Wïlöölö 40:20 - Wëël Jwøk

²⁰ 'Ba na tïme na dää nïne, atïmö na kanya lwaarø ki Peerø yie, ni tïme ka ajwöma kiper jø tïïc moe bëët. Ni ö eni ni pät ŋata bëëdö na nyikeenø ki ŋata en tïï dääpe cere dï jø tïïc moe.

Wïlöölö 40:20 Iomraidhean Croise

Wïlöölö 21:8

Ni ö nyilaalli ni døøŋŋe ni mäni ki caak, ni ö Eeberammi ni tïme ka ajwöma mo päl døc dïcäŋa män Aydhak yie ki caak.

Wïlöölö 40:13

Ki ri dää nïne Peerø ïïno päde, ni dwøk ïïni kar tïïc marï, ni cäŋï ogubany Peerø cïp cere keda mana wara tïïyï dïkwøŋ kanya bëëdï ni ïïna nyikeenø mare.

Wïlöölö 40:19

Ki ri dää nïne Peerø wïïï oŋul wøk, ni ŋaap ïïni bäät jaath, ni ö dëërï ni cami ya wenynyi.»

1 Nyeye 3:15

'Ba kanya ö Cølömanni na pääe, gïnögø aput ŋäc ni beeye lääk mo käla baŋ Jwøk. Ni ö eni ni ö Jerucalem ni cuŋŋe nyïm acanduk man wø nyooth luumma tuut Wuuö Jwøki ki jiy, ni cïpe ko olämme mo wø waaŋ bäre, ko olämme mo wø duunni ki mëër, ni tïïe ka ajwöma jï jø kööre moe bëët.

2 Nyeye 25:27

'Ba kanya tïm cwiiri na pïëradäk ka abïriiø moa mak Jöakin nyeny Juuda ki tøŋ yie na kïthi Babiløn, kanya tïm nïr dwää apaar kurriiø ni pïërariiø ka abïriiø, Ëwil-Merödak nyeny Babiløn Jöakin nyeny Juuda apäde. 'Ba gïnögø atïïe yi cwiina tïme yie ni ena nyeya.

Acther 1:3

'Ba kanya tïme na ri dää cwiiri moe bäät nyec, ena tïïö ka ajwöm-cam jï jø kööre ki jø tïïc moe; ni kwääri mo tøŋ mo Parca ki mo Mëdön ee cwølø, ki kwääri mo mïëri moa en tiere, ki jiy moa kwörge døøŋŋø bëët.

Jööp 3:1

'Ba køør gïnögø, Jööp dhee ajabe ni cien dïcäŋ mana lwaarø yie ki gø.

Jeremaya 52:31

'Ba kanya tïm cwiiri na pïëradäk ka abïriiø moa mak Jöakin nyeny Juuda ki tøŋ yie na kïthi Babiløn, kanya tïm nïr dwää apaar kurriiø ni pïërariiø kurbïïc, Ëwil-Merödak nyeny Babiløn mëër mare anyoodhe jï Jöakin nyeny Juuda ni pät gø øt twöc. 'Ba gïnögø atïïe yi cwiina tïme yie ni ena nyeya.

Mathiew 14:6

'Ba kanya tïme na cäŋa lwaarø ki Eerat yie, nyi Eerödia amiel nyïm wëëlle, ni døøc yi Eerat mo met.

Mathiew 25:19

«'Ba kanya nø ruu kwääy laaŋe moøgø ki kany mo bäär, ena duuö ni cääp gwel moe ki geni.

Maak 6:21

'Ba dïcäŋ aciel jöö ree ajabe, kanya ö Eerati na cwøl jaae moe, ki kwääc jø leny moe, ki dïbwöthe mo Galili, baŋ cam cäŋa nywøli yie.