Wïlöölö 37:29 - Wëël Jwøk

²⁹ Kanyøgøøni na duu Rubenni na neen Jocep ni tøør yi buur, abïïge ajeeye.

Wïlöölö 37:29 Iomraidhean Croise

Wïlöölö 34:13

'Ba adwøk wäät Jeekapi ki cwøk jï Cekam ki wänni ma Eemör, kiper mana ö Cekammi na raany cokge ma Dina.

Wïlöölö 37:34

Køøre Jeekap abïïge ajeeye, ni kïth dëëre ki keeca, ni kïmme kiper wääde ki nïne mo thööth.

Wïlöölö 44:13

Køøre abïïe moge aputge jeeyø, ni ö ŋati man nø ni kïth opïr mare bäät arëëne ni døøge pääny.

2 Camiel 1:11

Køøre Deebit abïïe moe na en dëëre aput jeeyø ki pänh cwïny, ni ö jiyi moa en buute kaagø ni putge abïïe moge jeeyø thuwø.

2 Camiel 13:19

Køøre Tamar tør ajøøp wïïe, ni ö abïïne na näk ee røø dëëre ni jeec gø ki pänh cwïny, ni kwaa ceŋŋe wïïe ni aae, ni cäädhi ni göö ko oduuru.

2 Nyeye 11:14

'Ba na lwïthe, ka adïëri møn, nyeya mana nyään aput joot ni cuŋŋö buut gïna näk caala dïkweeri mana en dhi Øt Jwøk, ki køør kööŋŋö marge, ni kwääc lwaae ki jø wø kooth tuŋi ena deŋŋe; ni jø paac bëët yïthge omïnnö ni ge kudhö ki tuŋi. Køøre Athaliya abïï mare aput jeec ki pänh cwïny, ni jwöŋe, ni «Wui, maru ageem öy! Maru ageem öy!»

2 Nyeye 19:1

'Ba kanya ö Edhekaya na wïny gïnögø, eni abïïe moe aput jeeyø ki pänh cwïny, ni dwøl keeca dëëre, ni døny yi Øt Wuuö Jwøk.

2 Nyeye 5:7

'Ba kanya ö nyeny Icrielli na kwaan wëëlö, abïïe moe aput jeeyø ki pänh cwïny, ni kööe, na «?Aŋø, aana Jwøk? ?Løny jïra ki man nääa dhaanhø ni cäŋa gø tïïyö nee kwøe, na ö nyeni na jääŋ baŋa ki dwøl nee dhaanhø mo dëëre da dhøøbø dwøga kare en? Neennu, nyenøgø kämö.»

Jööp 1:20

Kanyøgø Jööp aput ö maal ni jeeya abïïne, ni gwäär jïëye wøk. Køøre Jööp dëëre aleeŋ piny yïth ŋøøm, ni wøør Jwøk,

Jeremaya 36:24

'Ba nyeya ki jø kööre moe bëët moa wïny luupögø bëët ge kär lwäyö, na abïïe moge kärge jeeyø.

Jool 2:13

Tïmu nou cööta cwïnynyu ki kïmmö, ni patha abïïe mou.» Ennø, duu baŋ Wuuö Jwøk, Jwøk maru, kiper eni yie met, ni mëër ki jiy, ni bäŋ wø laar wëër, ni mëër mare ni wø ba jøøl päl, ni cwïnye wø di warø ki gïn mo leth.

Kwään Jiy 14:6

Ni ö Jøcua o Nun ki Kalëp o Jöpöni, na en dëët jøøa liew ŋøøm, ni jeecge abïïe moge ki gootø.

Moa Tïïc Nyïïatwieli 14:14

'Ba gïnögø na wïnynyi ya Barnaba ki Pøøl, ge na näk nyïïatwieli, abïïkge ajeecge ni reŋge dï lwaak, ni ge rëëdö,

Pïëmme 11:35

'Ba kanya ö Jeptha na joot nyaare, abïïge aput jeeyø ki pänh cwïny, ni kööe, «Wui, nyaara, aana määnynyï ki pänh cwïny, ni tïmï ni ïïno kwaan røk jøøa bëëdö ni yia ege cwaadø; kiper aani, luubö mara anø caana jï Wuuö Jwøk, ni ba løny jïra ki man wiila luubö manøgø këët.»