Wïlöölö 35:2 - Wëël Jwøk

² Kanyøgø Jeekap aköö jï jø paare ki jøøa en buute bëët, ni «Wetu juuga path na en dïïu, ni døøyu dëëtu mo waany, ni wiillu abïïe mou.

Wïlöölö 35:2 Iomraidhean Croise

Wïlöölö 18:19

Kiper ena jiera, nee obwöre moe këël nyïïkwaaye mo ööi køøre nee pwönynye ki man caathge køør dwøra, a na Wuuö Jwøk, ni ge bëëdö ka bëëtö mo beer, ni ge tïïya tïïe ma adïëri; kiper nee gïna buua jï Eeberam nee tïïa jïre.»

Wïlöölö 31:19

'Ba kar kaaca Leeban oci kuna nyaar jïëc dïëk moe; ni ö Reecalli ni kwal gïï lam moa näk mo wänni.

Wïlöölö 31:30

Kawaane ennø møn, ïïna aay kiper cwïnyï atïmö ni lääŋŋa man døøï po wäru. ?'Ba aperŋø na kwalï gïï lam moa näk 'moa?»

Wïlöölö 31:34

'Ba Reecal gïï lam moøgø ee nø lwør, ni kïth geni tier køøm man wø kïth bäät athïrööl, ni pï piny bäätge. 'Ba kanya ö Leeban na bäp yo oduŋkaara bäre, geni käre joodø.

Wïlöölö 34:2

'Ba kanya ö Cekammi wär Eemör nyï Ëwi, na näk kwääc paanøgø, na joot Dina, Dina amaae ki teek ni butge ki gø na dhaagø.

Wïlöölö 35:22

'Ba kanya bëët Icrielli ni bëëdö yi ŋöömmögø, wääde ma Ruben aci baŋ Bila, dhaaŋŋa näk kwanynyø mar wänni, ni butge ki gøøni; ni ö wänni ma Icriel ni wïny gïnögø. 'Ba wäät Jeekap beege apaar kurriiø.

2 Camiel 7:23

?Aŋø, da wï jur bäät piny kany mo caala jiyï ma jø Icriel? Kiper beeye ï na Jwøk marwa na ö baŋ jiyï ma jø Icriel, ni kälï wa wøk ceŋ jø Ijep, nee wa bëëtwa na jiyï, ni tïïyï nyeŋŋï nee wïnye. Ïïna tïïö ki gïï mo døøŋŋø mo di lwäärö dëët wïth juurre ki juu moge, ni riemï ge wøk nyïmwa, wa na jiyï.

2 Nyeye 17:29

'Ba wïth juurre moøgø bëët ge poot tëëŋö ki juu moge yïth päänye moa bëëtge yïthge, ni cïpge geni yïth uudi kwör lam moa en bäät thuuri moa no otïïc jø Cameria.

2 Nyeye 5:10

Ni ö Ilaaca ni jääk baŋe ki dhaanhø nee kööe, ni «Ciï ni lwøgï dëërï yi Naam Jördan kwöre abïriiø; køøre dëërï odøø kare ni tïm dëërï ni waany.»

1 Luup Nyeye 16:26

Kiper juu bëët mo wïth juurre beege juu mo oballe jaak, 'ba Wuuö Jwøk bee eni na cwääc maal.

Jööp 1:5

'Ba kanyo pööth nïr ajwöma, Jööp wø jääga baŋge nee dëëtge døøcge mo waany, ni ö Jööpi ni päny maal ka amöölla ni cïpe ko olämme mo wø waaŋ bäre ki nyeŋ nyïïe bëët, kiper ena cädö ni kööe, «Kanymør obwöre 'moa geno tïïö ki raay ni janyge Jwøk ki yïth cwïnyge.» 'Ba manøgø beeye bëëtö mar Jööp cooth.

Bwøth Wøk 19:10

Ni cäŋ Wuuö Jwøki köö jï Modhe, ni «Ci baŋ jø Icriel ni døøyï ge mo waany dïcäŋ man ki dïcäŋ mar diøø, ni penyge abïïe moge;

Bwøth Wøk 19:14

Køøre Modhe aduu piny ki bäät kïdi ni ö baŋ jiy ni døøc jiy mo waany, ni ö jiyi ni penyge abïïe moge.

Bwøth Wøk 23:13

«'Ba gïïa caana jïïu bëët yøø, beerra man magu rou ki man gwøgu geni. Kär dee nyeŋ juu møøk mo cøøru wala gïrge wïnyö dhøgu.

Luup Dïpööy 5:1

Gwøk riï ki bëëtö marï kany wø ciï yi Øt Jwøk. Wär tïme niï ciï kaper cek ïth døc ni patha man cïpï ko olämme jaak kaawat man wø tïïc jøøa näk wïthge bäŋ acaara; kiper kucge ni gïna tïïcge bee gïn mo raac.

