Wïlöölö 4:2 - Wëël Jwøk

² Ni cäŋ coki ma Eebel nywøllø. Ni ö Eebelli ni tïme na dïkwääc dïëk. 'Ba Keen atïmö na ŋat puur.

Wïlöölö 4:2 Iomraidhean Croise

Wïlöölö 3:23

Kiper manøgø nø, Wuuö Jwøk dhaanhø ariem wøk ya ajïniinna en Ëden, kiper nee tïme ni puura ŋøøm moa käl yïthge.

Wïlöölö 37:13

Ni kö Icrielli jï Jocep, «Uutwäru ena baŋ kwaath ki dïëk buut Cekam. Ööï nø niï jääŋŋa baŋge.» Ni kö Jocepi jïre, «Wøp, a cøø.»

Wïlöölö 4:1

Køøre Adam aci baŋ cïïe ma Iip, ni jït yie ki dhaanhø ni nywøl Keen, ni kö Iipi, ni «Aana jïtö ki nyilaal ma dïcwøø ki baŋ Wuuö Jwøk.»

Wïlöölö 4:3

Kar kanyøgø Keen akännö ki caammi moa ciek na puure ni cïp gø na muuce jï Wuuö Jwøk.

Wïlöölö 47:3

Ni kö Peerø jïge, ni «?Tïïc mana ŋäyu a tïïa ŋø?» Ni köge jï Peerø, ni «Waani na laagï, waana dïkwääc dïëk, kaamar kwäcwa.»

Wïlöölö 9:20

Køøre Nöa na näk ŋat puur atägö ki man piith pwöth omøki.

Bwøth Wøk 3:1

'Ba kanya bëët Modhe ni kwaaya dïëk wää cïïe na näk Jëthrö na näk kwääc lam mar jø Midien, eni dïëk akøøl dï paap kuya, ni pïïe ri Kïn Körëp, kïnna näk Kïn Jwøk.

Amøc 7:15

ni ö Wuuö Jwøki ni cwöl aani wøk ki kar pïïth dïëk, ni poot na Wuuö Jwøk na köö jïra, ni ‹Ciï ni køpï luummi en jï jiya ma jø Icriel.›

Luk 11:50

kiper nee kwöc nyïïkuk Jwøk bëët na nääŋŋi ki kanya täk pinynyi, nee cool ri beenhnhi en,

Luk 11:51

ni tägi ka rem Eebel këël mano këët ri rem Dhekaraya, ŋata nää yaakic gïn wø cïp olämme bääte ki Øt Jwøk. Adïëri møn, a cäänna uuni, ni kwöri moøgø ocool ri beenhnhi en.

Jøøn 8:44

U käla ri wääu na näk anägö, nou manynya man tïïyu man wø many wääu. Eni, ena dïnääy këël ki kanya täge yie, ni bäŋ gïn manynye ra adïëri, kiper na bäŋe adïëri cwïnye. 'Ba kany wø caan tööt, eni caana gïr bëëtö mare, kiper na näk ena dïtwöt, ni beeye wää tööti.

1 Jøøn 3:10

Ni beeye gïnögø noo joot jø wø näk nyïï Jwøk ki jø wø näk nyïï anägö. 'Ba ŋat wø ba tïïc gïn mo beer, ki ŋat wø ba mëër ki coki, patha mar Jwøk.

1 Jøøn 3:12

ni ba tïmø kaamar Keen, eni na dhaanh ŋata raac na 'näk coki. ?Aperŋø na 'näk gø? Nääe kaper tïïe moe na reyø, ni ö mo coki ni becge.

1 Jøøn 3:15

Ŋat wø män ki coki, ena dïnääy, ni ŋäyu ni bäŋ dïnääy mo cwïnye da kwøw mana näk adïëri mo bäŋ cuŋŋe.