Wïlöölö 40:8 - Wëël Jwøk

⁸ Køøre gena köö jïre, «Waana lägö ki lääk, ni bäŋ dhaanhø mo caan tiet lääk jïwa.» Ni kö Jocepi jïge, «?Aŋø, løk lääk ba doo käla baŋ Jwøk? Beerra man parru läägu jïra.»

Wïlöölö 40:8 Iomraidhean Croise

Wïlöölö 40:9

Køøre ŋata bëëdö na nyikeenø, lääk mare apare jï Jocep ni kööe jïre, «Lääk mara bëët ka araŋa jaath omøk,

Wïlöölö 41:25

Køøre Jocep aköö jï Peerø, «Lääk mo Peerø beeye lääk aciel. Jwøk nyuunhnha Peerø ki gïno tïïe.

Jööp 33:23

«'Ba ki røk nyïïatwiet maal ma kuma, doo na da aciel mo ena løøe mo cäänö kipere, ni para wï gø ki gïna dee tïïö,

Aydheea 8:19

Kanyo cään jiyi ki uuni, ni «Pëënynyu jøøa näk rege da juu mo cøøra jwïëc jiy moa no othøw, jø wø ŋuri ni muuŋö,» käru jïëy. ?Aŋø, jiy ba doo na ge pëënynya Jwøk marge? ?Aŋø, jøøa no othøw doo pëënynyö kiper bëët jøøa kwøw?

Daniel 2:11

Ni gïnögø na pëëny nyeya enø beeye gïn mo teek døc, ni bäŋ ŋat mo løny jïre ki man caan gø jï nyeya, ni näk mo paa juu ni wø näk kar bëëtö marge ba en dï jiy.»

Daniel 2:27

Ni løgi ya Danielli jï nyeya ni kööe, ni «Gïnögø ni tiere okanø enø, gïna pëënynyï, ï na nyeya, ba løny jï jøøa wïthge leer, ki jøøa nyeŋge reegø, ka ajuuk, ki jø adïëda ki man caange tier gø jïrï, ï na nyeya en.

Daniel 2:28

'Ba da Jwøk mo ena maal ni wø nyooth tiet gïï mo okanø. Eni gïno tägi yi nyïm anyoodhe jïrï, ï na nyeya ma Nabukedenecör en. Lääk marï ki gïïa nyooth jïrï ki yi wïïï kanya bëëdï niï ena kar niine beege ii:

Daniel 2:3

nyeya aköö jïge, ni «Aana lägö ki lääk, ni ö wïïa ni kier ree ki man ŋääa tier lääk.»

Daniel 2:47

Ni kööe jï Daniel, ni «Ka adïëri møn, Jwøï beeye wïth juu, ni beeye kwääc nyeye ni wø nyooth gïï mo tietge okanø, kiper mana lønye jïrï ki mana nyoothï tier gïn no okanø en.»

Daniel 4:8

'Ba ka aŋuudi, Daniel, ni wø nyeŋŋe cwøl ni Belthacacör ki køør mana caa nyeŋŋe ri nyeŋ juu 'moa, eni na jwïëc juu mo ena kur keerge ena bääte, ena ö nyïma, ni caana lääk jïre ni kööa,

Daniel 5:16

'Ba aani ki dëëra, gïrï awïnynya ki man näk mo løny jïrï ki man caanï tier gïrpiny, ki man pätï tiet luup mo teek. 'Ba ennø, ni näk mo løny jïrï ki man kwaanï gïn no ogöörö en jïra, ni caanï tier gïna cääne kipere, ïïni dëërï di runynyö ka abïï ma abïcøle, ni kïth cwaagï ki tiin warkey, ni tïmï ni ïïna dää kwääri moa näk teek ocïp ceŋge ni wø käär akwöm nyec man.»

Amøc 3:7

Kiper Wuuö Jwøk bäŋ gïn mo tïïe jaak ni gïna näk ee cooŋø ki cwïnye käre caanø jï laaŋe na näk nyïïkuk moe.