Wïlöölö 35:22 - Wëël Jwøk

²² 'Ba kanya bëët Icrielli ni bëëdö yi ŋöömmögø, wääde ma Ruben aci baŋ Bila, dhaaŋŋa näk kwanynyø mar wänni, ni butge ki gøøni; ni ö wänni ma Icriel ni wïny gïnögø. 'Ba wäät Jeekap beege apaar kurriiø.

Wïlöölö 35:22 Iomraidhean Croise

Wïlöölö 35:18

'Ba kanya tïm jwïëy moe ni manynya aay dëëre kiper nee thøøe, eni nyeŋ wääde acaae ni Benöni, 'ba wänni nyeŋ wääde acaae ni Benjamen.

2 Camiel 13:21

'Ba kanya ö nyeya ma Deebit na wïny luummögø bäre, ena put gootø døc.

2 Camiel 20:3

Køøre nyeya ma Deebit apïï paare Jerucalem, ni lwør määre karge paari na näk ee wiiø nee paac koorge, ni tïïc ge nee ge koor, ni ge di caamø; 'ba nyeya kär ci baŋge na mään. Kanyøgønø, gena put bëëtö ni bäŋ dïcwøø mo ci baŋge këël mana päŋ nïr thuunhnhi moge, ni ge bëëdö kaamar määr thuunhnhi.

1 Luup Nyeye 5:1

Man beeye luum wäät Ruben na näk kany Icriel, ni beeye eni ŋata kwøŋ nywøl; 'ba kiper mana ci baŋ cï wänni ni bute ki gø, dööŋö mare aput wëëk wäät Jocep, ni ö beenhnhe moe ni käri göörö yi wëël nyeŋ ki køør dööŋö mare.

Bwøth Wøk 2:1

'Ba na tïme na kar kanyøgø, dhaanhø ma ŋat tuuŋ Libay acøø ni nyöömme ki dhaagø ma nyi jø tuuŋ Libay.

Ciik Kiper Dïlämme 18:8

« ‹Kärï ci baŋ cï wäru na dhaagø; kiper ï døøya wäru mo jööt.

Kwään Jiy 10:14

'Ba lwaa leny mar jø tuuŋ Juuda akwøŋ tïŋŋö ki køør bëëra mar twïër marge, ni dïbwödhi marge beeye Nacøn wär Aminadap.

Kwään Jiy 13:4

Ni nyeŋge beege ii; ki røk jø tuuŋ Ruben beeye Cimia o Dhakur;

Moa Tïïc Nyïïatwieli 7:8

Ni wëëk Eeberam daŋ na ŋïï mar luubö mana tuut. 'Ba Eeberam wääde ma Aydhak anywøle, ni daŋ gø kanya tïm nïre na abära wøk. Ni ö Aydhaki ni nywøl wääde ma Jeekap. Ni ö Jeekapi ni nywøl kwäre na näk apaar kurriiø.

1 Körin 5:1

Wui, akøp ni da käp dïïu, mo teeŋe kär kwøŋ joot këël dï jøøa kuc luum Jwøk na bäre bäre. Kiper akøp ni da dhaanhø mo bëëdö ka cï wänni.

Tiet Ciik 27:12

ni «Kanyo ŋutu løø Naam Jördan løøga, jøw ocuŋŋi bäät Kïn Geridhan kiper nee luup gwïëth jïëcge na kar jiy beege jø tuuŋ Cimien, ki jø tuuŋ Libay, ki jø tuuŋ Juuda, ki jø tuuŋ Icakar, ki jø tuuŋ Jocep, ki jø tuuŋ Benjamen.

Tiet Ciik 27:20

« ‹Acïëni oen bäät ŋato døø ri cï wänni ni bute ki gø, kiper eni døøya wänni mo jööt.› «Køøre ojøl jiyi bëët, ni köge, ni ‹Kare!›

Mana Nyooth 21:14

'Ba kiir paanøgøøni odhïŋe opeedhø ki kïte apaar kurriiø moa cwäc bäätge, ni nyeŋ nyïïatwiet Nyidiel karge paari kurriiø ogöör bäätge.

Pïëmme 5:14

Ki røk jøøa öö, beege jø tuuŋ Ipariem na bëëdö ni tietge onø këët piny yi ŋöömma kwøŋ jø Amalëki bëëdö yie, ni beege jøøa caath køøru, u na jø leny mo jø tuuŋ Benjamen; ni ö kwääc lwaae moa käl ri dhi øt Makir ni öge; 'ba ki røk jø tuuŋ Dhebulan, beege kwääc lwaae moa näk käära athøre mo kwär.

1 Camiel 2:22

'Ba Ëli atïmö na jaal døc. Ni ö eni ni wïny jammi bëët moa reyø mo wø tïïc wääte dëët jø Icriel; këël gïn wø tïïcge kany wø cige baŋ mään mo wø tïïö dho oduŋkaany røømmø mar Wuuö Jwøk ni buutge ki ge, awïnynye thuwø.