Wïlöölö 39:3 - Wëël Jwøk

³ Ni jooti ya kwääye ni Wuuö Jwøk nutö buut Jocep, ni jammi bëët moa tïïe cäädhi ni beyø.

Wïlöölö 39:3 Iomraidhean Croise

Wïlöölö 21:20

'Ba Jwøk abëëdö ki nyilaal, ni døøŋŋe; ni bëëde dï paap, ni tïme na ŋat mo dwaar ŋääe ka atheerø.

Wïlöölö 21:22

'Ba kanya tïme na kar kaaca, Abimëlëk aöö ki Piköl ŋata näk kwääy lwaak mare, ni cääne ki Eeberam, ni kööe, ni «Jwøk ena buutï ki ri jammi bëët mo wø tïïyï.

Wïlöölö 21:23

'Ba ennø, beerra man kööŋï nyïma ki nyeŋ Jwøk, ki man ba tïïï ka atade dëëra, ki røk wääta këël røk nyïïkwaaya bëët; 'ba ki køør bäth ec mana nyoodha jïrï, bäth ec diï nyoodhø jïra thuwø, këël jï paan bëëdï yie ni ïïna wëëllö enø.»

Wïlöölö 26:24

Ni ö Wuuö Jwøki ni nyooth ree jïre yi wäänögø kiree, ni kööe, ni «Aana Jwø wäru ma Eeberam; kärï lwäyö, kiper a ena buutï. Ïïno gwïëdha, ni meeda nyïïkwaayï ni nyaacge ki køør dhaanhnha ma Eeberam.»

Wïlöölö 26:28

'Ba gena köö, na «Ajootwa møn ka adïëri ni Wuuö Jwøk ena buutï; ni beeye ni köwa ennø, ni beerra man kööŋø yïthakiyø ki ïïni, nee ø tuudø ki luubö ki ïïni,

Wïlöölö 30:27

'Ba Leeban aköö jïgø, ni «Ni näk mo yiï met ki aani ennø, beerra man bëëdï buuta, kiper ajooda ni Wuuö Jwøk aana gwïëdhe ki køørï.»

Wïlöölö 30:30

kiper dïkwøŋ nuta dïëk mo nøk keerge jïrï; 'ba kanya ööa, gena nyaay ni tïmge ni thööth, ni ö Wuuö Jwøki ni gwïëth ïïni ki køøra. ?'Ba ennø, aano luunynya tïïc yi wäne thuwø kiper paara?»

Wïlöölö 39:2

'Ba Wuuö Jwøk nut buut Jocep, ni ö Jocepi ni jïte ki bëëtö ma wøp. Ni tïme ni bëëdö øt kwääye na näk nyï Ijep.

Wïlöölö 39:21

'Ba Wuuö Jwøk nutö buut Jocep ni nyooth mëëye mo ba jøøl jïgø, ni tïïc gø na nyïïawäädi ki ŋata en øt twöci cere.

Wïlöölö 39:23

Ni ö ŋata en øt twöci cere ni tïme ni bäŋ gïn lääŋŋe kiper gïïa en cer Jocep, kiper Wuuö Jwøk nutö buute, ni ö Wuuö Jwøki ni put tïïe moe bëët gwïëth.

2 Nyeye 18:7

'Ba Wuuö Jwøk abëëdö ki eni, ni gïn wø tïïe cooth thura kare. Ni ö eni ni gëëme ki nyeny Aciria, ni kweere ki man tïny gø.

1 Luup Nyeye 22:13

'Ba jammi moo tïïyï othur karge jïrï ni näk mo ciik moa cïp Wuuö Jwøki jï Modhe kiper jø Icriel iï gwøø. Mak riï nø, ni bëëdï niï teek; ni ba bwøk cwïnyï ni ba lwäyï.

1 Luup Nyeye 9:20

'Ba kar kaaca Piniac wär Eliedhar jø wø koor dhøgi mo kal mar Øt Jwøk ena cere, ni ö Wuuö Jwøki ni bëëde ki eni.

