Wïlöölö 4:15 - Wëël Jwøk

¹⁵ 'Ba Wuuö Jwøk aköö jïgø, ni «Ŋato köö jaak ni Keen nääe nääö, kwör di coolø dëëre kwöre abïriiø.» Ni ö Wuuö Jwøki ni muuny dëër Keen ki nyuudhi, kiper nee ŋato wäro joot gø nee ba nääe.

Wïlöölö 4:15 Iomraidhean Croise

Wïlöölö 4:24

Ni näk mo kwör Keen di coolø ki kwöre abïriiø, aani na näk Lamek kwöra tïmö ni cool ki kwöre ma pïërabïriiø ka abïriiø.»

1 Nyeye 16:7

'Ba dwør Wuuö Jwøk na caane ki dhi nyikuŋ Jwøk ma Jiyu wär Anani aput tägö dëër Baaca ki jø dhi øde, kiper mana tïïe ki gïï mo nëëni ni reyø ki jï Wuuö Jwøk, na tïïc Wuuö Jwøk nee goote ki køør tïïe moøgø na caal moa tïïc jø dhi øt Jeröbäm. Ni paa manøgø keere, beeye kiper mana 'näk jø dhi øt Jeröbäm thuwø.

Pwöc Leec Wïc 6:31

'ba ni näk mo eno maaø, eni cudö ki kwöre abïriiø, këël doo naa thööra jap øde bëët.

Edhikiel 9:4

Kanyøgø Wuuö Jwøk aköö jïre, ni «Ciï ni wïrï dï pääny Jerucalem bäre, ni kïthï täärnyïm jiy ki ŋïï, ni beege jøøa näk cwïnyge opädhö ni wø bëëdö ni ge cooyø ki jammi moø ni reyø ni tïïc yie yøø.»

Edhikiel 9:6

'Nägu geni ni bäŋgø mo dööŋ, ki mano täge ki jäle, ko obwöre moa näk wøpe, ki nyïïakuue, ko obwöre moa therø, ki mään; 'ba jøøa näk täärnyïmge da ŋïï kär gutu. 'Ba wär tägu ki øt lam mara.» Køøre aputge täk ki jø døøŋŋø moa en nyïm Øt Jwøk.

Odheea 1:4

Køøre Wuuö Jwøk aköö jï Odheea, ni «Cak nyeŋŋe ni Jedhriel, kiper ki kany mo cään dhi øt Jiyu raanynya raanynyø kiper remø mana køny piny päänya cwøl ni Jedhriel, ni ööa ni tïïa buc nyec mar dhi øt Icriel nee cuŋŋe.

Ciik Kiper Dïlämme 26:18

« ‹'Ba køør gïïögø, ni näk mou poot bëëdö ni dwøra ba wïnynyu, aani u jääla jäälö kwöre abïriiø kiper raay mou.

Ciik Kiper Dïlämme 26:21

« ‹'Ba ni näk mou poot gëëmö ki aani ni dwøra poot ba wïnynyu, a känna bäätu ki gïï mo leth kwöre abïriiø ki køør raay mou.

Ciik Kiper Dïlämme 26:24

aani ki dëëra kiree, a gëëmmö ki uuni, ni tïïa ki gïï mo leth dëëtu kwöre abïriiø kiper raay mou.

Ciik Kiper Dïlämme 26:28

aani ki dëëra kiree, ageem mara ki uuni puta ka tïïc na wëër dëëtu, ni jääla uuni kwöre abïriiø kiper raay mou.

Mathiew 26:52

'Ba Jecu aköö jïre, ni «Dwøk opëëllö marï kare. Kiper jiy bëët mo wø kwaany opëëllö, onäk ko opëëllö.

Mana Nyooth 14:11

Ni ö jïc maac mano caar geni ki gø ni duuŋe këël na bäre bäre. Ni bäŋ jwömö jïge ki wärre ki cääŋŋe, ni beege jø wø wøør Läänögø ki gïna näk ocwääö na kïte, ki jø wø dëëtge jïti ki ŋïï mar nyeŋŋe.»

Mana Nyooth 14:9

Ni ö dää nyïïatwiet maalli mør ni läw cäännö ki dwøl mo päl, ni «Ni näk da ŋat mo wøøra Läänögø ki gïna näk ocwääö na kïte, ni jït täärnyïme ki ŋïï, wala cere,