Wïlöölö 38:24 - Wëël Jwøk

²⁴ 'Ba na tïme na køør dwäde adäk acaan jï Juuda, ni «Cï nyaarï ma Tamar ree atïïe kaamar kääbi, 'ba ki køør mana tïïe, eni kawaane yie da dhaanhø.» Køøre Juuda aköö, «Kälu eni wøk nee waaŋ.»

Wïlöölö 38:24 Iomraidhean Croise

Wïlöölö 20:3

'Ba Jwøk aö bäät Abimëlëk ki yïth lääk ki wäär, ni kööe jïgø, «Ennø, kee ïïna dhaanhø mo othøw kiree, kiper dhaaŋŋøgø na lwørï enøgø beeye dhaagø mo da cwøre.»

Wïlöölö 20:7

'Ba ennø, dwøk cï ŋatøgø jïre, kiper ena nyikuŋ Jwøk; køøre eno lämö kiperï kiper niï kwøwï. 'Ba ni näk nyaanøgø ba dwøgï, wär ŋäyï niï thøw møn, ïïni ki jø paarï bëët.»

Wïlöölö 20:9

Køøre Abimëlëk Eeberam acwøle, ni kööe jïgø, «?Aŋø, a teeŋ gïnaŋø na tïïyï dëëtwa en? ?A teeŋ bääyö mo nyïëdi na baaa dëërï en, ni putï kän bääta ki jø paara ki bääyö mo dwøŋ en? Ïïna tïïö dëëra ki gïn mo ba doo maar tïïc cøøn.»

Wïlöölö 34:31

'Ba Cimien ki Libay aköö, na «?Aŋø, cöökwa doo tïïc Cekammi kaamar dhaagø ma kääbi jaak cøøn?»

Wïlöölö 38:23

Ni løgi ya Juuda jïre, ni «Beerra man bëët jammi moøgø na moe nø, kiper nee jiy ba ŋeethge bäätø. Neenï, kawaane nyidieri ajääŋŋa baŋe, 'ba eni kärï joodø.»

2 Camiel 12:5

Køøre Deebit aput wëër døc ki gïr ŋatøgø, ni kööe jï Nathan, ni «Ŋëët Wuuö Jwøk kiree, ka adïëri møn, ŋata tïïc gïnögø enø, rømi ka 'näk.

2 Camiel 12:7

'Ba Nathan aköö jï Deebit, ni «Beeye ï ŋateca. Man beeye dwør Wuuö Jwøk, Jwø Icriel, ena köö, ni ‹Beeye aani na tïïc ïïni nee wïïï thïïmmi ki maaw naa røønya ïïni na nyeya mar jø Icriel, ni beeye aani na piem ïïni cer Cøøl.

Luup Dïpööy 7:26

'Ba gïn mør ma ajooda mo di jwørø ni leth døc ni kaala thøø, beeye dhaagø mo cwïnye da acaare mo reyø mo caala abëëbe ka ajääpi, mo ceŋŋe bëëdö ni caala tiimme. Ŋat mo bëëtö mare beer ki nyïm Jwøk bøth cer teeŋ dhaagø manøgø. 'Ba ŋat ma ŋat raay tuude tuudö.

Jeremaya 2:20

«Ïïni, ki kany mo bäär ïïna kweer ki man bëënnï aani, a na Wuuö Jwøk, ni kweerï ki man jïëyï ciik 'moa; ni kööï, ni ‹Ï ba daa tïnynyö.› 'Ba ïïni, ïïna bëëdö na kääbi kanya wøørï juu møøk kwör lam moa en bäät thuuri moa bäyö, ki tiet jenni moa no onigïït piny bëët.

Jeremaya 3:1

'Ba Wuuö Jwøk aköö, «?Ni näk mo dhaanhø cïïe ee kwierø, ni ö dhaaŋŋøgø ni aae, ni ci jï dhaanhø mør, dïcwøønnøgø doo cäŋa døø baŋ dhaaŋŋøgø? ?Aŋø, ŋöömmo tïïc teeŋ gïnögø yie ba raanynyi na bäre bäre? 'Ba ï na Icriel, ï bëëdö kaamar kääbi ni wø mëër ki cwøw mo thööth. ?A ennø, ï doo duua baŋa?

Jeremaya 3:6

'Ba ki yïth nïra beet nyeya ma Jöcaya, Wuuö Jwøk acäänö ki aani, a na Jeremaya, ni kööe, ni «?Gïna tïïc Icrielli na caal dhaagø mo cwïnye ogaa wøk ajootï? Ena ci kwör lam moa en bäät thuuri moa bäyö ki tiet jenni moa no onigïït piny bëët, ni bëëde ni tïïya tïï käp kwöreke.

