Wïlöölö 35:27 - Wëël Jwøk

²⁷ Køøre Jeekap aö baŋ wänni ma Aydhak yi Mamrë yi Kiriat-Arba na näk Keeprön, kanya ö kwari ma Eeberammi ki wänni ma Aydhak na bëëtge yie na wëëlle.

Wïlöölö 35:27 Iomraidhean Croise

Wïlöölö 13:18

Køøre Abram twïër mare adaae ni aae ni bëëde buut jera døøŋŋø mo Mamrë na en Keeprön, ni tïïe ki gïn wø cïp olämme bääte kaace jï Wuuö Jwøk.

Wïlöölö 14:13

'Ba ŋat mør mo obøth aöö ni caan gø jï Abram na näk nyï Ibaru. Kar kaaca Abram bëëdö buut jera døøŋŋø mo Mamrë nyï Amör na näk cöök Ëcköl ka Anër. Jøøgø gena dwätö ka Abram ni tïmge ni ge ena løøe.

Wïlöölö 17:8

'Ba ŋöömmi ni bëëdï yie ni ïïna wëëllö en, na näk ŋööm Keenan bäre, ocïba jïrï ki nyïïkwaayï mo ööi køørï, nee bëëde na marge na bäre bäre; ni bëëda ni aana Jwøk marge.»

Wïlöölö 18:1

'Ba Wuuö Jwøk ree anyoodhe jï Eeberam buut jera døøŋŋø mo Mamrë, ni Eeberam opï piny dho oduŋkaara mare kanya tïm cäŋŋi ni ena dhöör.

Wïlöölö 23:19

Køøre nø, Eeberam cïïe ma Ceera akan yi kään kïnna en Makpila na näk dïët ki Mamrë, na näk Keeprön na en yi ŋööm Keenan.

Wïlöölö 23:2

Køøre Ceera athøø Kiriat-Arba na näk Keeprön yi ŋööm Keenan; ni ö Eeberammi ni jwøk cïïe ma Ceera ni kïmme kipere.

Wïlöölö 28:5

Køøre Aydhak Jeekap awëëk wääth, ni ci Padan-Aram baŋ Leeban o Batuël nyï Aram, na näk cok Rebëëka mii Jeekap ki Icøø.

Wïlöölö 31:18

ni køøl lääc paac moe bëët nyïme, ni aae ki jap paare bëët moa joode Padan-Aram, ni täge ki wääth ki man ci baŋ wänni ma Aydhak yi ŋööm Keenan.

Wïlöölö 37:14

Køøre wänni aköö, «Ciï nø ni neenï uutwäru nee geni dëëtge jööt ki dïëk bëët. Køøre wärï duuï ni caanï gø jïra.» Køøre ena jääŋŋe ki yi gool mar Keeprön, ni ö eni ni ci Cekam.

Wïlöölö 49:29

Køøre gena köömme ni kööe jïge, «Aani kara cään ki man thøøa. Beerra man koonyu aani buut wära ki kwara yi kään kïdi na en yi pwöth Ëprön nyï Këth,

2 Camiel 2:1

'Ba na tïme na køøre cään, Deebit Wuuö Jwøk apëënynye ni kööe, ni «?Cøøa pääny aciel røk päänye mo jø tuuŋ Juuda naa bëëda yie?» Køøre Wuuö Jwøk aköö jïre, ni «Ciï.» 'Ba Deebit acäŋ köö, na «?A cøøa yi mane?» Ni kö Wuuö Jwøki, ni «Ci Keeprön.»

2 Camiel 2:11

'Ba cwiiri moa beet Deebiti ni ena nyeya Keeprön bäät jø tuuŋ Juuda beege cwiiri abïriiø ki dwäde abïciel.

2 Camiel 2:3

Ni ö Deebiti ni aae ki jø leny moe moa bëëdö ki eni, ni ŋati man nø rege aay ka jøøa en paare; ni putge pï piny, ni bëëtge yïth päänye mo Keeprön.

2 Camiel 5:1

Køøre wïth tuŋi bëët mo jø Icriel aö baŋ Deebit kanya bëëde yie Keeprön ni köge, ni «Ka adïëri møn, ïïna dhaanhø ma rem dëëtwa, niï käla dëëtwa.

2 Camiel 5:3

Kanyøgønø, jø døøk Icriel bëët gena ö baŋ nyeya ma Deebit kanya en yie Keeprön, ni ö nyeya ni tude ki luubö ki geni Keeprön kaagø nyïm Wuuö Jwøk; ni ö geni ni thïïmge wï Deebit ki maaw ni ge røønya gø na nyeya mar jø Icriel bëët.

2 Camiel 5:5

Ni cwiiri moa beet Deebiti ni ena nyeya mar jø tuuŋ Juuda Keeprön, beege cwiiri abïriiø ki dwäde abïciel, ni cwiiri moa beede Jerucalem ni ena nyeya mar jø Icriel ki jø tuuŋge ma jø tuuŋ Juuda bëët, beege cwiiri ma pïëradäk kurdäk.

Jøcua 15:13

'Ba kaawat mana caani ya Wuuö Jwøki jï Jøcua, eni na Jøcua enø, pääny mana cwøl ni Kiriat-Arba acïbe jï Kalëp o Jöpöni na gïno dööŋ na kure yïthakic jø tuuŋ Juuda, ni ö nyeŋ pääny manøgø ni cwøli ni Keeprön. 'Ba ŋata cwøl na Arba, na kwøŋ pääny manøgø caa ree, beeye kwar jø Anak.

Jøcua 21:11

'Ba jø Icriel Kiriat-Arba na näk ocaa ri kwar jø Anak, ni beeye pääny mana cwøl ni Keeprön, na en mïëya en bäät kïte løøa näk kur jø tuuŋ Juuda, acïpge jï nyïïkwaac Aran ki kwör kwaath moe na en buute kaace.