Wïlöölö 41:15 - Wëël Jwøk

¹⁵ Køøre Peerø aköö jï Jocep, «Aani, aana lägö ki lääk, ni bäŋ dhaanhø aciel mo caan tiere jïra. 'Ba luubö mør awïnynya kiperï, ni ni näk da lääk mo iï wïnynyö, ni løny jïrï ki man caanï tiere.»

Wïlöölö 41:15 Iomraidhean Croise

Wïlöölö 40:8

Køøre gena köö jïre, «Waana lägö ki lääk, ni bäŋ dhaanhø mo caan tiet lääk jïwa.» Ni kö Jocepi jïge, «?Aŋø, løk lääk ba doo käla baŋ Jwøk? Beerra man parru läägu jïra.»

Wïlöölö 41:8

'Ba na tïme na aruunnø, lääk moi wï Peerø akierge døc. Køøre ena jäägö ni cwøl jiye moa nyeŋge reegø bëët mo Ijep ka ajuuk bëët, ni par lääk moe jïge. 'Ba bäŋ ŋat moo løny jïre ki man caan tier gø jï Peerø.

2 Luup Nyeye 26:5

Ni put bëëte ni manynya Jwøk ki yïth nïne moa beet Dhekaraya, ŋata pwöny gø ki køør jammi moa nyooth Jwøki. 'Ba kanya bëëde ni eni manynya Wuuö Jwøk, jammi atïïc Jwøki jïre ni beyø.

Daniel 2:3

nyeya aköö jïge, ni «Aana lägö ki lääk, ni ö wïïa ni kier ree ki man ŋääa tier lääk.»

Daniel 4:18

«Manøgø beeye lääk mana jooda, a na nyeya ma Nabukedenecör. 'Ba ennø, ï na Belthacacör en, caan tier lääk jïra; kiper ki man bëëde cøøn en, ki røk jøøa nyeŋge reegø ya akwöm nyec mara, bäŋ ŋat moo løny jïre ki man caan tier lääk manøgø jïra. 'Ba ïïni, løny jïrï, kiper jwïëc juu mo ena kur keerge ena bäätï.»

Daniel 4:9

ni «Wui Belthacacör, ï na kwääy ajuuk, aani ŋääa ni jwïëc juu mo ena kur keerge ena bäätï, ni bäŋ gïn mo tiere okanø mo dhäthö jïrï. 'Ba ennø, gïïa nyooth jïra ki yi lääk na jooda, ki tier gïna cääne kipere caanï jïra.

Daniel 5:12

Ŋatøgø na Daniel enø, na nyeŋŋe cak nyeya ni Belthacacör, ajoot na ŋat mo jïre da jwïëy ma wøp, mo tiet jammi ŋääe, mo wïïe kwel, mo tiet lääk di caanø, mo tiet leere di lamø, mo tiet luup mo teek päde pädö. Ennø, beerra man cwøl Daniel nee tier gïna näk ogöörö caane.»

Daniel 5:14

Ennø, gïrï awïnynya ki man näk mo jwïëc juu ena bäätï, ni ö kwel wïci, ki leec ŋeth, ki leec wïc mo opöödhö ni joodi baŋï.

Daniel 5:16

'Ba aani ki dëëra, gïrï awïnynya ki man näk mo løny jïrï ki man caanï tier gïrpiny, ki man pätï tiet luup mo teek. 'Ba ennø, ni näk mo løny jïrï ki man kwaanï gïn no ogöörö en jïra, ni caanï tier gïna cääne kipere, ïïni dëërï di runynyö ka abïï ma abïcøle, ni kïth cwaagï ki tiin warkey, ni tïmï ni ïïna dää kwääri moa näk teek ocïp ceŋge ni wø käär akwöm nyec man.»