Jeremaya 3:8

'Ba ki køør bëët käp mar Icriel, eni na caal dhaagø mo cwïnye ogaa wøk, ena riemma, kaawat man wø ö dhaanhe wø göön cïïe ki wëël apääk; 'ba ajooda ni coki ma Juuda na raac kär lwäyö, ni ö eni thuwø ni bëëde ni tïïya tïï käp.

Edhikiel 16:15

« ‹'Ba ïïna tïmö niï ŋäätha mïërö marï, ni tïïyï wïny nyeŋ marï ni beeye jöö man gathï dëërï ki gø ki käp. Ïïna tïmö ni marï buut ki ŋat wø ö baŋï jaak, ni tïm mïërö marï ni beeye kiper käp.

Edhikiel 16:25

Yïth agääk jïëthe bëët agëënnï ki kwör lam mo juuga reyø kiper dëërï; ni døøyï mïërö marï rääö; niï bëëdö ni tietï iï peerø jï cwøw bëët mo wø cur buutï niï kaatha käp marï.

Edhikiel 16:26

Ïïna käbö thuwø ki jø paac mana kïïï ki gø, ni beege jø Ijep mo wø mëër ki niine, ni putï käp marï kaath niï tïïya aani naa goota.

Edhikiel 16:28

Ïïna käbö thuwø ki jø Aciria kiper iï kär thum; køør manøgø ïïna put bëëtö niï käbö jaak ki geni ni iï poot ba thum.

Edhikiel 16:41

Uudi moï owaaŋge ki maac, ni jäälge ïïni ni nëënö nyïm mään mo thööth. Aani käp marï tïïa tïïö nee ŋuude, ni tïmï niï ba cïpï ki jammi këët jï omëërri moï.

Edhikiel 23:19

'Ba ena cäŋ bëëtö ni käp mare poot kaadhe kaadhø jaak, ni paaya wïïe ki nïr thïnhö moe kanya bëëde ni käbö Ijep.

Edhikiel 23:44

Køøre gena put butö ki gø møn kaawat man wø butö ki dhaagø ma kääbi. Køøre gena put butö ki mään moøgø bëët na kääpe yøø, ni beege Ööla ko Ööliba.

Edhikiel 23:5

«'Ba Ööla ena cäŋ bëëtö ni gatha dëëre ki käp kanya nø tïme na cïïa, ni eni bëëdö ni rïïŋö køør omëërri moe, ni beege jø leny mo jø Aciria,

Odheea 2:5

Kiper miige bëëdö ni gatha dëëre, ni eni jayi ka jöö mo määnö. Kiper ena köö, na ‹A cäädhö køør omëërri 'moa, ni wø cïp cam jïra, ki pïï, ka abïï ma cuup, ka abïï ma lïïna, ki maaw, ki gïn maadha.›

Odheea 3:3

Køøre ena cäänna ni kööa, ni «Bëëdï ki aani nø ki nïne mo thööth, ni ba gathï dëërï, ni ba ciï baŋ dïcwøø mør këët ki man butï ki gø, ni ba butï ki aani thuwø.»

Odheea 4:15

«Wui, ï na Icriel, këël na bëëdï niï tïïya tïï käp, Juuda kär näk cäŋa bääyö. Ni ba cou Gëlgela, wala maru ci maal Bëëth-Awëën, nou kööŋ, ni ‹Ŋëët Jwøa kwøw!›

Ciik Kiper Dïlämme 20:10

« ‹Ni näk mo da dhaanhø mo kännö ki luk ki cï dhaanhø mør, eni na kännö ki luk enø, ki dhaagø manøgø, ka adïëri møn ge wär put 'näk.

Ciik Kiper Dïlämme 21:9

« ‹Nyi dïlämi thuwø, ni näk mo ree ee päädö ki køør tïï käp, eni pääta wänni; eni wär waaŋ ki maac.

Wëëlö Mana Göör Pøølli Baŋ Jø Röm 14:22

'Ba ŋäädhe marï wiiï yïthakiyu ki Jwøk. Gwïëth en jï ŋat wø bäŋ gïn jääl dëëre kiper gø kiper gïn wø jïëe.

Tiet Ciik 24:16

«Wëëe ba doo nääö kiper gïïa tïïc obwöre moge, no obwöre ba doo nääö kiper gïïa tïïc wëëkge. 'Ba ŋati man nø doo thøw ni thuunhnha raaye keere.

Pïëmme 19:2

'Ba dhaaŋŋøgø na akwanya enø, awëër ki nyenøgø, ni put aay ni døø po wänni yi Bethelem na en Juuda, ni put bëëtö kaace ki dwäde aŋween.