Wïlöölö 41:25 - Wëël Jwøk

²⁵ Køøre Jocep aköö jï Peerø, «Lääk mo Peerø beeye lääk aciel. Jwøk nyuunhnha Peerø ki gïno tïïe.

Wïlöölö 41:25 Iomraidhean Croise

Wïlöölö 40:8

Køøre gena köö jïre, «Waana lägö ki lääk, ni bäŋ dhaanhø mo caan tiet lääk jïwa.» Ni kö Jocepi jïge, «?Aŋø, løk lääk ba doo käla baŋ Jwøk? Beerra man parru läägu jïra.»

Wïlöölö 41:16

Ni løgi ya Jocepi jï Peerø, ni «Manøgøøni ba en jïra; 'ba beeye Jwøk noo løk gøøni na kare jï Peerø.»

Wïlöölö 41:26

Dhäk moø na abïriiø ni beyø yøø beege cwiiri abïriiø, ni jööth abäya näk abïriiø na beyø yøø beege cwiiri abïriiø. Tier lääk beeye aciel.

Wïlöölö 41:28

«Ni manøgøøni beeye kare na caana jï Peerø, ni Jwøk nyuunhnha Peerø ki gïno tïïe.

Wïlöölö 41:32

Ni lääk manøgøøni aö baŋ Peerø kwöre ariiø, kiper gïnögø onø ŋøl Jwøki piny, 'ba otïïc Jwøki møn ki kany mo cään.

Bwøth Wøk 9:14

Kiper yie man ennø, gïï mo leth mo käla baŋa jääŋŋa jääŋŋö bäätï, ki jø kööre moï, ki jiyï bëët, kiper nee ŋäyï ni bäŋ jwøk mo caala aani bäät piny bäre.

Aydheea 43:9

Wïth juurre bëët dëëtge anø dwalge, ni cooŋge dëëtge kanya ciel. ?Aŋa dëëtge noo caan tier gïn en, noo køp gïïa dïkwøŋ jïïø? Beerra man känge ki jiy mo tier gïnögø ŋäcge naa adïëri marge ŋäc, nee wïny jiyi ni köge, ni «Bee kare.»

Daniel 2:45

Man beeye tier gïna jootï kiper thääŋ kïdi mana muk ri kïdi mana näk kär gudö ki cenø, na pet nywïënyö, ki jwïël, ko odhöönh, ki gwel-bïrö, ki warkey. Jwøa dwøŋ gïïo tägi yi nyïm anyoodhe jïrï, ï na nyeya. 'Ba lääk beeye adïëri, ni tier gïna cääne kipere di ŋäädhö na kare.»

Daniel 2:47

Ni kööe jï Daniel, ni «Ka adïëri møn, Jwøï beeye wïth juu, ni beeye kwääc nyeye ni wø nyooth gïï mo tietge okanø, kiper mana lønye jïrï ki mana nyoothï tier gïn no okanø en.»

Amøc 3:7

Kiper Wuuö Jwøk bäŋ gïn mo tïïe jaak ni gïna näk ee cooŋø ki cwïnye käre caanø jï laaŋe na näk nyïïkuk moe.

Mathiew 24:40

Kar kaaca, nee da jiy ariiø mo ena yi pwödhö, aciel okäl, ni wec maya.

Maak 13:23

'Ba uuni, gwøgu rou. A caana gïï jïïu kany pootge ni poot kär tägö en.

Epeca 1:17

nee Jwøk na näk Jwø Kwääyø ma Jecu Krictø, ni näk Uun ajiem, nee u mooe ki wïdhi mo leer, ki cwïny mou wëëge ka ŋäc eni,

Jøcua 11:6

'Ba Wuuö Jwøk aköö jï Jøcua, ni «Kär niï lwäyö ki jøøgø, kiper diøø kar kany nø, geni bëët ge cïba cïbö nee ge 'näk jø Icrielli; 'ba ïïni ojwönyi mo okwëënyi moge ŋøørï ŋøørø, ni ö jïëthe moge mo wø tut okwëënyi ni waaŋï geni ki maac.»

Mana Nyooth 4:1

'Ba køør gïïögø aana nëënnö, ni jooda dhøk mo ŋaam maal. 'Ba dwøl mana kwøŋa wïnynyö na cäänö ki aani ni caala dwør tuuŋ aköö, ni «Ö maal baŋa kany. 'Ba ïïno nyutha gïïo tägi køør moi ii.»