Wïlöölö 37:14 - Wëël Jwøk

¹⁴ Køøre wänni aköö, «Ciï nø ni neenï uutwäru nee geni dëëtge jööt ki dïëk bëët. Køøre wärï duuï ni caanï gø jïra.» Køøre ena jääŋŋe ki yi gool mar Keeprön, ni ö eni ni ci Cekam.

Wïlöölö 37:14 Iomraidhean Croise

Wïlöölö 13:18

Køøre Abram twïër mare adaae ni aae ni bëëde buut jera døøŋŋø mo Mamrë na en Keeprön, ni tïïe ki gïn wø cïp olämme bääte kaace jï Wuuö Jwøk.

Wïlöölö 23:19

Køøre nø, Eeberam cïïe ma Ceera akan yi kään kïnna en Makpila na näk dïët ki Mamrë, na näk Keeprön na en yi ŋööm Keenan.

Wïlöölö 23:2

Køøre Ceera athøø Kiriat-Arba na näk Keeprön yi ŋööm Keenan; ni ö Eeberammi ni jwøk cïïe ma Ceera ni kïmme kipere.

Wïlöölö 29:6

Ni cäŋ Jeekapi köö jïge, ni «?Eni dëëre jööt?» Ni köge, ni «Yaa, dëëre jööt; këël nyaare ma Reecal beeye ni ööi ki dïëk ice.»

Wïlöölö 35:27

Køøre Jeekap aö baŋ wänni ma Aydhak yi Mamrë yi Kiriat-Arba na näk Keeprön, kanya ö kwari ma Eeberammi ki wänni ma Aydhak na bëëtge yie na wëëlle.

Wïlöölö 37:15

Ni jooti ya nyen mørri ni eni wïdö jaak yïth pwöth, ni pëënynyi ya nyenøgø, ni «?Ï manynyï ŋø cøøn?»

Wïlöölö 41:16

Ni løgi ya Jocepi jï Peerø, ni «Manøgøøni ba en jïra; 'ba beeye Jwøk noo løk gøøni na kare jï Peerø.»

Wïlöölö 43:27

Ni ö eni ni määth geni ni pëëny jööt dëël marge; ni kööe, «?Wääu dëëre jööt, jaara dwøŋ na cäänu kipere? ?Eni poot kwøw?»

2 Camiel 11:7

'Ba kanya pïïc Uria baŋ Deebit, ena pëëny Deebiti ki jööt dëël mar Jöap ki jööt dëël mar jø leny, këël luum leny bäre.

2 Camiel 18:32

'Ba nyeya nyï Kuuc apëënynye, «?A wääda ma Abëcëlöm, ba bäŋ gïn mo otägö dëëre?» 'Ba aløk nyï Kuuc jï nyeya, «Wui nyeya, beerra man ö nyïïmännï, këël jiy bëët mo ö maal bäätï nee tïïge ki gïn mo raac dëërï, ni tïmge ni caala nyenøgø.»

1 Nyeye 2:33

'Ba ennø, beerra man bëët kwör remø marge ni ena wï Jöap ki nyïïkwaaye na bäre bäre; 'ba Deebit ki nyïïkwaaye, ki jø dhi øde, ki jøw oläw kare bäät wälu mare, geno mooc Wuuö Jwøki ki bëët-mëër mo bëëdö na bäre bäre.»

Acther 2:11

Køøre Mördekay bëëdö ni jöödö cooth deŋ kal man wø bëët määnni yie ni kwaana bëëtö mar Acther kiper jööt dëël mare ki bëëtö mare man bëëde nidïï nee ŋääe.

Jeremaya 29:7

Ni bëëdu nou manynya bëët-mëër yi pääny mana riema u yie nou mak ki tøŋ; ni lämu jï Wuuö Jwøk kiper bëët päänyögø, kiper bëët-mëër mano en yie oen jïïu thuwø.»

Kwään Jiy 13:22

'Ba gena aay ni ge cøra Nëgëp, ni pïïcge Keeprön, paana bëët nyïïkwaac Anaki yie, ni beege Akimen ki Cëëci ki Thalmay. 'Ba kar kaaca, Keeprön onø geer ni cwiiye abïriiø kanya poode ni paana cwøl ni Dhöän poot kär geerø Ijep.

Luk 19:42

ni kööe, ni «Beer kee jap wø käl bëët-mëër ŋäyu dïcäŋi en nø. 'Ba kawaane, geno mänö ki nyeŋŋu.

Jøcua 14:13

Kanyøgønø, Jøcua Kalëp o Jöpöni agwïëdhe, ni cïp pääny Keeprön jïgø na ŋöömmo dööŋ jïre na kure.

Jøcua 14:14

Kiper manøgønø, pääny Keeprön aput tïmö ni beeye ŋöömma dööŋ jï Kalëp o Jöpöni, nyikwaar jø Kënec, këël dïcäŋi en, kiper eni jöör Wuuö Jwøk Jwø Icriel acaadhe ki cwïnye bäre.

Jøcua 14:15

'Ba nyeŋ Keeprön mana dïkwøŋ beeye Kiriat-Arba; kiper ŋata cwøl na Arba, na caa pääny manøgø ree, beeye dhaanhø mo dwøŋŋa eni døc røk jø Anak kar kaaca. Køøre piny aput nikwöc, ni ö jiyi ni jwömge dëëtge ki leny.

Pïëmme 1:10

Ni ö jø tuuŋ Juuda ni cige baŋ leny ki jø Keenan moa näk bëëdö Keeprön, ni böötge jø tuuŋ Cëëci ki jø tuuŋ Akimen ki jø tuuŋ Thalmay. 'Ba nyeŋ Keeprön mana dïkwøŋ beeye Kiriat-Arba.

1 Camiel 17:22

Kanyøgønø, Deebit jammi moa kääre aput wii cer ŋat wø koor jammi, ni reŋ baŋ nyïïmenni kar leny nee ge määdhe.