Wïlöölö 33:18 - Wëël Jwøk

¹⁸ 'Ba kanya ö Jeekapi ki Padan-Aram, ena pïï ki jööt dëël päänya cwøl ni Cekam, na en yi ŋööm Keenan, ni tïïc twïër mare ŋää pääny.

Wïlöölö 33:18 Iomraidhean Croise

Wïlöölö 12:6

Ni ö Abrammi ni pöödhe ki dï ŋöömmögø këël mana pïïe kanya cwøl ni Cekam na en jaadha dwøŋŋi yie mar Mörë. 'Ba yi kar kanyøgø jø Keenan oløny ni bëëdö yi ŋöömmögø.

Wïlöölö 25:20

'Ba kanya tïm Aydhaki ni cwiiye pïëraŋween, Rebëëka nyi Batuël na näk nyï Aram, paana en Padan-Aram, anywøme. Rebëëka beeye cöök Leeban na näk nyï Aram thuwø.

Wïlöölö 28:2

Ö maal, ni ciï Padan-Aram, dhi øt kwaru ma Batuël wää meru, ni nyöömmï ki dhaagø kaace dëët nyïï nääru ma Leeban cöök meru.

Wïlöölö 31:25

'Ba Leeban Jeekap amaae ni Jeekap oduŋkaare moe ee nø gur piny paana näk po kïte, ni ö Leeban ki tuuŋge ni gurge oduŋkaare moge piny Gelät na näk po kïte thuwø.

Wïlöölö 35:9

'Ba kanya duu Jeekapi ki yi Padan-Aram, Jwøk ree acäŋ nyoothø jïgø ni gwïëth gø,

Wïlöölö 37:13

Ni kö Icrielli jï Jocep, «Uutwäru ena baŋ kwaath ki dïëk buut Cekam. Ööï nø niï jääŋŋa baŋge.» Ni kö Jocepi jïre, «Wøp, a cøø.»

Wïlöölö 46:15

Ruben, ki Cimien, ki Libay, ki Juuda, ki Icakar, ki Dhebulan beege wäät Liia, na nywøle ki Jeekap yi Padan-Aram, ni nyaare ma Dina nywøle ka gø thuwø. Ni kwään jagøgø bëët ki wäätge beege pïëradäk kurdäk.

Wïlöölö 48:7

Kiper kanya ööa ki yi Padan, kanya poode ni piny poot bäär mëëth naa poot kär pïï Eeparata, meru ma Reecal athøø buuta øtjöö yi ŋööm Keenan, ni koonya gø kaace øtjöör Eeparata, paana cwøl ni Bethelem.»

Jeremaya 41:5

jiy ma pïërabära aöö ni ge käla Cekam ki Cëëlö ki Cameria, ni jïëc tïkge ege lielø na abïïe moge ege jeeyø ni dëëtge ege ŋarø ki gïï mo beth, ni ge käädö ki muuce mo beel ki gïn wø jïye ŋwääi ni met, kiper nee cïpge yi øt Wuuö Jwøk.

Jøøn 3:23

'Ba Jøøn thuwø alöö na nyuudhi yi Eenan buut Caalim, kiper kaace da pïï mo thööth. Ni ö jiyi ni öge nee ge lwøk na nyuudhi yie.

Jøøn 4:5

Kiper manøgø nø, ena ci yi paac mør mo ena yi Cameria mo cwøl ni Caykar, na cään ki pwötha cïp Jeekapi jï wääde ma Jocep.

Moa Tïïc Nyïïatwieli 7:16

Ni ö rïŋ dëëtge ni dwøgi Cekam, ni pïëlge geni yi kään kïdi mana näk oŋeew Eeberammi ki gwel baŋ wäät Eemör yi Cekam.

Jøcua 24:1

Køøre Jøcua wïth tuŋi mo jø Icriel bëët acwøle, ni cooŋge dëëtge Cekam, ni ö jø døøŋŋø, ki dïbwöthe, ki jø wø ŋøl luup, ki jø kööre, ni beege mo jø Icriel, ni cwöli wøk ki dï jøøgø; ni öge kany mo cään nyïm Jwøk.

Pïëmme 9:1

'Ba Abimëlëk o Jerubaal aci Cekam baŋ tuuŋ menni, ni cääne ki geni këël jøøa en ri dhi øt kwari wää menni ge bëët, ni kööe,