Wïlöölö 37:28 - Wëël Jwøk

²⁸ Kanya pöönh jø Midienni ki buutge, geni Jocep apëëge wøk ki yi buur, ni putge gø gath ki jø tuuŋ Icmiel ki gwel ma pïërariiø, ni ö jø tuuŋ Icmielli ni kïthge Jocep Ijep.

Wïlöölö 37:28 Iomraidhean Croise

Wïlöölö 25:2

Ni ö nyaanøgø ni nyöötge ko obwöre ki Eeberam, ni beege Dhemran, ki Jökcan, ki Mëdan, ki Midien, ki Ecbök, ki Cuwëk.

Wïlöölö 37:25

Køøre gena pï piny nee ge cämge. 'Ba na lwïthge, jø tuuŋ Icmiel mo dïgäthe ajootge ni öö ki yi Gelät ka athïrööle moge, ni ge käära dwøk ki mädhi ma teeŋi, ni kïtha Ijep.

Wïlöölö 37:36

'Ba Jocep onø gath jø Midienni ki nyen mør Ijep mo cwøl ni Pötipar, mo tïïö buut Peerø nyeny Ijep, ni ena kwääy jø leny moe.

Wïlöölö 39:1

'Ba Jocep akïth Ijep. Ni ö nyï Ijepi mo cwøl ni Pötipar, kwääy jø leny man wø tïïö buut Peerø, ni ŋeew Jocep ceŋ jø tuuŋ Icmiel na kïth gø Ijep.

Wïlöölö 40:15

Ka adïëri møn, aani a kwalla po jø Ibaru, ni bäŋ gïn mo raac mo yaa tïïö pööthi maa doo kïtha øt twöc kipere.»

Wïlöölö 50:15

'Ba kanya neeni ya uutwää Jocepi ni wääge othøw, gena cäänö yïthakicge keerge ni köge, ni «Kanymør Jocep gïïa reyø bëët na tïïø dëëre coole coolø dëëtø ni männe ki øøni.»

Bwøth Wøk 2:16

'Ba Raguël na näk kwääc lam mar jø Midien jïre da obwöre abïriiø ma nyïïakuue. Dïcäŋ aciel ni Modhe opï piny bäät iith, nyïgögø aö kun töömge ki pïï, ni pääŋge yïth gïï wø mäth dïëki yïthge ki pïï, kiper nee dïëk wääge maathge.

Bwøth Wøk 21:16

«Ŋato kwal dhaanhø nee ŋeee wala joota cere jaak, ka adïëri møn, eni doo nääö.

Aydheea 60:6

'Ba athïrööle mo thööth ŋöömö marï opääŋge, ni beege athïrööle moa therø mo jø Midien ki jø Gëpër. 'Ba jø wø en Cïïba bëët geno ööi ni ge käädö ki warkey ki jer wø jïcge ŋwääi ni met, ni ge pwøya Wuuö Jwøk ni ge køpa luubö mo nyään mo met.

Jeremaya 38:13

Køøre Jeremaya atuutge wøk ki thøøli ni kälge gø wøk ki yi buur. Ni ö Jeremaya ni put bëëte yi kal mar øt jø koor.

Ciik Kiper Dïlämme 27:5

'Ba ni näk mo cwiic ŋateca tägi ka cwiiri abïïc këël cwiiri ma pïërariiø, mano cïbï piny kiper dïcwøø beeye gwel-bïrö ma cekelli ma pïërariiø, 'ba kiper dhaagø beeye gwel-bïrö ma cekelli apaar.

Kwään Jiy 25:15

Ni nyeŋ nyi jø Midien mana 'näk beeye Köcibi nyi Cuur, ni Cuur beeye dïbwödhi mar dhi øtø aciel røk jø Midien.

Kwään Jiy 25:17

ni «Männu ki jø Midien, ni raanynyu geni,

Mathiew 26:15

ni kööe, na «?Agïnaŋø noo mëëgu aani ni näk mo Jecu cïba ceŋŋu?» Ni moocge eni ki gwel ma pïëradäk.

Mathiew 27:9

Kanyøgø gïna caan nyikuŋ Jwøki ma Jeremaya athur kare, na køp, ni «Geni gweta näk pïëradäk alwørge, ni beeye gweta ö jø Icrielli na jïëcge bäät gø ni beeye gät dhaanhø,

Moa Tïïc Nyïïatwieli 7:9

«'Ba kwäre moøgø gena keeyø kiper o wääge ma Jocep, ni gathge eni baŋ jø Ijep. 'Ba Jwøk abëëdö buute,

Pïëmme 8:22

Køøre jø Icriel aköö jï Gidien, ni «Tïmï ni ïïna nyeya marwa, ni beeye ïïni këël wäädï ki nyikwaarï thuwø, kiper ïïni, waana piemï ceŋ jø Midien.»

Pïëmme 8:24

'Ba Gidien aköö jïge, ni «Da gïrpiny aciel mo daa manynyø baŋu. Beerra man ö ŋati man nø ni cïpe ki gwel ïth røk moa twiere.» Kiper jø Midien jïge da gwet ïdhi mo tïïc ka warkey; kiper geni, ge poot na jø Icmiel.