdhö yi ŋöömö, wø gwëëdhö ka nyeŋŋa, a na Jwø adïëri, ni ö ŋat wø kööŋ yi ŋöömö, ni kööŋ raa, a na Jwø adïëri. Kiper gïïa leth na no opöödhö, wïc wïl ki geni, ni putge rwäänyö nyïma.

Luk 4:25

'Ba ka adïëri møn, a caana gø jïïu, ni ya acääŋŋe yïth nïr Ilaaja da määr thuunhnhi mo thööth yi Icriel, kanya ö maalli na män køth ki cwiiri adäk ki dwäde abïciel, na jït paaci bäre ki meel mo dwøŋ.

Jeemeth 5:17

'Ba Ilaaja na bëëde, ena dhaanhø mo ocwääö kaamarø. 'Ba ena lämö ki cwïnye bäre nee køth ba pädhe. Ni bëët køthi ki cwiiri adäk ki dwäde abïciel ni kär pädhö bäät piny.