Wïlöölö 39:5 - Wëël Jwøk

⁵ 'Ba kanya tïïc eni na ŋat raŋ jape, ni cïp teek jïre bäät jap paare bëët, gwïëth Wuuö Jwøk aö bäät nyï Ijep manøgø ki køør Jocep, ni ö gwïëth Wuuö Jwøki ni en bäät japa en paare bëët ki moa en pwödhö.

Wïlöölö 39:5 Iomraidhean Croise

Wïlöölö 12:2

«Ïïno tïïa na wï jur mo dwøŋ, ni gwïëdha ïïni, ni tïŋa nyeŋŋï maal, ni jït jiyi ki gwïëth ki køørï.

Wïlöölö 19:29

'Ba kanya ö Jwøki na raany päänye moøge ki gøli moge, eni wïïe kär wïl ki Eeberam, ni käl Løøt wøk ki yi paana raanynyi na bëëde yie, ni raany gø ni Løøt tøør yie.

Wïlöölö 30:27

'Ba Leeban aköö jïgø, ni «Ni näk mo yiï met ki aani ennø, beerra man bëëdï buuta, kiper ajooda ni Wuuö Jwøk aana gwïëdhe ki køørï.»

Moa Tïïc Nyïïatwieli 27:24

Ni kööe, ni ‹Kärï lwäyö, Pøøl. Ïïni, ï cuŋŋö nyïm Cidhar. Ni Jwøk thuwø yie met ki ïïni ki man gwøk jøøi bëët ni en yi jääy ki ïïni na aciel en.›

Epeca 1:3

Pwøc en ri Jwøk na näk Wää Kwääyø ma Jecu Krictø, ŋata gwïëth øøni dëër Krictø, ki gwëëthe bëët mo Jwïëc Jwøk mo wø en maal,