Wïlöölö 40:19 - Wëël Jwøk

¹⁹ Ki ri dää nïne Peerø wïïï oŋul wøk, ni ŋaap ïïni bäät jaath, ni ö dëërï ni cami ya wenynyi.»

Wïlöölö 40:19 Iomraidhean Croise

Wïlöölö 40:13

Ki ri dää nïne Peerø ïïno päde, ni dwøk ïïni kar tïïc marï, ni cäŋï ogubany Peerø cïp cere keda mana wara tïïyï dïkwøŋ kanya bëëdï ni ïïna nyikeenø mare.

Wïlöölö 40:17

Ni gupa mana en maal yie da wïth dääpe bëët mo onø bul kiper Peerø. 'Ba weny aöö ni camge gø yi gupa mana en wïïa.»

Wïlöölö 40:18

Ni løgi ya Jocepi jïre, «Man beeye tier lääk manøgø, gupe moø na adäk yøø beege nïne adäk.

Wïlöölö 40:20

'Ba na tïme na dää nïne, atïmö na kanya lwaarø ki Peerø yie, ni tïme ka ajwöma kiper jø tïïc moe bëët. Ni ö eni ni pät ŋata bëëdö na nyikeenø ki ŋata en tïï dääpe cere dï jø tïïc moe.

Wïlöölö 40:22

'Ba ŋata en tïï dääpe cere aput Peerø ŋaap bäät jaath kaa mana caani ya Jocepi jïge kanya caan tiet lääk moge.

Wïlöölö 41:13

Ni gïïa caane bëët aput tïmö na adïëri, ni ööa ni dwøk aani kar tïïc mara, ni ö ŋata en dääpe cere ni nääi ni ŋaabi bäät jaath.»

2 Camiel 21:10

'Ba Ricpa nyi Aya keeca alwøre, ni aae ki gø ni peeth gø piny bäät kïdi kanya en dëët jiy yie, ni bëëde ni koora geni, nee bäŋe wec maal mo pï bäätge ki waŋcäŋ wala lääc paap mo ööa baŋge ki wäär. 'Ba koor tääe ka dïcäŋ mana täk kaci yie këël mana päth køthi.

2 Camiel 21:6

beerra man ö cwøw abïriiø røk jø dhi øde ni wëëgï waani, nee ge lïërwa nyïm Wuuö Jwøk yi Giba, pääny mar Cøøl, ni beeye Cøøl na näk ojier Wuuö Jwøki na nyeya.» Køøre nyeya aköö jïge, ni «Aani, ge cïba cïbö jïïu.»

Pwöc Leec Wïc 30:17

Ŋat mo waŋe ena dëër wänni ni buua gø, ni taak ciik mo menni, nyeŋŋe ogöön agääe wøk moa en ya agäm-kïte, ni cami ya cøre.

Edhikiel 39:4

Ïïni ki jø leny moï bëët, ki wïth juurre moa cäädhö ki ïïni, uuno päänhnhi bäät kïte mo Icriel. Uuni, u cïba cïbö na cam jï lääc paap ki teeŋ weny bëët mo wø cwëëdhö.

Moa Tïïc Nyïïatwieli 20:27

Kiper a kär lwäyö ki man caana luup Jwøk bëët jïïu.

Galeecia 3:13

'Ba Krictø acïëni mana doo en bäätø kiper ciik Jwøk, awëënne, kiper mana tïme ni cien kaperø. Kiper ogöörö, na «Acïëni oen bäät jiy bëët mo wø 'näk no oŋaap bäät jaath.»

Jøcua 10:26

Køøre nø, Jøcua nyeye moøgø aput 'näk, ni lïër geni røk jenni abïïc; ni putge bëëtö ni geno lïërö këël mana tïm pinynyi na abøøya.

Jøcua 8:29

Ni ö Jøcua ni 'näk nyeny Gaay ni lïër gø ri jaath këël mana tïm pinynyi na abøøya. 'Ba kanya nø päth cäŋŋi piny, Jøcua acïpö ki dwøl, ni cige ni kälge dëër gø wøk ki ri jaath, ni leeŋge gø dhi kiir mar pääny Gaay, ni putge kïte mo thööth löör bääte, ni kïte moøgø poot nut no olöör piny kanya ciel kaace këël dïcäŋi en.

1 Camiel 17:44

Ni cäŋ nyï Pilitinni manøgø köö jï Deebit, ni «Ö baŋa, nee rïŋ dëërï wëëga weny mo maal ki lääc paap.»

1 Camiel 17:46

'Ba dïcäŋi Wuuö Jwøk ï cïbe cera, ni nääa ïïni, ni ŋula wïïï wøk. 'Ba aani, dëët jø leny mo jø Pilitin moo 'näk dïcäŋi, wëëga wec maal ki lääc paap mo bäät piny, kiper nee ŋäc jø bäät pinynyi bëët ni Jwøk mana na adïëri nut dï jø Icriel;