Wïlöölö 39:6 - Wëël Jwøk

⁶ Ni wii jape bëët cer Jocep, ni tïme ni bäŋ gïn lääŋŋe këët kiper jape, 'ba beeye gïr cam mare keere ni wø lääŋŋe. 'Ba Jocep beeye dhaanhø mo kïte wøp døc ni nëëni ni mïërö.

Wïlöölö 39:6 Iomraidhean Croise

Wïlöölö 29:17

Ni Liia beeye nyakøø mo nyeŋŋe therø, 'ba Reecal kïte mïërö ki dëëre bäre, këël täärnyïme.

Wïlöölö 39:23

Ni ö ŋata en øt twöci cere ni tïme ni bäŋ gïn lääŋŋe kiper gïïa en cer Jocep, kiper Wuuö Jwøk nutö buute, ni ö Wuuö Jwøki ni put tïïe moe bëët gwïëth.

Wïlöölö 39:4

Ni ö Jocepi ni jïte ki met ec baŋ kwääye, ni tïny gøøni; ni ö eni ni tïïc Jocep na kwäärö man wø raŋ jap paare bëët, ni cïp teek jïre bäät jap paare bëët.

Wïlöölö 39:8

'Ba Jocep akweer ni kööe jï cï kwääye, ni «Neenï, kawaane kwääya bäŋ gïn lääŋŋe kiper gïïa en paare bäre kiper aana ŋat tïïe, ni jape bëët ee wii cera.

Wïlöölö 43:32

Ni jiiŋge cam kipere keere, ni jiiŋge mar jøøgø kur keere, ni jiiŋge mar jø Ijep moo cämö ki eni ciel kur keere; kiper jø Ijep ba cämö ki cam ki jø Ibaru, kiper ki man cämge na aciel beeye gïn mo raac døc ki baŋ jø Ijep.

Pwöc Leec Wïc 31:11

Cwøre wø ŋäätha eni ki cwïnye bäre, ni bëëde ni ba can ki gïï mo perge leth.

Luk 16:10

«'Ba ŋat wø ŋääth ri jammi mo nøk, maar ka ŋääth thuwø ki jammi mo thööth. 'Ba ŋat wø ba ŋääth ri jammi mo nøk, ba maar ŋääth thuwø ki jammi mo thööth.

Luk 19:17

«Ni kööe jïgø, ni ‹Wøp døc, ï na laŋŋø mo beer. Kiper mana tïmï niï maar ka ŋääth ri gïna thiinh, mïëri apaar owëëk ïïni ni tïmge ni ena cerï.›

Moa Tïïc Nyïïatwieli 7:20

'Ba kaagø Modhe alwaarø ki gø, ni eni mïërö jï Jwøk. Ni bëëde köör menni ki dwäde adäk yi øt wänni.

1 Camiel 16:12

Kanyøgønø, Jeci ajäägö ki dhaanhø, ni ö wääde ma Deebit ni käli paac. 'Ba Deebit beeye nyen mo kïte mïërö mo dëëre pulli, ni nyeŋŋe tar. Kanyøgønø, Wuuö Jwøk aköö, ni «Ö maal, ni thiiï maaw wïïe; kiper beeye eni gø.»

1 Camiel 17:42

'Ba kanya ö nyï Pilitinni manøgø na lwïthe, eni Deebit ajoode, ni put Deebit taak døc; kiper kar kaagø, Deebit poot thiinh, ni dëëre pulli, ni nëëni ni kïte mïërö.