Wïlöölö 34:30 - Wëël Jwøk

³⁰ Kanyøgø Jeekap aköö jï Cimien ki Libay, ni «Uuna kän bääta ki gïn mo leth, ni raanynyu nyeŋŋa dï jø Keenan ki jø Përec na näk jø paani. Aani kwään jiya nøk. 'Ba ni näk mo jøøgø dëëtge dwalge dwalø ni öge baŋa ni tukge aani, a 'näkge nääö ki jø paara bëët.»

Wïlöölö 34:30 Iomraidhean Croise

Wïlöölö 12:12

Kanymør no ö jø Ijepi noo jootge ïïni, ge köö, ni ‹Man beeye cïïe;› køøre a 'näkge nääö, ni wecge ïïni niï kwøw.

Wïlöölö 12:2

«Ïïno tïïa na wï jur mo dwøŋ, ni gwïëdha ïïni, ni tïŋa nyeŋŋï maal, ni jït jiyi ki gwïëth ki køørï.

Wïlöölö 12:6

Ni ö Abrammi ni pöödhe ki dï ŋöömmögø këël mana pïïe kanya cwøl ni Cekam na en jaadha dwøŋŋi yie mar Mörë. 'Ba yi kar kanyøgø jø Keenan oløny ni bëëdö yi ŋöömmögø.

Wïlöölö 13:7

Kanyøgøøni atïmö ni da män yïthakic jø kwaath mo Abram ki jø kwaath mo Løøt. Kar kaaca jø Keenan ki jø Përec oløny ni bëëdö yi ŋöömmögø.

Wïlöölö 34:2

'Ba kanya ö Cekammi wär Eemör nyï Ëwi, na näk kwääc paanøgø, na joot Dina, Dina amaae ki teek ni butge ki gø na dhaagø.

Wïlöölö 34:29

Ni twierge jammi moge bëët, ni kälge obwöre ki mään këël gïïa en yïth uudi bëët.

Wïlöölö 34:31

'Ba Cimien ki Libay aköö, na «?Aŋø, cöökwa doo tïïc Cekammi kaamar dhaagø ma kääbi jaak cøøn?»

Wïlöölö 46:26

Kwään jiy bëët moa näk jic Jeekap, na näk dhi øde na ö Ijep, beege jiy ma pïërabïciel ka abïciel; 'ba määr wääte kär kwaan dëëtge.

Wïlöölö 46:27

Ni wäät Jocep na nywøle Ijep beege ariiø. Ni tuuŋ Jeekap bëët na ö Ijep beege jiy ma pïërabïriiø.

2 Camiel 10:6

'Ba kanya ö jø Amönni na jootge gø ni geno nø tïmö ni caala gïn mo ŋwäänynye raac ki jï Deebit, gena jäägö ki jiy nee määnyge ki jø leny mo këëdi jïge ki gwel, ni jøøa jääkge baŋge beege jø Aram moa bëëdö Bëëth-Reyap ki moa bëëdö Dhöba, ni jïtge ki jø leny mo wø cäädhi ki tietge ma kume ma pïërariiø, ki nyeny Maika ki jø leny moe ma kuma aciel, ni jïtge ki jø leny ma kume apaar kurriiø baŋ jø Thöp.

2 Camiel 16:21

'Ba Akithöpël aköö jï Abëcëlöm, ni «Ci baŋ määr wäru, moa no odööŋ ni ge koora paac, ni buudï ki geni; køøre wïny jø Icrielli bëët wïnynyö ni ïïni riï iï nø tïïc kaamar gïn mo ŋwäänynye raac jï wäru. Køøre nø, jiy moi bëët ni bëëdö ki ïïni en, ge puta tëënnö thuwø.»

1 Nyeye 11:25

'Ba Redhön abëëdö na nyimän mar jø Icriel ki yïth nïne bëët moa beet Cølömanni, ni meet gïïa reyø na tïïc Adati; ni ö eni ni bëëde na nyeya bäät jø Aram, ni bëëde ni män ki jø Icriel.

1 Nyeye 18:18

'Ba Ilaaja aköö, ni «Paa aani na kier wïth jø Icriel, 'ba beeye ïïni ki jø dhi øt wäru, kiper luup moa cem Wuuö Jwøki aweyu, ni caathu køør juuga cøøri ni Baal.

1 Luup Nyeye 16:12

U na nyïïkwaac dhaanhnhe ma Icriel, ni bee u na nyïïkwaac Jeekap na näk ee jierø, caarru wïthu ki gïïa näk rëëma ec na tïïe, këël ŋïïce moe ki luup ŋøl moa caane ki dhee.

