Wïlöölö 38:10 - Wëël Jwøk

¹⁰ 'Ba gïna tïïe beeye gïn mo raac ki nyïm Wuuö Jwøk; køøre ena wëëk Wuuö Jwøki thøø thuwø.

Wïlöölö 38:10 Iomraidhean Croise

Wïlöölö 46:12

Ni nyeŋ wäät Juuda beege Er, ki Önan, ki Ceela, ki Peereth, ki Dheera. 'Ba Er ki Önan, gena thøw yi ŋööm Keenan. 'Ba wäät Peereth beege Eedharan, ki Amul.

2 Camiel 11:27

'Ba kanya thum nïr kïmmö, Deebit ajääk baŋe ni käl gø paare, ni put tïmö na cïïe. Køøre dhaagø manøgø alwaar ki dhaanhø ma dïcwøø ni beeye nyilaal mar Deebit. 'Ba gïna tïïc Deebiti beeye gïn mo nëëni ni raac døc ki jï Wuuö Jwøk.

1 Nyeye 17:20

Køøre Wuuö Jwøk apëënynye ni kööe, «?Wui, Wuuö Jwøk, ï na Jwøk mara, aŋø, bee ïïni na käl gïn ni leth en dëër nyijøøi na cï thøø ni bëëda buute en, ni tïïyï wääde nee thøøe?»

1 Luup Nyeye 2:3

Ni ö wäät Juuda ni näkge beege Er, ki Önan, ki Ceela. 'Ba wäät Juuda moø na adäk yøø nywøle ka cïïe ma nyi jø Keenan mo nyeŋŋe Bath-Cëwa. 'Ba Er na näk kany Juuda, ena ŋat raay ki nyïm Wuuö Jwøk; køøre ena wëëk Wuuö Jwøki thøø.

1 Luup Nyeye 21:7

'Ba luubö manøgø mar kwaan jiy atïmö ni raac ki jï Jwøk, ni ö Jwøki ni jääl jø Icriel.

Pwöc Leec Wïc 14:32

Ŋata raac wø ränynyö ki køør tïïe moe na reyø, 'ba ŋata mare beer kanyo thøøe, da kare mo di ŋäädhö mo cøøa yie.

Pwöc Leec Wïc 24:18

nee gïna tïïyï ba tïme ni raac jï Wuuö Jwøk noo neen gø, ni paany wëër mare bäät ŋatøgø.

Jeremaya 44:4

'Ba aana bëëdö ni jiya ma nyïïkuk Jwøk bëët jääŋŋa jääŋŋö baŋu cooth, naa köö, ni ‹Gïn ni raac yia ki gø døc enø, na mäna ki gø, kär tïïyu.›

Agëë 1:13

Køøre Agëë, na jääŋ Wuuö Jwøki, dwør Wuuö Jwøk man acaane jï jiy na ennø nø, ni «Wuuö Jwøk aköö, ni ‹Aani, a bëëdö ka uuni.› »

Kwään Jiy 11:1

Kar kaagø jiy atïmö ni ge dwaallø kiper teek bëëtö. 'Ba na wïnynyi ya Wuuö Jwøki, ena wëër; ni ö maaci mar Wuuö Jwøk ni liele dïge, ni waaŋ løøk mør deŋ twïër.

Kwään Jiy 22:34

Køøre Beelam aköö jï nyïïatwiel maal mar Wuuö Jwøk, ni «Aana bääyö, kiper kuua niï cuŋŋa øtjöö niï mäna aani ki wääth. Kiper manøgø nø, ni näk mo ï ba many gø naa pöödha, aano døøk nø.»

Kwään Jiy 26:19

'Ba wäät Juuda moa dïkwøŋ na thøø yi ŋööm Keenan beege Er ki Önan.

1 Camiel 2:25

Ni näk mo dhaanhø bääya dëër dhaanhø mør, Jwøk beeye noo tïmö na dïthääy yïthakicge. ?'Ba ni näk dhaanhø bääya dëër Wuuö Jwøk, aŋa noo tïme na dïthääy jïge?» 'Ba wäät Ëli dwør wääge kärge kam leŋ na bäre, kiper Wuuö Jwøk oløny ni manynya geni nee ge nääe.