Wïlöölö 4:7 - Wëël Jwøk

⁷ ?Aŋø, ni näk mo marï beer, täärnyïmï ba doo bëëdö ni leer? 'Ba ni näk mo marï ba beer, raay bëëdö no omøør piny dhi øtø marï; ni manynya ïïni. 'Ba gïna diï tïïö beeye ki man böötï gø.»

Wïlöölö 4:7 Iomraidhean Croise

Wïlöölö 19:21

Ni kö nyïïatwielli manøgø jï Løøt, ni «Ennø, luubö marï ajïëa; pääny mana cäänï kipere enø ba raanynya këët.

Wïlöölö 3:16

Ni kö Wuuö Jwøki jï dhaagø, ni «Rääm marï omeeda døc ri nyöödö marï; ï jïtö ki rääm ri lwaar marï ko obwöre. Cwïnyï otïmö ni ena køør cwørï, ni tïmï niï bëënna gø.»

2 Camiel 24:23

Wui nyeya, jammi bëët yøønø, acïba jïrï.» 'Ba Arawna acäŋ köö jï nyeya, ni «Beerra man ö Wuuö Jwøki ni wëëk gïna manynyï thur kare.»

2 Nyeye 8:28

'Ba Akadhiya ena aa Ramöth-Gelät ni eni cäädhi ka Jeyöram wär Akap kiper nee këëtge ka Adhaël nyeny Aram, ni ö jø Arammi ni moocge dëër Jeyöram ki ŋwellø.

Jööp 11:14

ni ö raayï moa en cerï ni leeŋï ge wøk, ni bäŋe raay mo jïëyï ki man duny kar bëëtö marï,

Jööp 11:15

ïïni, ïïno bëëdö ni wïïï iï tïŋ maal ni bäŋ laac wïc, ni cuŋŋï niï teek ni bäŋ lwär.

Jööp 29:4

Nïne moøgø beege nïne moa beyø jïra, ni beeye kanya bëët Jwøki na nyawat mara ni koora kar bëëtö mara.

Jööp 42:8

Kiper manøgønø, lwötu ki rwädhe abïriiø ki nyöök rööm abïriiø, ni cou baŋ dhaanhnha ma Jööp ni cïpu ge no olämme mo wø waaŋ bäre kiper dëëtu. 'Ba dhaanhnha ma Jööp olämö kiperu, ni ööa ni jïëa lam mare, ni bäŋe gïn mo tïïa dëëtu këët ki køør bøøl maru. Uuni, bäŋ luup mo karge mo you caanø kipera kaawat mana tïïc dhaanhnha ma Jööp.»

Pwöc Leec Wïc 18:5

Ajeeny paa gïn mo beer ki man ci løø ŋat mo raac, wala ki man daaŋ luup ŋat mo mare adïëri kar løøk.

Pwöc Leec Wïc 21:27

?Ni näk mo Jwøk yie raac ko olämi mar ŋata raac, a rääye onäk nyïëdi nø kanyo cïp gø ki cwïny mo raac?

Jeremaya 3:12

Ciï ni caanï dwøl man en ni nyïmï ii løø jï løø wï-piny, ni kööï ni Wuuö Jwøk aköö, «ni ‹Ï na Icriel na caal dhaagø mo cwïnye ogaa wøk en, duu baŋa. Ï ba raŋa ka agäät, kiper a na Wuuö Jwøk, a mëër ki ïïni, ni gootø mara ba ruu cwïnya na bäre bäre.

Jeremaya 6:20

?U na jiya, aperŋø nø ni wø kännu baŋa ki dwøø man wø jïye ŋwääi ni met ki yi Cïïba en? ?Na aperŋø thuwø ni wø kännu baŋa ki luum wø maare ŋwääi ni met ki paac mo kare bäär en? Olämme mou mo wø waaŋ bäre a ba jïëy ki geni, ni yia ba mïnni thuwø ko olämme møøk mo wø cïpu.»

Mikiya 7:18

?Ïïni, a Jwøk mane ni caal ïïni, ï ni wø wëën raay, ni wø wec gïïa bac jiyï na näk thöögï moa dööŋ? Ïïni wëër marï ba bëëdö na bäre bäre, 'ba yiï wø mïnni ka man nyoothï mëër marï ni wø ba jøøl.

Milkiya 1:10

Ni cäŋ köö, «Beerra mana di dhaanhø acielli cøø dëëtu ni cïëk dhøgi mo kal mar Øt Jwøk, kiper nee bäŋe dhaanhø dïïu mo äp maac bäät gïn wø cïp olämme bääte mana näk mara ki gïn mo bäŋ tiere jaak. Bäŋ gïn mo døøc yia mo met ki uuni; olämme moo cïpu jïra ba jïëa.

