Wïlöölö 38:14 - Wëël Jwøk

¹⁴ Køøre Tamar abïïk thøø akäl wøk dëëre, ni lwöte ka abïï mør ni uum gø dëëre. Køøre ena pï piny buut dhi kiir Enayim na en jöör Temna. Gïnögø atïïc Tamarri kiper ajoode ni Ceela anø døøŋŋø, ni eni kär mëëk Ceela nee dööŋe ki gø.

Wïlöölö 38:14 Iomraidhean Croise

Wïlöölö 24:65

Ni pëëny ŋat tïïc mar Eeberam, ni kööe, na «?Aŋa ni cäänhnhi ice dï pwöla ni ö kun røømme ki øøni?» Ni kö ŋat tïïci, ni «Beeye kwääya.» Kanyøgø Rebëëka abïï mare alwøre ni loop wïïe ni bøøny dëëre bäre.

Wïlöölö 38:15

'Ba kanya jooti ya Juuda, ki jïre ni beeye dhaagø ma kääbi, kiper mana näk täärnyïme ee uumö.

Wïlöölö 38:19

Køøre Tamar aö maal ni aae, ni käl abïïne wøk dëëre ni dwøk abïïk thøø dëëre.

Wïlöölö 38:26

Køøre Juuda japøge aŋiie ni kööe, «Mana tïïe enøgø atïmö ni theemma eni ki mara, kiper eni kära mëëk wääda ma Ceela.» Køøre Juuda kär ci baŋ gø këët.

Pwöc Leec Wïc 7:10

Ni jooda dhaagø ni öö ni røømme ki eni, ni eno ruyö ka abïïk käp, ni cwïnye päŋ ki cwøk,

Pwöc Leec Wïc 7:12

Ennø, bëëdö øtjöö, ni ki kany mo thiinh eni ena thwørø, ni ree wø di kaannø yïth agääk jïëthe ni kurö.

Jeremaya 3:2

Tïŋ wïïï maal, ni raŋï kwör lam moa en bäät thuuri moa leer yøøke. ?Aŋø, a kaa na kärï tïïö yie ki tïï käp? Ïïna bëëdö kaamar dhaagø mo opï piny thääŋ jöö ni koora cwøw, ni bëëdï kaamar ŋat paap mo omøør piny nee jiy twiere. Paac araanynyï ki køør käp ki rääö marï.

Edhikiel 16:25

Yïth agääk jïëthe bëët agëënnï ki kwör lam mo juuga reyø kiper dëërï; ni døøyï mïërö marï rääö; niï bëëdö ni tietï iï peerø jï cwøw bëët mo wø cur buutï niï kaatha käp marï.