Wïlöölö 35:11 - Wëël Jwøk

¹¹ Ni cäŋ Jwøki köö jï Jeekap, ni «Aana Jwøa en teeki jïre; nyöödï ni nyaayï piny, ni ö wï jur na näk lwaa wï jur ni tïme ni käla riï, ni ö nyeye ni öge wøk ki dëërï.

Wïlöölö 35:11 Iomraidhean Croise

Wïlöölö 12:2

«Ïïno tïïa na wï jur mo dwøŋ, ni gwïëdha ïïni, ni tïŋa nyeŋŋï maal, ni jït jiyi ki gwïëth ki køørï.

Wïlöölö 13:16

Ni tïïa kwään nyïïkwaayï ni thööth ni caala tør bäät piny; køøre ni näk da dhaanhø mo løny jïre ki man kwaan tør bäät piny, løny thuwø ki man kwaan nyïïkwaayï.

Wïlöölö 15:5

Ni ö Wuuö Jwøki ni käl Abram wøk ki yi øtø ni kööe, ni «Raŋ maal ni kwaanï ceer, ni näk mo løny jïrï ki man kwaanï ge bëët.» Ni kö Wuuö Jwøki jï Abram, ni «Nyïïkwaayï thuwø otïmö ni caala geni.»

Wïlöölö 17:1

'Ba kanya tïm Abrammi ni cwiiye pïërabïŋween ka abïŋween, Wuuö Jwøk ree anyoodhe jï Abram, ni kööe jïgø, ni «Aana Jwøa en teeki jïre; beerra man cäädhï nyïma, ni bëëdï ni bäŋ gïn mo jøøŋŋi ri bëëtö marï.

Wïlöölö 17:16

'Ba eno gwïëdha, këël mano mooa ïïni ki nyilaal ma dïcwøø mo käla dëëre kiree. Eni gwïëdha gwïëdhö, ni tïme na mii wïth juurre; ni tïm nyeye mo wïth juurre ni käla ree.»

Wïlöölö 17:4

ni «Aani gïna tuuda ki ïïni beeye en, ïïno tïmö na kwar wïth juurre mo thööth.

Wïlöölö 18:14

?Aŋø, da gïn mo dhäthö jï Wuuö Jwøk? Ki kanya näk ocaanø aano duu baŋï cwiino ööi kar kany nø, ni ö Ceera ni nyööte ki nyilaal ma dïcwøø.»

Wïlöölö 18:18

Kiper ka adïëri møn Eeberam tïmö na wï jur mo dwøŋ mo teek, ni bee eni no gwïëth wïth juurre mo bäät piny bëët ki køøre.

Wïlöölö 22:17

aana kööŋ ŋëëta keera ki man gwïëdha ïïni døc kiree, ni tïïa nyïïkwaayï nee nyaacge ni caala ceer mo maal, ni caala nyeŋ akwöny deŋ naama dwøŋ; ni ö nyïïkwaayï ni maanyge mïëc nyïïmänge.

Wïlöölö 28:14

Ni tïïa kwään nyïïkwaayï ni caala tør bäät piny, ni nyaayu ni këëtu but piny karge bëët ki jï løø kur tuul-cäŋ ki jï løø kur pänh-cäŋ; 'ba wïth tuŋi bëët mo bäät piny ogwïëth ki køørï ki nyïïkwaayï.

Wïlöölö 32:12

'Ba ï na Jwøk, ïïna köö ni bëëtö mara tïïyï tïïö ni beer møn, ni tïïyï kwään nyïïkwaaya ni thööth kaamar nyeŋ akwöny naama dwøŋ ni ba thum ki kwaan.»

Wïlöölö 36:31

'Ba nyeye moa en teeki ceŋge yi ŋööm Ëdöm kanya poode ni poot bäŋ nyeya mo bëën jø Icrielli beege ii:

Wïlöölö 43:14

Beerra man ö Jwøki na en teeki jïre ni døøc yi nyenøce mo met ki uuni kiper nee owääu ma Cimien jääŋŋe ki uuni ki Benjamen na aciel. 'Ba ni näk wääta othøw, aano tïmö naa bëëdö ka bëët ränynyö jaak.»

Wïlöölö 46:3

Køøre Jwøk aköö, «Aana Jwøk, Jwøa näk Jwø wäru. Kärï lwäyö ki man ciï Ijep, kiper ïïno tïïa na wï jur mo dwøŋ kunöce.

Wïlöölö 47:27

Kanyøgø jø Icriel abëëdö Ijep, yi ŋööm Göcën, ni meetge rege ni nyaayge ni thööth ni kwärge.

Wïlöölö 9:1

Køøre Jwøk Nöa agwïëdhe ki wääte, ni kööe jïge, ni «Nyöödu ni nyaayu ni pääŋŋu piny.

Wïlöölö 9:7

'Ba uuni, jïtu ki nyïëdi ni nyaayu, ni pääŋŋu piny nou thööth døc ni nyaayu yie.»

1 Luup Nyeye 16:16

ni beeye luumma tuude ki Eeberam, na kööŋe kiper gø jï Aydhak,

1 Luup Nyeye 16:17

ni cäŋ gø tuutö ki Jeekap, ni beeye Icriel, nee bëëde na bäre bäre;

1 Luup Nyeye 16:18

ni kööe, ni «Ŋööm Keenan omëëga ïïni, ni tïme na kur nyïïkwaayu.»

Bwøth Wøk 1:7

'Ba nyïïkwaac Icriel gena nyöödö ni meetge rege ni thööth, ni nyaacge, ni tïmge ni teek døc; ni ö paaci bäre ni pääŋe ki geni.

Bwøth Wøk 2:24

Køøre Jwøk cooyø marge awïnynye; ni ö Jwøki ni par wïïe ki luumme na tuude ki Eeberam, ki Aydhak, ki Jeekap.

Bwøth Wøk 6:3

aani dëëra anyoodha jï Eeberam ki Aydhak ki Jeekap ni aana Jwøa en teeki jïre. 'Ba ki man näk mo nyeŋŋa Wuuö Jwøk kära nyoodhø jïge ki man ŋäcge gø.

Ciik Kiper Dïlämme 26:42

aani wïïa caara caarø ki luumma na tuuda ki Jeekap, ki Aydhak, ki Eeberam, ni caara wïïa ki ŋöömö marge.

2 Körin 6:18

«Noo caan Wuuö Jwøki na en teeki jïre, ni ‹Aano tïmö ni aana Wuuö jïïu, ni tïmu ni uuna wääta ki nyïïa.› »