Wïlöölö 33:8 - Wëël Jwøk

⁸ Køøre Icøø aköö, na «?Aŋø, pïïth lään päl bäre ice na røømma ki gø, tiere aŋøøni?» Ni kö Jeekapi, ni «Beeye kiper naa jïta ki met ec baŋï, ï na kwääya.»

Wïlöölö 33:8 Iomraidhean Croise

Wïlöölö 32:5

ni jïta ki dhäk ka arëëni ki dïëk ki jø tïïc ma mään ki cwøw. 'Ba ennø, aana jääŋ baŋï nee gïïögø caan jïrï, ï na kwääya, kiper naa jïta ki met ec nyïmï.› »

Wïlöölö 32:6

Køøre jøøa jääŋŋi aduu baŋ Jeekap, ni köge, ni «Waana pïï buut coku ma Icøø. 'Ba ennø, eno løny ni ena øtjöö, ni ööa baŋï kiper nou røømmu ki gø, ni eni cäädhi ka jiy ma dïpe aŋween.»

Wïlöölö 33:7

Ni ö Liia ko obwöre moe ni nyänhge, ni këëlge cøŋge piny ni kuulge wïthge piny. Køøre cään Jocep ki menni ma Reecal anyänhnhö, ni këëlge cøŋge piny ni kuulge wïthge piny.

Wïlöölö 39:5

'Ba kanya tïïc eni na ŋat raŋ jape, ni cïp teek jïre bäät jap paare bëët, gwïëth Wuuö Jwøk aö bäät nyï Ijep manøgø ki køør Jocep, ni ö gwïëth Wuuö Jwøki ni en bäät japa en paare bëët ki moa en pwödhö.

Acther 2:17

Ni ö nyeya ni mïn yie ki Acther ni mëëye ki gø døc ni kaala nyïïakuue moøgø bëët na näk dëët cwøw poot kucge, ni kïth adun gwac wïïe ni cuum gøøni kar Bacti na gwanynyø.