1 Luup Nyeye 16:19

Kanya bëëtge ni kwäänge nøk, ni ge nøk døc ni gena wëëlle yi ŋöömmögø,

1 Luup Nyeye 19:6

'Ba kanya ö jø Amönni na jootge gø ni dëëtge ege nø tïïc ni caala gïn mo ŋwäänynye raac ki jï Deebit, geni ki nyenyge ma Anun gwet-bïrö ma rumme ma kikarri ma kuma aciel ajääŋge baŋ jø Mecöpatemia, ki baŋ jø Aram-Maika, ki baŋ jø Dhöba, nee määnyge ki jïëth leny mo wø tut okwëënyi ki jø leny mo wø cäädhi ki bäät okwëënyi.

1 Luup Nyeye 2:7

'Ba Karmi wääde beeye Akar, ni beeye Akar mana jääl jø Icriel ki køøre kiper mana lwöte røk gïïa wëëk geni nee raanyge na bäre.

Bwøth Wøk 5:21

Ni kö wïth jø tïïe moøgø jï Modhe ka Aran, ni «Wuuö Jwøk luubö manøgø oraaŋe bäätu ni ŋøl uuni wøk, kiper mana tïïyu wa kaamar gïn mo ŋwäänynye raac ki jï Peerø ki jø kööre moe, ni cïbu tøøŋi ceŋge nee wa 'näkge.»

Pwöc Leec Wïc 11:17

Ŋat wø mëër ki jiy tïïya gïn mo beer kiper dëëre, 'ba ŋat kwöri raanynya dëëre keere.

Pwöc Leec Wïc 11:29

Ŋat wø cwöth paare, beeye jamø keere noo dööŋ jïre, ni ö ŋata wïïe känni ni tïme ni bëënna ŋata wïïe leer.

Pwöc Leec Wïc 15:27

Ŋat mo cwïnye päl ni wø joot jammi ki jöö mo paa adïëri wø kïtha paare yi ränynyö, 'ba ŋat wø män ki jammi mo wø cïp ki piny, eni bëëdö ni kwøw.

Tiet Ciik 4:17

ni ba tëëŋŋu dëëtu ki kït gïrpiny mo kïte caala kït lääy mo bëëdö bäät piny, wala kït wenyø ni wø määdö maal;

Tiet Ciik 4:27

Køøre Wuuö Jwøk uuno keethe dï wïth juurre, ni dööŋŋu nou nøk yïthakic wïth juurre moo ö Wuuö Jwøki noo riem uuni dïge.

Tiet Ciik 7:7

«'Ba Wuuö Jwøk tier mëër mana mëëre ki uuni na jier uuni paa kiper mana thööth kwäännu ki kwään jiy møga, kiper nøka kwäännu røk wïth juurre bëët.

Jøcua 7:25

Kanyøgønø, Jøcua aköö jï Akan, na «?Aŋø nyie ni kännï bäätwa ki gïn mo leth en? 'Ba dïcäŋi nø Wuuö Jwøk okïth bäätï ki gïn mo leth thuwø.» Ni ö jø Icrielli bëët ni këërge Akan ki kïte, ki jø paare, këël gïïa en jïre bëët. 'Ba na nø këërge geni ki kïte, aputge rup ki maac ni put ge waaŋ na bäre.

1 Camiel 13:4

Ni ö jø Icrielli ni wïnyge gø ni Cøøl kar koor mar jø Pilitin atwöe ni 'näk jiy, ni wïnyge gø thuwø ni jø Icriel otïmö kaamar gïn mo ŋwäänynye raac ki jï jø Pilitin. Køøre jø Icriel acwøl nee öge baŋ Cøøl Gëlgela.

1 Camiel 16:2

'Ba Camiel aköö, na «?A aa nidïï? Kiper ni näk mo wïny Cøølli wïnynyö, a pute ka 'näk.» Kanyøgønø, Wuuö Jwøk aköö, ni «Käädï ki nyirøøa, ni kööï, na ‹A ööi kaper nee nyirøøa man cïba no olämi jï Wuuö Jwøk.›

1 Camiel 27:1

'Ba Deebit acäänö ki cwïnye ni kööe, ni «Ennø, a thøøa cer Cøøl dïcäŋ aciel jaak. Aani, bäŋ gïn mo bëënna bëënnö kany këët, 'ba beerra man päära wøk ni cøøa yi ŋööm jø Pilitin. Køøre nø, Cøøl yie ocwat ki many aani yi ŋööm jø Icriel, ni puta bødhø cere.»

1 Camiel 27:12

Kanyøgønø, Akïc Deebit aput ŋääth ni kööe, ni «Eni jø poge ma jø Icriel akwiere møn, ni tïïc ree kaamar gïn mo ŋwäänynye raac jïge; ennø, eni puta bëëtö na ŋat tïïc mara na bäre.»