Aydheea 1:16

«Lwøgu dëëtu, ni tïïyu dëëtu ni waany, ni ö tïïe mou moa reyø ni daagu ge nyïma. Weyu tïï jammi moa reyø,

Aydheea 52:11

'Ba u ni wø käär jap Wuuö Jwøk na en kur keerge, aayu, aayu, daagu rou kaagø! Kär dee gïn mo gutu mo ba waany! Dønynyu wøk ki yi paanøgø, ni døøyu dëëtu mo waany.

Jeremaya 13:27

Tïïe moï moa näk ec raac ki ge døc na tïïyï kwör lam moa en bäät thuuri ajooda, ni beege luui moï, ki tïk mana en riï, ki käp marï. Wui, ï na Jerucalem, otïmö ni raac jïrï! ?A këël kany mo nyïëdi nø noo bëëdï niï ba waany?»

Jeremaya 16:20

?Aŋø, løny jï dhaanhø ki man tïny dëëre ki juu? 'Ba këël dee tïïö, ge patha juu ma adïëri.

Jeremaya 5:7

'Ba Wuuö Jwøk aköö, ni «?Ï na Jerucalem, ïïno wëënna gø nidïï nø? Jiy moï aana wecge, ni kööŋge røk juu mo patha adïëri. Kanya nø caama geni ni jäŋge, rege agwaarge uut kääpe, ni känge ki lugi.

Edhikiel 18:31

Kälu dëëtu wøk ki yïth japa reyø bëët na tïïyu; tïïyu cwïnynyu ni nyärö, ni tïïyu jwïëyu ni nyärö! ?Aŋø, u na jø Icriel, aperŋø ni manynyu thøø en?

Edhikiel 20:7

Ni kööa jïge, ni «Ŋati man nø dëëtu wet japa reyø nyïme ni wø wøøre, ni ba tïïyu dëëtu ni ba waany ki kït gïï wø lam mo jø Ijep; kiper bee aani na Wuuö Jwøk, Jwøk maru.»

Edhikiel 36:25

Aani, dëëtu jøra jørø ki pïï mo tøŋ ni tïmu nou waany; aani, u penya penyø yïth japa reyø bëët na enu yïthge, ki yïth kït gïï wø lammu bëët.

Daniel 5:4

Kanya mäthge, marge atïmö ni ge pwøya juu moa näk tïïc ka warkey, ki gwel-bïrö, ki jwïël, ki nywïënyö, ki jenni, ki kïte.

Ciik Kiper Dïlämme 15:5

Ni ŋato gut pïën ŋatøgø, abïïe moe wär penye, ni lwøk dëëre ki pïï; 'ba eni bëëdö ni ba waany këël kanyo päth cäŋŋi.

Ciik Kiper Dïlämme 17:16

'Ba ni näk mo ŋatøgø abïïge ba penye ni ba lwøk dëëre, bääyö mare ena bääte keere.› »

Kwään Jiy 31:24

Køøre abïïe mou dou penyø ki ri bïriet nïne, ni tïmu nou waany. Køør manøgønø, uuno ö twïër.› »

Moa Tïïc Nyïïatwieli 19:26

'Ba aneennu ni wïnynyu gø ni paa Epeca keere, 'ba päl Eecia ki kare bäre, jiy mo thööth anø pwöny Pøøløgø ni løø cwïnyge wøk, ki køør mana kööe, ni ‹Juu mo tïïc ka ceŋ, paa juu ma adïëri.›

1 Körin 10:7

Käru tïmö nou lämö ki gïï wø lam kaawat mana tïïc jø møøki dïge. Kaawat mana gööri, ni «Jøøgø gena pï piny ni cämge ni mäthge, ni öge maal baŋ meeŋ.»

2 Körin 7:1

'Ba omëëya, kiper mana tïme ni gïïögø buuka jïïø nø, beerra man døøyø dëëtø mo waany ki gïï wø raany dëël ki jwïëy, ni tïïø bëëtö mana en kur keere no othur kare ni ø lwäära Jwøk.

Galeecia 4:8

Dïkwøŋ kanya poodu ni Jwøk kuyu, u bëëdö ni uuna laaŋe jï juu mo paa adïëri.

Tiet Ciik 11:28

'Ba ni näk ciik mo Wuuö Jwøk na näk Jwøu ba leŋŋu, ni gaau wøk ki øtjöö man ni köömma uuni ki gø dïcäŋi en, ni caathu køør juu møøk mo kuyu dïkwøŋ, u di cienø.

Tiet Ciik 32:16

Wuuö Jwøk atïïcge nee këëye ki køør juuga path na lamge. Ni cwaatge yi Wuuö Jwøk këël mana wëëre ki køør gïïa raac yie ki ge na tïïcge.

Tiet Ciik 5:7

« ‹Kär dee juu møøk jïrï këët nyïma.