Milkiya 1:13

Ni kööu, ni ‹Tïïc man duua öölö jaak,› ni ŋøllu gø ki laaw.» Gïnögø caana Wuuö Jwøki, eni na wïth jammi bëët. Ni cäŋ köö, na «?Aŋø, kany wø kännu ki lääy mo lwørru ka teek ceŋ jiy, wala lääy ma ŋööte wala mo tuu, ni cïpu geni no olämme, you caarø ni daa jïëö baŋu?

Milkiya 1:8

?Aŋø, kany wø cïpu lääy ma cööye no olämme, paa gïn mo obøth? ?Ni kany wø cïpu lääy ma ŋööte ki moa näk dëëtge da täwe, paa gïn mo obøth thuwø? Wär pääru ki man cïpu teeŋ lääyöge jï kwäärö maru. ?Aŋø, løny jïre ki man tïm yie ni met ki uuni? ?A løny jïre ki man pänh uuni ni yie met?» Gïnögø caana Wuuö Jwøki, eni na wïth jammi bëët.

Kwään Jiy 32:23

«'Ba ni näk mo ba tïïyu, u bääyö dëër Wuuö Jwøk; 'ba wär ŋäyu ni raay mou keeru røma rou.

Moa Tïïc Nyïïatwieli 10:35

'Ba ki yïth mïëri bëët ni näk da ŋat mo wøøra gø ni wø tïïya gïno beer, wø jïëc Jwøki jïëö.

Wëëlö Mana Göör Pøølli Baŋ Jø Röm 12:1

Kiper manøgønø, nyïïmera, a kwaya uuni ki køør met yi Jwøk na päl ki man cïpu dëëtu no olämi mo kwøw ni ena kur keere, na gïn wø jïëc Jwøki, ni beeye lam maru ni wø en cwïnynyu.

Wëëlö Mana Göör Pøølli Baŋ Jø Röm 14:18

Ni ŋat wø tïny Krictø na enønø, døøya yi Jwøk mo met, ni ŋäyi ya jiyi ni beer.

Wëëlö Mana Göör Pøølli Baŋ Jø Röm 15:16

naa tïma naa tïnynya Krictø Jecu jï juurre, naa lama tier luumma nyään na met mar Jwøk, kiper nee juurre cïp na jëëdhi man wø jïëc Jwøki, ni wø en kur keere ki køør Jwïëc Jwøk na en kur keere.

Wëëlö Mana Göör Pøølli Baŋ Jø Röm 6:12

Kiper manøgønø, käru nou wëëga raay jïtö ki teek bäät dëëtu ni bëën thøø enø, ki man wëëkge uuni leŋ gïïge na reyø wø nieŋge køørge.

Wëëlö Mana Göör Pøølli Baŋ Jø Röm 6:16

?Aŋø, kuyu ni ni näk dëëtu you cïbö jï ŋat mør ni uuna laaŋe mo leŋa luupe, u puta tïmö ni uuna laaŋe jï ŋata dwøre leŋŋu? 'Ba ni näk mou leŋa dwør raay, cuŋŋe beeye thøø, 'ba ni näk mou leŋa dwør Jwøk, cuŋŋe beeye bëënynyö.

Epeca 1:6

nee met yie na bäŋ teeŋe na cïbe jïïø ki bäth ec dëër Omëëye, nee pwøø.

1 Timöthi 5:4

'Ba ni näk cï thøø jïre da obwöre wala nyïïkwaaye, beerra man kwanyge tïïc mana dege tïïö jï tuuŋge dïkwøŋ ki køør bëët jöör Jwøk, ni kønyge jøøa nywøl ge. Kiper gïnögø beeye gïn mo beer nyïm Jwøk.

Ibaru 11:4

Ni beeye ŋäädhe, na ö Eebelli na cïp olämi mana tïmö ni beerra eni jï Jwøk ki mar Keen, ni beeye na jïëc eni ni eni beer ki køøre, kanya ö Jwøki na jïëe ko olämme moa cïbe. 'Ba këël na thøøe, eni poot luubö ki køør ŋäädhe mare.

Jeemeth 1:15

Køøre gïn wø nieŋ ri gø, wø jïtö ki nyey ni nywøl raay. 'Ba kany wø døøŋ raayi, wø käla thøø.

1 Piter 2:5

Ni tïmu nou caala kïte mo kwøw, ni uuno geerø ni uuna øt Jwøk, nou tïmu ni uuna dïlämme moa en kur keerge, nou cïpa cwïnynyu na en køør Jwøk jï Jwøk no olämme mo wø jïëc Jwøki ki køør Jecu Krictø.