Wïlöölö 37:8 - Wëël Jwøk

⁸ Køøre uutwänni aköö jïre, «?Aŋø, riï cuumï cuumö bäätwa? ?Aŋø, ï tïmö møn ni ïïna kwäärö bäätwa?» Køøre män marge ki eni akadhø døc kiper luup moa caane kiper lääk moe.

Wïlöölö 37:8 Iomraidhean Croise

Wïlöölö 27:41

Køøre Icøø cwïnye ajïtö ki gïn mo raac ki Jeekap kiper gwïëth mana joode baŋ wänni; ni ö Icøø ni cääne ki cwïnye keere, ni kööe, ni «Nïr kïmmö kiper thøw wära kare aløny ni cään; kar kaaca nø, coka ma Jeekap onääa.»

Wïlöölö 37:4

'Ba na jooti ya uutwänni ni wääge mëër ki eni ni kaala geni, gena männö ki gø døc, ni bëëtge ni ge ba cäänö ki gø ki met ec.

Wïlöölö 37:9

Køøre ena cäŋ lägö ki lääk mør, ni par gø jï uutwänni, ni kööe, «Aani nø, aana cäŋ lägö ki lääk mør. Kanya läga nëëni kere cäŋ ki dwääy ki ceer apaar kurciel wïthge ege kuul piny nyïma.»

Wïlöölö 42:10

Ni løkge gø jïre, «Jïwa bäyö, Kwäärö; wa na laaŋe moï, waana ö kany kiper ŋïëw ki beel.

Wïlöölö 44:18

Køøre Juuda anyiik buut Jocep, ni kööe, «Wui, kwäärö, a kwaya ïïni, wec aani na näk laŋŋï nee dwøra caana jïrï, ni ba gootï ki aani, kiper ïïni ï caala Peerø ki dëëre.

Wïlöölö 49:26

Gwïëth mo wäru bëëdö ni teeka geni ki kïte moa kwøŋ bëëtö cøøn, ni kaala thuuri mo wø bëëdö na bäre bäre. Beerra man bëët gwïëthi moøgø bäät Jocep, ni tïmge ni ena bääte, eni na näk dwøŋŋa kare ki uutwänni.

Wïlöölö 50:18

Køøre uutwänni aöö ni leeŋge dëëtge piny nyïme ni köge, «Neenï, kawaane waana laagï.»

Bwøth Wøk 2:14

'Ba ŋatøgø aköö, na «?Aŋa na tïïc ïïni na wïthwa na dïŋut luup bäätwa? ?Aŋø, ï manynya gø naa 'nägï, kaamar nyï Ijep mana 'nägï?» Køøre Modhe alwäyö, ni kööe, ni «Ka adïëri møn, gïnögø aløny ni ŋäc.»

Luk 19:14

«'Ba jø poge män ki gø, ni jääkge køøre ki dhaanhø, ni köge, ni ‹Wa ba many nyenøgø nee tïme na nyeya powa.›

Luk 20:17

Ni raŋ jïge, ni kööe, na «?A luummi no ogöörö na ennø en, tiere agïnaŋø? «ni ‹Kïdi mana kwier dïgëëte, atïmö na kïn gøøt mana pere letha eni na mak øtø.›

Moa Tïïc Nyïïatwieli 7:35

«'Ba Modhe manøgø na kwøŋ jø Icrielli kwier, na köge ki eni, ni ‹?Ïïno tïïya ŋa na kwäärö wala dïŋut luup bäätwa?› beeye na jääŋ Jwøki na kwäärö ni näk pïëmi, ki køør nyïïatwiel maal mana nyooth dëëre jïgø ya abuŋŋö.

Tiet Ciik 33:16

Ni jït ŋøømmi ki gïï mo beyø ni røm ŋöömö bäre; ni ö met yi Wuuö Jwøk na nyooth ree ki dï abuŋŋö ni tïme ni nutö kiperge. Beerra man thur gïïögø bëët karge jï jø tuuŋ Jocep, ge na kwarge ma Jocep bëëdö ni dwøŋŋa kare dï uutwänni.

Ibaru 10:29

?'Ba a teeŋ rääc ajäla mo nyïëdi nø, na caarru noo rømi ki ŋat mo O Jwøk ee raanynyø, ni käre rem luumma tuut wøørø, mana tïïc eni ni ena kur keere, ni jøøŋ Jwïëc Jwøk ni wø cïp met ec?

1 Camiel 10:27

'Ba jø møøk mo wïthge reyø aköö, «?Aŋø, nyenøgø jøw piem gø nidïï?» Ni putge Cøøl taak, ni kärge cïpö jïgø ki muuce. 'Ba Cøøl alïŋö jaak.

1 Camiel 17:28

'Ba Eliap, cöök Deebit mana dwøŋ, luup moa car Deebiti ki jø leny awïnynye, ni ö Eliapi ni put wëër døc ki Deebit, ni kööe, ni «?Ï öömï ŋø kany? ?Aŋø, dïëk moa thenh ni wø kwaayï dï paap, iï wiia baŋ ŋa? Aani, atöör marï ki gïïö ni reyø ni caarï ki cwïnyï yøø ŋääa; niï ööï kaper nee leny raŋï.»

1 Camiel 18:8

Køøre Cøøl awëër døc, kiper yie atïmö ni raac ki duut manøgø, ni kööe, ni «Beege kume mo thööth døc na caange no onäk Deebiti; 'ba beege kume keerge jaak na caange ni yaa nääö. ?Aŋø, agïnaŋø na dööŋ ni käre joodø? ?Paa nyec keere nø?»