Wïlöölö 39:21 - Wëël Jwøk

²¹ 'Ba Wuuö Jwøk nutö buut Jocep ni nyooth mëëye mo ba jøøl jïgø, ni tïïc gø na nyïïawäädi ki ŋata en øt twöci cere.

Wïlöölö 39:21 Iomraidhean Croise

Wïlöölö 21:22

'Ba kanya tïme na kar kaaca, Abimëlëk aöö ki Piköl ŋata näk kwääy lwaak mare, ni cääne ki Eeberam, ni kööe, ni «Jwøk ena buutï ki ri jammi bëët mo wø tïïyï.

Wïlöölö 39:2

'Ba Wuuö Jwøk nut buut Jocep, ni ö Jocepi ni jïte ki bëëtö ma wøp. Ni tïme ni bëëdö øt kwääye na näk nyï Ijep.

Wïlöölö 39:3

Ni jooti ya kwääye ni Wuuö Jwøk nutö buut Jocep, ni jammi bëët moa tïïe cäädhi ni beyø.

Wïlöölö 39:4

Ni ö Jocepi ni jïte ki met ec baŋ kwääye, ni tïny gøøni; ni ö eni ni tïïc Jocep na kwäärö man wø raŋ jap paare bëët, ni cïp teek jïre bäät jap paare bëët.

Wïlöölö 40:3

ni ö eni ni leeŋ geni øt twöc yi øt kwääy jø leny, ni beeye øt twöc mana en Jocepi yie.

Bwøth Wøk 11:3

'Ba Wuuö Jwøki yïth jø Ijep atïïe ni met ki jø Icriel. Ni ö Modhe ni nëëne na dhaanhø mo kare dwøŋ yi ŋööm Ijep ki jï jø kööre mo Peerø ki jø Ijep bëët.

Bwøth Wøk 12:36

ni Wuuö Jwøk yïth jø Ijep ee nø tïïc ni met ki jø Icriel, ni ö gïïa pëëny jø Icrielli bëët ni cïpi ya jø Ijepi jïge, ni putge jø Ijep twier.

Bwøth Wøk 3:21

Ni tïïa jø Ijep na jiy mo yïthge met ki uuni; køøre kanyo tïme na kar wääth maru, u ba aay jaak ki ceŋŋu.

Pwöc Leec Wïc 16:7

Kany wø näk mo jïëth tïïe mo dhaanhø duua met ec jï Wuuö Jwøk, Wuuö Jwøk cïpö ki bëët-mëër, këël yïthakic dhaanhø ki nyïïmän moe.

Aydheea 41:10

Kärï lwäyö, kiper a nut buutï, ni ba bwøk cwïnyï, kiper aana Jwøk marï. Ï tïïa tïïö niï teek, ni kønya ïïni, ni jøla ïïni ki cer cwïïa ni wø tïïya adïëri.

Aydheea 43:2

Kany wø cäädhï yïth pïï, aano bëëdö naa nut buutï; ni kany wø cäädhï yïth näm, ï ba køøl pïïyi. Kany wø cørï yi maac, ï ba waaŋ, niï ba gut leep maaci.

Daniel 1:9

Kanyøgø Jwøk ŋata bëëdö na wïth jø kööre atïïe nee met ec mare ki mëër mare nyoodhe jï Daniel.

Daniel 6:22

Jwøk mara nyïïatwiel maal mare ajääŋŋe ni mec dhøk ŋuuwe, ni kärge dëëra mooø ki ŋwellø, kiper aana joot ni bäŋ gïn mo yaa baaø nyïme, ni bäŋ gïn mo raac mo yaa tïïö dëërï thuwø, ï na nyeya.»

Wëëlö Mana Göör Pøølli Baŋ Jø Röm 8:37

Jïre bäär. 'Ba ki yïth gïïögø bëët teeka øøni ki køør ŋata mëër ki øøni, ni bäŋ gïn mo maarge tïïc.

1 Piter 3:17

Kiper doo beerra eni ki man jwør gïï mo leth kiper tïïc mo beer ni näk mo beeye mana many Jwøki, ni kaala man jwør gïï mo leth kiper tïïc mo raac.