Wïlöölö 37:9 - Wëël Jwøk

⁹ Køøre ena cäŋ lägö ki lääk mør, ni par gø jï uutwänni, ni kööe, «Aani nø, aana cäŋ lägö ki lääk mør. Kanya läga nëëni kere cäŋ ki dwääy ki ceer apaar kurciel wïthge ege kuul piny nyïma.»

Wïlöölö 37:9 Iomraidhean Croise

Wïlöölö 20:3

'Ba Jwøk aö bäät Abimëlëk ki yïth lääk ki wäär, ni kööe jïgø, «Ennø, kee ïïna dhaanhø mo othøw kiree, kiper dhaaŋŋøgø na lwørï enøgø beeye dhaagø mo da cwøre.»

Wïlöölö 37:10

'Ba na par gø jï uutwänni ki wänni, ena jook wänni ni kööe, «?A teeŋ lääga ŋø na lägï yøø? ?Aŋø, beeye aani møn ki meru ki uutwäru no ööi no kuul wïthge piny nyïmï?»

Wïlöölö 37:7

Kanya läga nëëni kere øøni nø, ø ena yi pwödhö ni ø töö ka acook abäy, ni ö acooŋa mara ni cuŋŋe, ni ö mou ni cooŋge rege lak mara ni kuulge wïthge piny nyïm acooŋ abäy mara.»

Wïlöölö 37:8

Køøre uutwänni aköö jïre, «?Aŋø, riï cuumï cuumö bäätwa? ?Aŋø, ï tïmö møn ni ïïna kwäärö bäätwa?» Køøre män marge ki eni akadhø døc kiper luup moa caane kiper lääk moe.

Wïlöölö 41:25

Køøre Jocep aköö jï Peerø, «Lääk mo Peerø beeye lääk aciel. Jwøk nyuunhnha Peerø ki gïno tïïe.

Wïlöölö 41:32

Ni lääk manøgøøni aö baŋ Peerø kwöre ariiø, kiper gïnögø onø ŋøl Jwøki piny, 'ba otïïc Jwøki møn ki kany mo cään.

Wïlöölö 42:6

'Ba Jocep beeye ŋata näk kwäärö Ijep, ni bee eni na en ŋïëwi cere mo beel kiper jø mïëri bëët. Kanyøgø uutwänni aö baŋe ni kuulge wïthge piny nyïme ni määthge gø.

Wïlöölö 43:26

Kanya ö Jocepi paayø, geni muuce moa kälge jïre akälge baŋe paac, ni kuulge wïthge piny nyïme ni määthge gø.

Wïlöölö 43:28

Ni köge jïre, «Laŋŋï ma wääwa dëëre jööt; eni poot kwøw.» Ni kuulge wïthge piny nyïme ni wøørge gø.

Wïlöölö 44:14

'Ba na pïïc Juuda ki uutwänni yi øt Jocep, Jocep ki dëëre poot nutö kaace, ni ö geni ni päthge piny nyïme.

Wïlöölö 44:19

Ï na kwäärö, waani na laaŋe moï, waana pëënynyï ni kööï, ni ‹?Jïïu da wääu, wala owääu?›

Wïlöölö 45:9

«Ennø, laaru ci baŋ wära ni caannu gø jïre, ni ‹Wäädï ma Jocep aköö, ni «Aana tïïc Jwøki na kwäärö yi Ijep bäre. Ö baŋa pööthi. Kärï ruu.

Wïlöölö 46:29

Kanyøgøøni Jocep jääne ni wø tut okwëënyi ajiiŋŋe ni ci kuna røømge ki wänni ma Icriel yi Göcën; 'ba kanya pïïe buute, wänni agääme ki ŋut gø ni jwöŋe ki kany mo bäär mëëth.

Wïlöölö 47:12

Ni ö Jocepi ni gwøk wänni ki uutwänni ki jic wänni bëët, ni mooc geni ki cam mo orømø kiperge ki nyïïge bëët.

Daniel 8:10

Ena døøŋŋø këël mana put këët ri lwaa gïïa en maal, ni ö lwaa gïïa en maalli møøk ki ceer møøk ni leeŋ ge piny ni nyør ge.

Kwään Jiy 12:6

Ni kö Wuuö Jwøki, ni «Wïnynyu luupa ii. Kany wø näk da nyikuŋ Jwøk dïïu, a na Wuuö Jwøk raa wø nyoodha nyoodhø jïre ki ri lääk, ni cääna ki eni ki yïth lääk.

Pilipay 2:15

kiper nee bäŋe ajäla mo ö dëëtu, ni bëëtö maru beer, ni uuna nyïï Jwøk mo bäŋ gïn mo jøøŋŋi ri bëëtö maru, kany bëëdu dï jøøi ni reyø ni wïthge teek ni en piny en, jøøo rienynyu dïge keda ceer ni wø meeny piny,