2 Luup Nyeye 1:1

'Ba Cølöman o Deebit tier buc nyec mare aput këël piny ni teek, ni ö Wuuö Jwøki, Jwøk mare, ni bëëde ki eni, ni ö nyeŋŋe ni tïŋi ya Wuuö Jwøki maal døc.

2 Luup Nyeye 26:5

Ni put bëëte ni manynya Jwøk ki yïth nïne moa beet Dhekaraya, ŋata pwöny gø ki køør jammi moa nyooth Jwøki. 'Ba kanya bëëde ni eni manynya Wuuö Jwøk, jammi atïïc Jwøki jïre ni beyø.

Neemiya 2:20

'Ba aløøa jïge ni kööa, ni «Jwø maal tïïc marwa wëëge thur kare; kiper manøgø nø, wa na jiye, wa ööa maal ni putwa gëëdö møn. 'Ba uuni, bäŋ karu kany, ni bäŋ gïn mou cäänö kipere; uuni, bäŋ gïn mo ŋäc kiperu Jerucalem kany.»

Dut Pwøc 1:3

Eni caala jaath mo opiith deŋ naam, ni wø nyïïe ciek kany wø näk ma kare, ni bøøge moe ba när. Teeŋ ŋatøgø, gïï wø tïïe bëët thura karge.

Dhekaraya 8:23

Wuuö Jwøk, eni na wïth jammi bëët, aköö, ni «Yïth nïne moøgø, jiy apaar ki røk wïth juurre ki dhøgi bëët abïïn ŋat Juuth man nø omakge ni köge, ni ‹Beerra man aa ki uuni na aciel, kiper awïnywa ni Jwøk ena buutu.› »

Mathiew 5:16

Wär tayu wëëgu rieny na enø nø nyïm jiy, nee tïïe mou na beyø nee neenge, ni jiemge Wääu ni en maal.

1 Körin 16:2

Kany wø tïme na cäŋ Jwøk ki yïth juu bëët, ŋati man nø dïïu wäro lwöte ki gïrpiny ni kan gø, kaawat mano en jïre, kiper nee bäŋe jammi mo poot di cooŋø këët dïcäŋo ööa.

Tiet Ciik 2:7

Kiper Wuuö Jwøk na näk Jwøu uuna gwïëdhe ki yïth tïïe mou bëët moa tïïyu. Thääyö mana thääyu ki gø dï paabi ni dwøŋ en ŋääe. 'Ba ki yïth cwiiri moi na pïëraŋween ii, Wuuö Jwøk na näk Jwøu bëëdö ka uuni, ni uuni ki dëëtu bäŋ gïn mo you canø.

Jøcua 1:9

Ennø, a köömma ïïni. Mak riï ni bëëdï niï teek; ni ba bwøk cwïnyï ni ba lwäyï, kiper a na Wuuö Jwøk na näk Jwøk marï, a ena buutï kany wø ciï yie jaak.»

Mana Nyooth 3:9

'Ba jøø na jø øt acooŋ Ceethan yøø, ni beege jø wø köö ki tööt ni gena jø Juuth, ni ge path, geno tïïa nee öge ni këëlge cøŋge piny nyïmï, nee ŋäcge naa mëër ki ïïni.

1 Camiel 18:14

'Ba Deebit aput bëëtö ni jammi bëët tïïe na karge ni waŋe riek, kiper Wuuö Jwøk nut buute.

1 Camiel 18:28

'Ba kanya jooti Cøølli ni ŋäc gø ni Wuuö Jwøk nut buut Deebit, ni ŋääe thuwø ni nyaare ma Mikal mëër ki Deebit døc,

1 Camiel 3:19

Køøre Camiel adøøŋŋø ni Wuuö Jwøk nut buute, ni ö luupi bëët moa car Wuuö Jwøki jï Camiel ni thurge karge.