Wïlöölö 39:2 - Wëël Jwøk

² 'Ba Wuuö Jwøk nut buut Jocep, ni ö Jocepi ni jïte ki bëëtö ma wøp. Ni tïme ni bëëdö øt kwääye na näk nyï Ijep.

Wïlöölö 39:2 Iomraidhean Croise

Wïlöölö 21:20

'Ba Jwøk abëëdö ki nyilaal, ni døøŋŋe; ni bëëde dï paap, ni tïme na ŋat mo dwaar ŋääe ka atheerø.

Wïlöölö 21:22

'Ba kanya tïme na kar kaaca, Abimëlëk aöö ki Piköl ŋata näk kwääy lwaak mare, ni cääne ki Eeberam, ni kööe, ni «Jwøk ena buutï ki ri jammi bëët mo wø tïïyï.

Wïlöölö 26:24

Ni ö Wuuö Jwøki ni nyooth ree jïre yi wäänögø kiree, ni kööe, ni «Aana Jwø wäru ma Eeberam; kärï lwäyö, kiper a ena buutï. Ïïno gwïëdha, ni meeda nyïïkwaayï ni nyaacge ki køør dhaanhnha ma Eeberam.»

Wïlöölö 26:28

'Ba gena köö, na «Ajootwa møn ka adïëri ni Wuuö Jwøk ena buutï; ni beeye ni köwa ennø, ni beerra man kööŋø yïthakiyø ki ïïni, nee ø tuudø ki luubö ki ïïni,

Wïlöölö 28:15

Ni ennø, a ena buutï, ni kany oci yie jaak ï gwøa gwøø, ni duua ïïni yi ŋöömmi; kiper ï ba wiia këël mano tïïa gïna caana jïrï en.»

Wïlöölö 39:23

Ni ö ŋata en øt twöci cere ni tïme ni bäŋ gïn lääŋŋe kiper gïïa en cer Jocep, kiper Wuuö Jwøk nutö buute, ni ö Wuuö Jwøki ni put tïïe moe bëët gwïëth.

Wïlöölö 39:3

Ni jooti ya kwääye ni Wuuö Jwøk nutö buut Jocep, ni jammi bëët moa tïïe cäädhi ni beyø.

2 Nyeye 18:7

'Ba Wuuö Jwøk abëëdö ki eni, ni gïn wø tïïe cooth thura kare. Ni ö eni ni gëëme ki nyeny Aciria, ni kweere ki man tïny gø.

1 Luup Nyeye 9:20

'Ba kar kaaca Piniac wär Eliedhar jø wø koor dhøgi mo kal mar Øt Jwøk ena cere, ni ö Wuuö Jwøki ni bëëde ki eni.

2 Luup Nyeye 1:1

'Ba Cølöman o Deebit tier buc nyec mare aput këël piny ni teek, ni ö Wuuö Jwøki, Jwøk mare, ni bëëde ki eni, ni ö nyeŋŋe ni tïŋi ya Wuuö Jwøki maal døc.

Dut Pwøc 1:3

Eni caala jaath mo opiith deŋ naam, ni wø nyïïe ciek kany wø näk ma kare, ni bøøge moe ba när. Teeŋ ŋatøgø, gïï wø tïïe bëët thura karge.

Aydheea 41:10

Kärï lwäyö, kiper a nut buutï, ni ba bwøk cwïnyï, kiper aana Jwøk marï. Ï tïïa tïïö niï teek, ni kønya ïïni, ni jøla ïïni ki cer cwïïa ni wø tïïya adïëri.

Aydheea 43:2

Kany wø cäädhï yïth pïï, aano bëëdö naa nut buutï; ni kany wø cäädhï yïth näm, ï ba køøl pïïyi. Kany wø cørï yi maac, ï ba waaŋ, niï ba gut leep maaci.

Jeremaya 15:20

'Ba aani, ï tïïa tïïö kaamar kiir mo teek mo tïïc ka nywïënyö ma jwïël ki jï jøøgø. Ni këël ge doo këëdö ki ïïni, ï ba böötge, kiper a ena buutï naa peemma ïïni, ni käla ï wøk ceŋge.

Mathiew 1:23

ni «Nyakøø mo dëër dïcwøø poot kuue ojïti ki nyilaal ma cïïŋŋö; 'ba nyeŋŋe ocak ni Imanuwel», na näk tiere beeye ni «Jwøk ena buutø».

Moa Tïïc Nyïïatwieli 8:31

Ni kööe, ni «?Ŋääa gø kaa, ni näk bäŋ dhaanhø mo nyooth gø jïra?» Ni cwøl Pilip nee eth yi jääy buute.

1 Timöthi 6:1

'Ba jøø bëët ni bëëdö yi laŋ ni caal twöc enø, beerra man ŋäcge kwääri moge no orømø ki wödö ma wøp, kiper nee nyeŋ Jwøk ki pwöc moe bëët nee ba jøøŋŋi.

Jøcua 1:5

'Ba bäŋ dhaanhø mo maara lønyø jïre ki man cuŋŋe nyïmï kany wø näk ri leny ki yïth nïr kwøw moï bëët moo beetï. Aano bëëdö ki ïïni kaawat mana bëëda ki Modhe; ï ba leeŋa piny ni ba wiia ïïni.

Jøcua 1:9

Ennø, a köömma ïïni. Mak riï ni bëëdï niï teek; ni ba bwøk cwïnyï ni ba lwäyï, kiper a na Wuuö Jwøk na näk Jwøk marï, a ena buutï kany wø ciï yie jaak.»

Jøcua 6:27

'Ba Wuuö Jwøk aput bëëtö ki Jøcua, ni ö nyeŋ Jøcua ni put wïnynye yi ŋöömmögø bäre.

1 Camiel 16:18

'Ba aløk dhaanhe acielli dïge ni kööe, ni «Neenï, da o Jeci nyï Bethelem mo pwöt thoom-othïënhö ŋääe døc, ma dhaanhø mo teek mo cwïnye da cer, ma ŋat leny, mo waŋe riek ki luubö, ni beeye nyen mo kïte mïërö; 'ba Wuuö Jwøk nut buute.»

1 Camiel 18:14

'Ba Deebit aput bëëtö ni jammi bëët tïïe na karge ni waŋe riek, kiper Wuuö Jwøk nut buute.

1 Camiel 18:28

'Ba kanya jooti Cøølli ni ŋäc gø ni Wuuö Jwøk nut buut Deebit, ni ŋääe thuwø ni nyaare ma Mikal mëër ki Deebit døc,

1 Camiel 3:19

Køøre Camiel adøøŋŋø ni Wuuö Jwøk nut buute, ni ö luupi bëët moa car Wuuö Jwøki jï Camiel ni thurge karge.