Wïlöölö 40:13 - Wëël Jwøk

¹³ Ki ri dää nïne Peerø ïïno päde, ni dwøk ïïni kar tïïc marï, ni cäŋï ogubany Peerø cïp cere keda mana wara tïïyï dïkwøŋ kanya bëëdï ni ïïna nyikeenø mare.

Wïlöölö 40:13 Iomraidhean Croise

Wïlöölö 40:1

Kanyøgøøni na tïme na køør gïïögø bëët, ŋata bëëdö na nyikeenø mar nyeny jø Ijep ki ŋata bëëdö ni tïï dääpe mo nyeya ena cere, gena bääyö dëër kwääcge ma nyeny jø Ijep.

Wïlöölö 40:12

Køøre Jocep aköö jïre, «Tier lääk manøgøøni beeye en, bäädi moøgøøni na adäk yøø beege nïne adäk.

Wïlöölö 40:14

'Ba noo jïtï ki bëëtö mo beer, wär wïïï parï ki aani. Beerra man caanï aani jï Peerø kiper naa käl wøk yi øt twöc man.

Wïlöölö 7:4

Kiper køør nïne abïriiø aani køth jääŋŋa jääŋŋö bäät piny, ni pädhe ki cääŋŋe ma pïëraŋween ki wärre ma pïëraŋween; ni ö gïïa cwääa bëët na näk kwøw ni puta geni raanynyø bäät piny.»

2 Nyeye 25:27

'Ba kanya tïm cwiiri na pïëradäk ka abïriiø moa mak Jöakin nyeny Juuda ki tøŋ yie na kïthi Babiløn, kanya tïm nïr dwää apaar kurriiø ni pïërariiø ka abïriiø, Ëwil-Merödak nyeny Babiløn Jöakin nyeny Juuda apäde. 'Ba gïnögø atïïe yi cwiina tïme yie ni ena nyeya.

Jeremaya 52:31

'Ba kanya tïm cwiiri na pïëradäk ka abïriiø moa mak Jöakin nyeny Juuda ki tøŋ yie na kïthi Babiløn, kanya tïm nïr dwää apaar kurriiø ni pïërariiø kurbïïc, Ëwil-Merödak nyeny Babiløn mëër mare anyoodhe jï Jöakin nyeny Juuda ni pät gø øt twöc. 'Ba gïnögø atïïe yi cwiina tïme yie ni ena nyeya.