Wïlöölö 34:12 - Wëël Jwøk

¹² Pëënynyu jap nywöm ki teeŋ jammi møøk jaak, køøre cïba cïbö jïïu ki køør mana caannu, këël thööth nidïï. 'Ba cïpu nyou jïra keere nee ci jïra na dhaagø.»

Wïlöölö 34:12 Iomraidhean Croise

Wïlöölö 24:53

Køøre ena kän wøk ki jap warkey ka abïïe ni wëëk ge Rebëëka. Ni mooc mii Rebëëka thuwø ki coki ki jammi mo perge leth.

Wïlöölö 29:18

'Ba Jeekap mëër ka Reecal døc, ni kööe jï Leeban, ni «Aani ïïno tïnynya ki cwiiri abïriiø kiper nyaarï ma Reecal na thiinh.»

Wïlöölö 31:41

Cwiiyi na pïërariiø bëët ii abeeda paarï; ni beege cwiiri apaar kurŋween na tïnynya ïïni ki ge kiper nyïïï na näk ariiø, ki cwiiri abïciel moa tïnynya ïïni kiper naa jïta ki dïëk baŋï. 'Ba jammi mo wø maa awellï kwöre apaar.

Wïlöölö 34:11

Ni kö Cekammi jï wää Dina ki nyïïmenni, ni «Ni näk mo u jïëy, gïn wäro pëënynyu baŋa jaak cïba cïbö jïïu.

Wïlöölö 34:13

'Ba adwøk wäät Jeekapi ki cwøk jï Cekam ki wänni ma Eemör, kiper mana ö Cekammi na raany cokge ma Dina.

2 Camiel 3:14

Kanyøgønø, Deebit aput jääk baŋ Icböcëth o Cøøl ki jiy ni kööe, ni «Cïïa ma Mikal, dhaaŋŋa nywøma ki buyi mo jer dëët jø Pilitin ma dïpa moa daaŋa, duuï jïra.»

Bwøth Wøk 22:15

'Ba ni näk wää gø nutö ree, ŋatøgø ba doo cudö. Ni näk mo käl kiper nee wää gø cunni, wär cääp ki gät cuut.

Odheea 3:2

Kanyøgø nyaanøgø aputa wïïl wøk ki gwet-bïrö ma apaar kurbïïc mo røm ka rumi man wø cwøl ni cekel, ki beel mo wø cwøl ni gäbci mo røm ka rumi man wø cwøl ni kömer mo yie aciel ki thääŋö.

Mathiew 14:17

'Ba gena köö jï Jecu, ni «Jïwa da muunni abïïc ki rec ariiø keerge kany.»

1 Camiel 18:23

Ni ö jø kööre mo nyeya ni putge cøø ni caange luubö manøgø jï Deebit. 'Ba Deebit aköö, «?Aŋø, beeye gïn mo jööt jaak ki baŋu ki man tïma ni aana cø nyi nyeya, a ni can ni bäŋ kara en?»