Wïlöölö 37:26 - Wëël Jwøk

²⁶ Kanyøgø Juuda aköö jï nyïïmenni ki uutwänni, «?Agïnaŋø ni beer no duue jïïø ni näk mo rem owääø yøø køny piny jaak ni mooŋø gø?

Wïlöölö 37:26 Iomraidhean Croise

Wïlöölö 25:32

Ni kö Icøø, ni «Ennø, kara oløny ni cään ki man thøøa. ?Aŋø, dööŋö mara oduu ŋø jïra cøøn?»

Wïlöölö 37:20

Ööu nø nee eni nääø ni leeŋø gø yi buur jaak, ni caanø gø ni kööø ni ena cam lääyi mør mo owär; køøre nø nee lääk moe neenø mano tïmge nidïï.»

Wïlöölö 4:10

Ni kö Wuuö Jwøki, na «?Agïnaŋø na tïïyï enø? Dwør rem coku ajwöŋ baŋa ki tiet ŋøøm piny.

Wïlöölö 4:9

Køøre Wuuö Jwøk aköö jï Keen, «?Coku ma Eebel en kaa ŋø?» Ni kö Keenni, «?Aŋø, ŋääa? ?Aŋø, beeye aani na dïkuri mar coka?»

Wïlöölö 40:15

Ka adïëri møn, aani a kwalla po jø Ibaru, ni bäŋ gïn mo raac mo yaa tïïö pööthi maa doo kïtha øt twöc kipere.»

Wïlöölö 42:21

Køøre gena cäänö yïthakicge keerge, ni köge, «Øøna bääyö dëër owääø, kiper can mare ajoodø, 'ba ïthø kärø ciiø ki kwac mare, ni beeye tiere ni tïme ni gïï mo leth tägö dëëtø en.»

Wïlöölö 50:20

Ki jïïu mana caarru ki cwïnynyu beeye ki man tïïu ki gïn mo raac dëëra, 'ba ki køør mana en cwïny Jwøk, gïnögø atïïe na gïn mo beer, kiper nee jiy mo thööth kwøwge kaawat man bëëde dïcäŋi en.

2 Camiel 1:16

Køøre Deebit aköö jï nyï Amalëk mana thøw enø, ni «Beeye ï na käl thøø manøgø bäätï keerï, kiper mana ö wøk ki dhiï beeye na käl ajäla manøgø bäätï, ki køør mana kööï, ni ‹Aani, nyeya na näk otïïc Wuuö Jwøki nee wïïe thïïmmi ki maaw anääa.› »

Jööp 16:18

«Wui, ï na ŋøøm! Remø mara kär uumï; beerra man ö oduuru mara ni ba jïte ki jwöm.

Jeremaya 36:25

Këël na bëëde ni Elnathan ki Delaya ki Gemariya ge kwaaya nyeya nee wëëlö ba waaŋe, eni marge käre wïnynyö.

Jeremaya 41:8

'Ba da jiy apaar røk jøøgø moo köö jï Icmiel, ni «Kär wa 'nägï, kiper da beel ka abäy ki mädhi ki kïïnynye mo ewa cooŋ piny mo ewa kanø yïth pwöth.» Køøre jøøgø awiie ni käre nääö kanya 'näk jøøa cäädhö ki geni.

Edhikiel 24:7

Kiper rem jiy moa køny piny dï pääny poot nutö dïëre, ni ee køny bäät kïte jaak, ni käre koony yïth ŋøøm nee uum ŋøømmi.

Mathiew 16:26

?Kiper agïnaŋø noo beer noo duui jï dhaanhø, ni näk mo piny bäre oci jïre, ni nyääk jwïëye? ?Wala agïnaŋø noo cïp dhaanhe ni wiila jwïëye?

Wëëlö Mana Göör Pøølli Baŋ Jø Röm 6:21

?'Ba kanyøca nø, agïnaŋø na duu japøka ni wïthu olää ki ge kawaane yøø? Cuŋ japøgø beeye thøø.

Tiet Ciik 17:8

«'Ba ni näk da løøk mo teek døc mo løøa nyïm dïŋut luup mou, mo ba løny jïge ki man ŋølge gø, kiper man näk di kamø wala ba kam, teeŋ ka luum kwör, ki luum gïïpinyi, ki luum gïï mo ŋwiili mo otägö yïthakic jiy, wär öge maal ni cige kanyo näk ojier Wuuö Jwøki na näk Jwøu.