Wïlöölö 4:14 - Wëël Jwøk

¹⁴ Neenï, ennø dïcäŋi en aana riemï wøk yïth ŋøøm; ni bëëda naa ba en buutï këët. Ni tïma ni aana dhaanhø maa thääyö jaak mo wïïrö bäät piny; ni kanymør ŋato wäro joot aani jaak a di nääö.»

Wïlöölö 4:14 Iomraidhean Croise

Wïlöölö 3:24

'Ba kar kanya ö Wuuö Jwøki na riem dhaanhø wøk, eni nyïïatwiet maal mo cwøl ni kirubël, ko opëëllö mo leebe liel ki maac, mo løøŋŋa ree ki kwöre bëët, acïp jï løø kur tuul-cäŋ ya ajïniinna en Ëden, kiper nee jöör jaath kwøw nee koorge.

Wïlöölö 4:13

Ni kö Keenni jï Wuuö Jwøk, na «Ajäla manøgø kee dwøŋ døc kiree kipera.

2 Camiel 14:7

'Ba ennø, jø paara bëët gena ö maal bääta, a na dhaanhnhï, ni köge, ni ‹Cïp wäädï mana 'näk coki nee 'näkwa na kwör coki na nääe. Waani, wäädï manøgø na lwiidhø enøgø, 'näkwa nääö.› 'Ba geni, ge raanynya wïïa mana no odööŋ, nee cwøra dööŋe ni bäŋ wïïe mo dööŋ bäät piny.»

Pwöc Leec Wïc 14:32

Ŋata raac wø ränynyö ki køør tïïe moe na reyø, 'ba ŋata mare beer kanyo thøøe, da kare mo di ŋäädhö mo cøøa yie.

Pwöc Leec Wïc 28:1

Ŋat raay wø böö jaak ni bäŋ ŋat mo oŋwiec køøre, 'ba ŋata mare beer cwïnye da cer ni caala ŋuu.

Aydheea 8:22

Køøre bäät piny oraŋge, ni tïme ni ge joota bëëtö mo leth ki muudhö ki lwøc mo di lwäärö; ni put geni køøl yi muudhö mo cøl døc.

Jeremaya 52:3

'Ba ka adïëri møn, ki køør gïïa reyø moa tïïc jø wø bëëdö Jerucalem ki dï Juuda bäre, Wuuö Jwøk awëër ki geni ni riem geni wøk nyïme. 'Ba Cëdëkiya agëëmö ki nyeny Babiløn.

Odheea 13:3

Kiper manøgønø, ge caala rwöc mar amöölla, ni ge caala thööy ni wø laar rwäänyö, ni ge caala lethø ni wø laar jamø køøl kar dïn beel, ni ge caala jïrö ni wø duny wøk ki dha awëërnyeŋ.

Ciik Kiper Dïlämme 26:17

Aani dëëtø neenø neenø ki uuni, ni ö nyïïmän mou ni böötge uuni. Jiy moa män ki uuni, uuno bëëdö tietge, ni bëëdu nou böö ni bäŋ ŋat mo oŋwiec køøru.

Ciik Kiper Dïlämme 26:36

« ‹'Ba jiy moo dööŋ ni kwøw dëëtu, cwïnyge kïtha kïthö ki lwär yïth ŋøøp nyïïmän moge, ni dwør bøøŋ jaath mo otuk jame ge puta bwøk ki gø, ni bëëtge ni ge rïïŋö ni bäŋ ŋat mo ŋwieya køørge, keda ge ŋwieya leny, ni putge päänhnhö.

Kwään Jiy 35:19

Ŋat wø cool kwör ki dëëre, dïnääy manøgø dee nääö; ni kany wø røømme yie ki gø jaak, dee nääö.

Kwään Jiy 35:21

wala ni näk mo dhaanhø män ki wati, ni gøøc gø ni cere ee miiø, ni thøw ŋatøce, ŋata gööyö enø doo nääö, kiper ena dïnääy. Ŋat wø cool kwör, dïnääy manøgø dee nääö kany wø røømge ki gø jaak.

Kwään Jiy 35:27

ni jooti ya ŋat wø cool kwör wøk, ni näk mo ŋat wø cool kwör ŋata näk ree da kwör ee nääö, eni bäŋ bääyö bääte.

Mathiew 25:41

«Kanyøgønø, eno köö jï jøw oen bäät caame, ni ‹Aayu buuta, u na näk ocienø; cou yi maaa näk bäŋ cuŋŋe kar ajäla, na näk ojiiŋŋø kiper anägö ki nyïïatwiete.

Mathiew 25:46

«Kanyøgø jøøgø geno ci kar ajäla mo bäŋ cuŋŋe, ni ö jøøa marge beer ni cige kar kwøw mana näk adïëri na bäŋ cuŋŋe.»

Tiet Ciik 28:64

«Wuuö Jwøk u di keethø dï wïth juurre moa en bäät piny bäre; ni tïmu nou lama juu møøk mo kuyu mo kuc kwäyu thuwø, ni beege jenni ki kïte mo otieŋø.

Tiet Ciik 28:65

'Ba u ba jïti ki jwöm dï wïth juurre moøgø, ni ba jïtu ki kany këët tietu piny yie kaace. Ni kanyo enu kaace, Wuuö Jwøk uuno tïïe ni cwïnynyu böö, ni tïïc nyeŋŋu ni can, ni tïïc u nou jägö døc.

2 Thecalönika 1:9

'Ba geno ränynyi ki ränynyö mo bäŋ cuŋŋe, ni riem ge wøk nyïm Kwäärö, ni ö teege na näk ree da ajiem ni ba jootge gø këët,