Wïlöölö 38:26 - Wëël Jwøk

²⁶ Køøre Juuda japøge aŋiie ni kööe, «Mana tïïe enøgø atïmö ni theemma eni ki mara, kiper eni kära mëëk wääda ma Ceela.» Køøre Juuda kär ci baŋ gø këët.

Wïlöölö 38:26 Iomraidhean Croise

Wïlöölö 37:33

Ni ö eni ni ŋec gøøni, ni kööe, «Man beeye abïïn wääda. Ena nø cam lääyi mør mo owär. Jocep dëëre anø cööti na thäŋi møn.»

Wïlöölö 38:14

Køøre Tamar abïïk thøø akäl wøk dëëre, ni lwöte ka abïï mør ni uum gø dëëre. Køøre ena pï piny buut dhi kiir Enayim na en jöör Temna. Gïnögø atïïc Tamarri kiper ajoode ni Ceela anø døøŋŋø, ni eni kär mëëk Ceela nee dööŋe ki gø.

Wïlöölö 4:1

Køøre Adam aci baŋ cïïe ma Iip, ni jït yie ki dhaanhø ni nywøl Keen, ni kö Iipi, ni «Aana jïtö ki nyilaal ma dïcwøø ki baŋ Wuuö Jwøk.»

2 Camiel 16:22

Kanyøgønø, oduŋkaara aput maa piny jï Abëcëlöm wï øtø maal, ni ö Abëcëlömmi ni ci baŋ määr wänni ni buude ki geni ni nëënö jï jø Icriel bëët.

2 Camiel 20:3

Køøre nyeya ma Deebit apïï paare Jerucalem, ni lwør määre karge paari na näk ee wiiø nee paac koorge, ni tïïc ge nee ge koor, ni ge di caamø; 'ba nyeya kär ci baŋge na mään. Kanyøgønø, gena put bëëtö ni bäŋ dïcwøø mo ci baŋge këël mana päŋ nïr thuunhnhi moge, ni ge bëëdö kaamar määr thuunhnhi.

2 Camiel 24:17

'Ba kanya ö Deebiti na joot nyïïatwiel maal mana 'näk jiy, ena lämö jï Wuuö Jwøk ni kööe, ni «Ka adïëri møn, beeye aani na bääyö, na tïïc gïn mo raac. ?'Ba jiy moi ni caal rööm ii, agïnaŋø na baacge? Wui Wuuö Jwøk, beerra man tïm cerï ni ena dëëra ki jø dhi øt wära.»

Jööp 4:5

'Ba ennø, gïï mo leth aläw öö bäätï, ni put yiï ränynyö, ni pïïcge dëërï, ni put cwïnyï bwøk.

Jööp 40:5

Aani, aana nø cäännö yie aciel, 'ba a ba cäänni këët; këël na nø cääna ki luup mo thööth, bäŋ luubö mør mo caana këët.»

Edhikiel 16:52

'Ba ennø, wïïï lääe, kiper nyïïmeru atïïyï ni kede ge beyø. 'Ba kiper mana näk mo raay moï okadhø ni kaala moge, gena nëënö ni ge beyø ni kaala ïïni. Kiper manøgønø, wïïï lääe ni røm lään wïci marï dëërï, kiper nyïïmeru atïïyï ni kede ge beyø.

Abakuk 1:13

Ïïni, ï tøŋ, niï ba many man neenï gïn mo raac ki waŋï, ni ba løny ki man raŋŋï gïï wø tïïc ni reyø. ?Aperŋø ni neetï jø cwøk jaak en? ?Na aperŋø ni bëëdï niï lïïŋö jaak kany wø öge, ge na jø raay, ni wø thöörge jøøa näk theemma marge ni kaala geni?

Mathiew 3:8

'Ba ennø, bëëdu ki bëëtö man wø rømi ki løk cwïny,

Jøøn 8:9

'Ba na wïnyge luummögø, gena aay no oceele ceele, ni tägi ka jøøa døøŋŋø. Ni ö Jecu ni dööŋe keere ki dhaaŋŋøgø na cuŋŋö nyïme.

Wëëlö Mana Göör Pøølli Baŋ Jø Röm 13:12

Wäär anø pöödhö, ni cäŋ kare cään. Kiper manøgønø, beerra man wetø tïïe mo muudhö, ni røø kwöt nywïënyö mar tar.

Wëëlö Mana Göör Pøølli Baŋ Jø Röm 3:19

'Ba ŋääø ni gïn mo ocaan ciik Jwøki wø cäänna jøøa bëën ciik Jwøk, kiper nee bäŋe dhaanhø mo jaal dhee këët, nee jø piny bäre ba maarge köö ni mana many Jwøki kucge.

1 Camiel 24:17

Køøre Cøøl aköö jï Deebit, ni «Beerra marï ki mara; kiper ïïna tïïö ki gïn mo beer kipera. 'Ba aani, mana tïïa dëërï beeye gïn mo raac.

1 Camiel 24:18

'Ba anyoothï jïra dïcäŋi ki man näk miï bëëdö niï tïïya gïn mo beer kipera; këël na bëëde ni Wuuö Jwøk a ee cïp cerï, a kärï nääö.