Tiet Ciik 6:14

Kär dee juu møøk mo cäädhu køørge, ni beege juuk jøø en buutu yøø,

Tiet Ciik 7:25

'Ba gïïa tieŋge na juu moge dou waaŋø ki maac. 'Ba kär dee gïn manynyu ri warkey wala gwel-bïrö mana näk oleeny dëëtge, ni ba kädu rege kiper dëëtu, nee ba tïmge ni caala abïëp kiperu, kiper gïïögø beege gïï mo Wuuö Jwøk na näk Jwøu yie raac ki ge døc.

Ibaru 10:22

beerra man nyiigø kany mo cään ki cwïny ma adïëri, ni ŋäädhe päl cwïnynyø, ni cwïnynyø ojørø ni leer, ni bäŋ raay mo pär cwïnynyø ki ge, ni dëëtø olwøø ki pïï mo tøŋ.

Jeemeth 4:8

Nyiigu buut Jwøk, 'ba eno nyänh buutu. Lwøgu ceŋŋu, u na jø raay, ni døøyu cwïnynyu mo leer, u ni luup oriewi cwïnynyu en.

Jøcua 23:7

Käru dwätö ki wïth juurre moa no odööŋ yïthakiyu, ni ba cøøru nyeŋ juu moge, ni ba kööŋŋu røk juu moge, ni ba tïnynyu juu moge, ni ba këëllu cøŋŋu piny nou wøøra juu moge.

Jøcua 24:14

«'Ba ennø møn, wøørru Wuuö Jwøk ni tïnynyu eni na adïëri ni you ŋäädhö ki cwïnynyu bäre; tïïyu karu ni bäär ki juu moa wøør kwäyu kanya bëëtge løø Naam Upareeti løøga, ki kanya bëëtge Ijep, ni tïnynyu Wuuö Jwøk keere.

Jøcua 24:15

'Ba ni näk mo määnö jïïu ki man tïnynyu Wuuö Jwøk, dïcäŋi ennø, jëëtu ki jwøk mana dou tïnynyö; ni näk mo beeye juu moa tïny kwäyu kanya enge løø Naam Upareeti løøga, wala juu mo jø Amör ni bëëdu yi ŋöömge en, jierru; 'ba aani ki jø paara bëët, Wuuö Jwøk tïnywa tïnynyö.»

Jøcua 24:2

'Ba Jøcua aköö jï jø Icriel bëët, ni «Gïna caan Wuuö Jwøki, Jwø Icriel, beeye en, ena köö, ni ‹Ki kany mo bäär kwäyu abëëdö løø Naam Upareeti løøga ni ge wøøra juu møøk, ni dhaanhø aciel røk kwäyu moøgø beeye Teera wää Eeberam ki Neeyör.

Jøcua 24:20

Ni näk Wuuö Jwøk weyu wiiø ni tïnynyu juuga path, eni acaara mare di wiilø ni tïïe ki gïn mo raac dëëtu ni dïïr wïthu, këël na bëëde ni gïn mo beer ee nø tïïc jïïu.»

Jøcua 24:23

Ni kö Jøcua, «'Ba ennø, tïïyu karu ni bäär ki juuga path na en dïïu, ni cïpu cwïnynyu jï Wuuö Jwøk Jwø Icriel.»

Juut 1:23

Ni judhu jø møøk wøk ki yi maac nou piema geni. Ni päth cwïnynyu ki gïr jø møøk nou lwäär, nou ciil këël ka abïïe moge na näk oraany japa en dëëtge na reyø.

Pïëmme 10:16

Kanyøgønø, geni juuga path moa en yïthakicge aputge wec, ni tïmge ni ge tïnynya Wuuö Jwøk. Køøre Wuuö Jwøk cwïnye apädhö ki caarø manø ni teek ni caar jø Icriel ki gø enø.

Ruuth 1:15

Køøre Naømi aköö jï Ruuth, ni «Neenï, nyägï adøø baŋ jø poge, ni døø baŋ juu moe; ïïni thuwø, ci läp køør nyägï nø.»

1 Camiel 16:5

'Ba ena köö, «Yaa, mara öö jaak; aani, a ööi kaper naa cïpa ko olämi jï Wuuö Jwøk. Ennø, cïbu dëëtu kur keeru ni waany, ni ööu ni bëëdu nou nut buuta kanyo cïba olämi.» Kanyøgønø Camiel, Jeci ki wääte acïp kur keerge ni waany, ni cwøl ge nee nutge kanyo cïp olämi.

1 Camiel 7:3

Køøre Camiel acäänö ki jø Icriel bëët, ni kööe, ni «Ni näk mo u duua baŋ Wuuö Jwøk ki cwïnynyu bäre, wetu juuga path ki juuga cøøri na Actaröth na en dïïu, ni cïpu cwïnynyu jï Wuuö Jwøk na bäre, ni tïnynyu eni keere; køøre uuno pieme ceŋ jø Pilitin.»