Wïlöölö 38:1 - Wëël Jwøk

¹ Kanyøgøøni Juuda buut uutwänni ki nyïïmenni awiie ni aae ni gaa buut nyen mør mo nyeŋŋe cwøl ni Ëra ma nyï Adulam.

Wïlöölö 38:1 Iomraidhean Croise

Wïlöölö 38:12

'Ba kanya tïme na køør cwiiri møøk, cï Juuda nyi Cëwa athøw. 'Ba kanya nø løny Juuda ki cøm cwïny, eni ki nyawatge ma Ëra nyï Adulam gena ci baŋ jø wø nyaar jïëc dïëk moe yi Temna.

Wïlöölö 38:20

'Ba na ö Juuda na jääŋ nyidiel ki nyawatge ma nyï Adulam kiper nee dïgïti moa cïbe lwøre baŋ dhaaŋŋøce, nyawatge dhaaŋŋøgø käre joodø.

2 Camiel 23:13

'Ba da jø leny adäk møøk røk jø leny moa näk pïëradäk na perge leth. 'Ba jø leny moøgø na adäk yøø, gena ci baŋ Deebit yi øt kïdi mana en ya Adulam kanya tïme na kar kac ki beel. 'Ba kar kaagø, jø leny mo jø Pilitin twïër marge ege tïïö yi Goor Rapayim.

2 Nyeye 4:8

'Ba dïcäŋ aciel, Ilaaca aci Cunem. 'Ba kanya cøøe, da nyijø mo okwär maa joode kaace. Køøre ena kwac nyijøøgø nee cäme; ni cäme. Ni put tïmö ni kany wø cør Cunem jaak, eni puta gaa kaace wø cäme yie.

Pwöc Leec Wïc 13:20

Ŋat wø cäädhi ki jøøa wïthge leer, wïïe tïmö ni leer, 'ba nyawat jøøa wïthge känni wø joota gïï mo reyø.

Pwöc Leec Wïc 9:6

Wec bëët thïnh acaara, niï bëëdï niï kwøw, ni cäädhï øtjöör ŋäc tiet luup.»

Mikiya 1:15

Maya thuwø, u jø Marëca, aani, a känna baŋu ki jiy mo maya pou, ni ö dïbwöthe moa døøŋŋø mo jø Icriel ni kange rege yi øt kïdi mana en ya Adulam.

Jøcua 12:15

ki nyeny Libana, ki nyeny Adulam,

Jøcua 15:35

ki Jërmut, ka Adulam, ki Cökö, ka Adhëka,

Pïëmme 4:18

Køøre Jaël aci wøk nee røømge ki Cicara, ni ko Jaëlli jï Cicara, ni «Gääï, kwäärö, gää baŋa; kärï lwäyö.» Ni ö Cicara ni put gaa baŋe yo oduŋkaara, ni ö Jaël ni rïëp Cicara ka abïï rïëp.

1 Camiel 22:1

Kanyøgønø, Deebit aput tïŋŋö ki Gëth ni päär wøk ni put ci yi øt kïdi mana en ya Adulam; 'ba kanya ö nyïïmenni ki tuuŋge bëët moa en poge na wïnyge gø, gena put ci baŋe kunece.